Mark 8:17 - Chishemanituu Utayimuwin: Kaa Uskaach Testament

¹⁷ Jesus maak chii chischeyimeu taan e itweyich ekw kaa kakwechimaat, “Chekwaan wehchi aayimuutamekw an ekaa ayaawekw aaihkunaau. Namui aa eshkw chinisituhtenaawaau. Chimaskuutehenaawaau aa kaye chiyawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᒌᓴᔅ ᒫᒃ ᒌ ᒋᔅᒉᔨᒣᐤ ᑖᓐ ᐁ ᐃᑗᔨᒡ ᐁᒄ ᑳ ᑲᑴᒋᒫᑦ, ᒉᒀᓐ ᐌᐦᒋ ᐋᔨᒨᑕᒣᒄ ᐊᓐ ᐁᑳ ᐊᔮᐌᒄ ᐋᐃᐦᑯᓈᐤ᙮ ᓇᒧᐃ ᐋ ᐁᔥᒄ ᒋᓂᓯᑐᐦᑌᓈᐙᐤ᙮ ᒋᒪᔅᑰᑌᐦᐁᓈᐙᐤ ᐋ ᑲᔦ ᒋᔭᐙᐤ᙮

Mark 8:17 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 15:17

Namui aa chinisituhtenaawaau, misiwe awen taan e ishi piihtahahk utuunihch, wataahch ispayiniyuu, ekw maak e ati wiiwiipayihtaat.

Matthew 16:7

Chii ayimituutamuch aniyuu kaa itikutwaau Jesus e itwetwaau, “Ekaa uhchi peshiimuhkw aaihkunaau eukw wehchi itwet uyuu.”

Mark 16:14

Paatimaa maak, Jesus chii nuukushiishtaweu aniyuu peyakushaap mekwaach e maamuumiichisuyich miichisuunaahtikuhch. Chii aanuweyimeu maak aniyuu e aanuwehtamiyich kaye e miskauteheyich, ekaa uhchi wii taapwehtawaayich aniyuu chischinuhamuwaakanh aniyuuh kaa waapamikuyich paatimaa kaa wanishkaanaakanuut.

Mark 2:8

Jesus maak tiiwehch chii muushihtaau utahchaahkuhch uyuu e ishi maamituneyihtamiyich ekw kaa itaat, “Chekwaan an wehchi ishi maamituneyihtamekw.

Mark 3:5

Jesus chii chishuwaasuu e kanawaapamaat eyuu maak chii misimitehiiskaakuu aniyuu e siipihtamiyich. Ekw kaa itaat aniyuu naapeu kaa maaskaniyich utihchiyuu, “Tashupayihtaah chitihchii.” Chii tashupayihtaau maak an naapeu aniyuu utihchii, ekw maak kaa miinuwaachihtaakanuyich aniyuu utihchii, mwehch aniyuu kutachiyuu utihchii kaa ishi miywaayich ekun kaa ishinaakuniyich aniyuu utihchii kaa maaskaniyich.

Mark 6:52

Wesh taapaa uhchi nisituhtamuch taan e ishi wiihtamaachemakaniyich aniyuu aaihkunaauh kaa ashamaakanuyich niyaayinwaau chishemitaahtumitanuu iinuuh. Namui uhchii nisituhtamuch wesaa e chii maskuutehetwaau.

Mark 8:16

Chii ayimitutamuch aniyuu kaa itikutwaau Jesus e itwetwaau, “Ekaa uhchi peshiimuhkw aaihkunaau eukw wehchi itwet uyuu.”

Luke 24:25

Ekw anichii chischinuhamuwaakanich kaa itikutwaau Jesus, “Chiyawaau naapeutikw, taapwe ekaa kaa iteyihtamekw, taanite wehchi ekaa uhchii taapwehtawekuch taan kaa ishi niikaan wiihtahkwaau aniyehkaa uchischiwehiichesuuch.

John 16:30

Nichischeyihtenaan maak misiwe chekwaan e chischeyihtaman, namui nituweyihtaakusuu awen chechii kakwechimisk chekwaayuu, eukw maak uu wehchi taapwehtamaahch Chishemanituu e ihtaat e chii uhtuhteyin.”

John 21:17

Nishtwaau maak miin Jesus chii iteu, “Simon, John kaa ukusiitutaask, chisaachihiin aa.” Ekw Peter naashch kaa macheyihtahk wesh ekw nishtwaau kaa kakwechimikut Jesus e itikut, “Chisaachihiin aa.” Ekw kaa itaat, “Utipeyihchikeu, misiwe chekwaan chichischeyihten, chichischeyihten e saachihiitaan.” Jesus maak chii itikuu, “Nanaakachihiich nimaanishchaanishimach.

Revelation 2:23

Nika nipahaayuuh aniyuu kaa nuushuushkaakut. Ekw maak misiwe anichii umaamuuayimihaauch che chischeyimitwaau niya e aawiyaan an kaa chischeyimaat aweyuuh taan nihaau e iteyihtamiyich kaye taan nihaau e ishi teheyich. Misiwe e tashiyekw chika waweshihiitinaawaau taan mikw kaa ishi machituutamuwekwe.