Mark 8:21 - Chishemanituu Utayimuwin: Kaa Uskaach Testament

²¹ Jesus maak chii iteu, “Taanite wehchi ekaa chii nisituhtamekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᒌᓴᔅ ᒫᒃ ᒌ ᐃᑌᐤ, ᑖᓂᑌ ᐌᐦᒋ ᐁᑳ ᒌ ᓂᓯᑐᐦᑕᒣᒄ᙮

Mark 8:21 Iomraidhean Croise

Mark 6:52

Wesh taapaa uhchi nisituhtamuch taan e ishi wiihtamaachemakaniyich aniyuu aaihkunaauh kaa ashamaakanuyich niyaayinwaau chishemitaahtumitanuu iinuuh. Namui uhchii nisituhtamuch wesaa e chii maskuutehetwaau.

Mark 8:12

Jesus maak chii yahkataamuu utahchaahkuhch ekw kaa itwet, “Chekwaan wehchi nitaweyihtahkwaau iinuuch anuhchiish kaa chiishikaayich chechii waapahtiyaakanuutwaau maamishkaach waapahtiiwewiniyuu. Kuiskw chiwiihtamaatinaawaau, namui chika uhchi waapahtiikunaawaau maamishkaach waapahtiiwewin chiyawaau iinuuch anuhchiish kaa pimaatisiyekw.”

Mark 8:17

Jesus maak chii chischeyimeu taan e itweyich ekw kaa kakwechimaat, “Chekwaan wehchi aayimuutamekw an ekaa ayaawekw aaihkunaau. Namui aa eshkw chinisituhtenaawaau. Chimaskuutehenaawaau aa kaye chiyawaau.

Mark 8:22

Iskutak wetihtahkwaau Bethsaida chii ihtaauch awenichii e peshuwaatwaau naapeu ekaa waapahtamiyich. Naashch chii nitaweyimeuch Jesus chechii saaminaayich aniyuuh naapeu.

Mark 9:19

Jesus maak chii iteu aniyuuh anit kaa ihtaayitwaauh, “Chiyawaau iinuuch anuhchiish kaa pimaatisiyekw ekaa kaa ayaayekw taapwehtamuwin, taan che ishpish ihtaayaan utah e ihtaayekw yaakw chechii nisituhtamekw. Taan che ishpish ashuwaapamitakuch ekw chechii ayaayekw taapwehtamuwin. Peshuwaahkw an naapesh.”

John 14:9

Jesus chii nishkweushiheu e itaat, “Philip, shaash weskach kaa ihtaayaan utah e ihtaayekw yaapach maak namui chichischeyimin. An awen kaa waapamit shaash waapameu Uhtaawiimaau. Chekwaan maak wehchi kakwechimiin chechii waapahtiitaan Uhtaawiimaau.

1 Corinthians 15:34

Wii waashkameyihtamukw maa. Ekun ekw ishpish machituutamukw. Chipaa pimaamishiinaawaau e ititakuch pasch anit e tashiyekw ekaa chischeyimekw Chishemanituu.

1 Corinthians 6:5

Namui aa chimamahteyimunaawaau uu e ihtiyekw. Namui aa mechim ihtaau peyakw wiichishaanimaau anit e tashiyekw e kachehtaaweyihtahk chechii wiichihiitaakw taan chechii ishi nihiipayihtaatuwekw taan e ishi mamachipayihkahtaatuwekw.