Mark 8:2 - Chishemanituu Utayimuwin: Kaa Uskaach Testament

² “Nichistimaacheyimaauch uchii iinuuch. Shaash nishtu chiishikaauh kaa ishpish ihtaatwaau utah e ihtaauch namui maak shaash ihtakuniyuu chekwaayuu che miichitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᓂᒋᔅᑎᒫᒉᔨᒫᐅᒡ ᐅᒌ ᐄᓅᒡ᙮ ᔖᔥ ᓂᔥᑐ ᒌᔑᑳᐤᐦ ᑳ ᐃᔥᐱᔥ ᐃᐦᑖᑣᐤ ᐅᑕᐦ ᐁ ᐃᐦᑖᐅᒡ ᓇᒧᐃ ᒫᒃ ᔖᔥ ᐃᐦᑕᑯᓂᔫ ᒉᒀᔫ ᒉ ᒦᒋᑣᐤ᙮

Mark 8:2 Iomraidhean Croise

Matthew 14:14

Iskutak maak kepaat Jesus, wiyaapamaat maak aniyuu mihchetu iinuu, chii chistimaacheyimeu, kaye chii miinuwaachiheu aniyuu kaa aahkusiitwaau kaa peshuwaakanuyich.

Matthew 20:34

Jesus maak chii chistimaacheyimeu, kaa taahtinamuwaat uschiishikuyuu, tiiwehch maak chii waapahtamiyuu, ekw kaa ati nuushuushkaakut.

Matthew 9:36

Iskutak maak wiyaapamaat aniyuu mihchetu aweyuuh, naashch chii chistimaacheyimeu kiipaa naashch e mukushkaateyihtamihaakanuyich kaye ekaa ayaayich aspeyimuwiniyuu, mwehch maanishchaanishach e ishinaakusitwaau ekaa ayaawaatwaau maanishchaanishuiinuuh che naanaakachihiikutwaau.

Mark 1:41

Jesus maak naashch chii chistimaacheyimeu ekw kaa tashupayihtaat uspitun kaa taahtinaat e itaat, “Chiwii wiichihiitin, payehchisiih maak.”

Mark 5:19

Namui maak uhchi pachishtinikuu Jesus chechii wiichewaat. Chii itikuu, “Maachiih chiiwe, nituwaapamach chiwiichewaakanich neshta chiwaahkumaakanich, che wiihtamuutwaau taan kaa ishi miyutuutamaask Chishemanituu, kaye taan kaa ishi chistimaacheyimisk.”

Mark 6:32

Ekw kaa aashuuhahkwaau, anite kaa ati isichimetwaau ekaa ihtaanuyich.

Mark 6:34

Iskutak Jesus kepaat aniyuu utiyuu chii waapameu aniyuu iinuuh e mihchetiyich. Naashch maak chii muushihtaau e chistimaacheyimaat mwehch maanishchaanishach ekaa ayaawaatwaau maanishchaanishuiinuu che naanaakachihiikutwaau e ishinaakusitwaau. Ekw kaa chiskutamuwaat mihchetu chekwaayuuh.

Mark 8:3

Chiiwetishihuukwaawenich ekaa mechim ashamakwaau kata ishinaakuniyuu chechii aakweyihtahkwaau mekwaach e pimuhtetwaau wesh pasch uchii iinuuch mista waahiyuu chii uhtuhteuch.”

Mark 9:22

Kaye chii iteu, “Shaash mihchetwaau chii wii nipahiikuu aniyuu machiahchaahkwa ishkutehch maak nipiihch e ishiwepinikut. Chistimaacheyiminaan maa, wiichihiinaan, chechii wii wiichihiiwaahche.”

Luke 15:20

“Ekw maak kaa pisikuut kaau che nituwaapamaat uhtaawii. Ekw maak eshkw e ayaaunaakuniyich che ishpish takushinit anit e ihtaatwaau, chii waapamikuu uhtaawii ekw naashch kaa chistimaacheyimikut ekw kaa nituu aapupayishtaakut, kaa waweuchipitikut kaa uchemikut.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

Hebrews 2:17

Eukw aniyuu wehchi tekash iiniihch chii ishihaakanuut. Chii nituweyihtaakusuu wiichishaan chechii nispituwaat anit chechii uhchi chisheayimiheuchimaaut Chishemanituu e atushkuwaat, ekw maak chechii wepeyihtamuwaakanuyich aweyuuh umachihtwaawiniyuuh.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.

Hebrews 5:2

An awen kaa chisheayimiheuchimaaut chischeyihtam kaye wiya taan e iteyihtaakuniyich e nachishkaakanuyich kakwechihiiwewiniyuu. Ekw maak chescheyimaat yaakwaau chechii ihtuutawaat aniyuu utiiniim ekaa kaa iipwaahkaayich ekaa kuiskw ihtiyich.