Mark 7:5 - Chishemanituu Utayimuwin: Kaa Uskaach Testament

⁵ Ekw anichii Phariseech ekw maak anichii wiishuwewiniyuu kaa chiskutamaachetwaau kaa kakwechimaatwaau Jesus e itaatwaau, “Uchii maa chichischinuhamuwaakanich, chekwaayuu wehchi ekaa ihtuutahkwaau taan kaa ishi pechi aashuu naanaakachihtaatwaau kuuhtaawiinuuch chechii ishi naanaakachihtaakanuyich. Mikw ishi miichisuuch ekaa mechim ihtuutahkwaau aniyuu chipaa ihtuuch e chishtaapautaatwaau utihchiiwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐁᒄ ᐊᓂᒌ ᕓᕆᓰᒡ ᐁᒄ ᒫᒃ ᐊᓂᒌ ᐐᔓᐌᐎᓂᔫ ᑳ ᒋᔅᑯᑕᒫᒉᑣᐤ ᑳ ᑲᑴᒋᒫᑣᐤ ᒌᓴᔅ ᐁ ᐃᑖᑣᐤ, ᐅᒌ ᒫ ᒋᒋᔅᒋᓄᐦᐊᒧᐙᑲᓂᒡ, ᒉᒀᔫ ᐌᐦᒋ ᐁᑳ ᐃᐦᑑᑕᐦᒀᐤ ᑖᓐ ᑳ ᐃᔑ ᐯᒋ ᐋᔔ ᓈᓈᑲᒋᐦᑖᑣᐤ ᑰᐦᑖᐐᓅᒡ ᒉᒌ ᐃᔑ ᓈᓈᑲᒋᐦᑖᑲᓄᔨᒡ᙮ ᒥᒄ ᐃᔑ ᒦᒋᓲᒡ ᐁᑳ ᒣᒋᒻ ᐃᐦᑑᑕᐦᒀᐤ ᐊᓂᔫ ᒋᐹ ᐃᐦᑑᒡ ᐁ ᒋᔥᑖᐸᐅᑖᑣᐤ ᐅᑎᐦᒌᐙᐤ᙮

Mark 7:5 Iomraidhean Croise

Matthew 15:2

“Taan e ihtitwaau anichii chichischinuhamuwaakanich wehchi ekaa nanihiihtahkwaau aniyuu ihtuwiniyuu aniyehkaanaanich kuuhtaawiinuuch kaa aashuu miitahkwaau. Wesh namui ihtuutamuch wiyawaau chechii chishtaapautaatwaau utihchiiwaau eshkw ekaa miichisutwaau.”

Mark 7:13

Uu maak e ishi aashuu chischinuhamaacheyekw chipiikunamuwaanaawaau Chishemanituu utayimuwin. Ihtakun maak mihchetu kutak chekwaayuu e ihtiyekw ekaa kuiskw ishinaakuhkwaauh.”

Mark 7:8

Jesus chii itweu, “Ekun maak e ihtiyekw chiyawaau. Namui chitaapateyihtamuwaanaawaau taan e itashuwet Chishemanituu ekw aniyuu taan e ishi chiskutamaachet naapeu eukun an teyakuch nenihiihtamekw.”

Mark 7:9

Chii ati itweu miin Jesus, “Taapwe chikaschihunaawaau an e ihtiyekw ekaa aapateyihtamuwekw aniyuu taan kaa itashuwet Chishemanituu chiyawaau taan e ishi chiskutamaacheyekw teyakuch chechii chisteyihtamihiikuyekw.

ᐊᐸᔅᑕᓚᒡ 21:21

Chii itaachimushtuwaakanuuch maak e chiskutamaamat aniyuu Jewa kaa wiichiyich anite ekaa Jewa kaa itiskaanesiyich e ihtaayich ekaa chechii aapateyihtamihiikuyich Moses uwiishuwewiniyuu, e itatwaau ekaa chechii chischinuwaachishwaatwaau utawaashiimuwaau kaye ekaa chechii aapateyihtahkwaau Jewa ihtuwinh.

ᐊᐸᔅᑕᓚᒡ 21:24

Wiicheuch maak uchii naapeuch anite Jewa chisheayimiheukamikuhch e nituu payehchihiisutwaau, che chiishiihkamut aniyuu chipaa ishpish chiishiihkaasuuch, ekw maak chipaa kaaschipaataakanuyuuh ustikwaaniwaauh. Ekw maak che waapahtiiweyin chipimaatisiiwinihch eshkw e chisteyihtamut Moses uwiishuwewin kaye che chischeyihtaakuhch e chii nanatayaachimunaanuuch an kaa itaachimikuyin ekaa aapateyihtamut Moses uwiishuwewin.

Romans 4:12

Kaye maak aniyuuh kaa chischinuwaachishwaakanuyich uhtaawiimaaututaweu, mikw namui uhtaawiimaaututaweu mikw aniyuu e chii chischinuwaachishwaakanuyich. Aniyuu taapwehtamuwinihch e ishi pimaatisiyich mwehch wiya kaa ihtit aniyaanaa kuuhtaawiinuu Abraham eshkw ekaa uhchi chischinuwaachishwaakanuut eukw uyuu wehchi uhtaawiimaaututawaat.

Galatians 1:14

Uste niya kwaast nichii ihtin chechii miyutuutamaan taan kaa itashumikuyaahch Jewa iinuuch utayimihewinawaau ishpishaat mihchetu niich Jewa iinuuch e wiich ispihtaatisiimakwaau. Kwaast e ishpish chii ihtuutamaan nichii wii nanihiihtamuwaan uchiskutamaachewinawaau aniyehkaanaanich chiwaahkumaakanuuch.

2 Thessalonians 3:11

Ekun uu wehchi ititaahch wesh nipehtenaan e ihtaatwaau anit e ihtaayekw pasch ekaa mitun wiyesh itaapatisitwaau mikw e ayimitutawaatwaau aweyuu.

2 Thessalonians 3:6

Niichishaanitikw, chititashumitinaan Utipeyihchikeu Jesus Christ utishinihkaasuwin uhchi, ekaawii piskaataahkuch anichii awenichii ekaa mitun wiyesh kaa itaapatisitwaau kaye ekaa kaa aapateyihtahkwaau taan kaa ishi chiskutamaataahch.