Mark 7:36 - Chishemanituu Utayimuwin: Kaa Uskaach Testament

³⁶ Ekw Jesus kaa itaat aniyuuh iinuuh ekaa chechii wiihtamuwaayich kutak aweyuu uyuu e chii ispayiyich. Mikw maak aat suuhk e chii chistahamuwaat aahch etituu chii papaamaachimuyuuh e waawiihtamuwaayich aweyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁶ ᐁᒄ ᒌᓴᔅ ᑳ ᐃᑖᑦ ᐊᓂᔫᐦ ᐄᓅᐦ ᐁᑳ ᒉᒌ ᐐᐦᑕᒧᐙᔨᒡ ᑯᑕᒃ ᐊᐌᔫ ᐅᔫ ᐁ ᒌ ᐃᔅᐸᔨᔨᒡ᙮ ᒥᒄ ᒫᒃ ᐋᑦ ᓲᐦᒃ ᐁ ᒌ ᒋᔅᑕᐦᐊᒧᐙᑦ ᐋᐦᒡ ᐁᑎᑑ ᒌ ᐸᐹᒫᒋᒧᔫᐦ ᐁ ᐙᐐᐦᑕᒧᐙᔨᒡ ᐊᐌᔫᐦ᙮

Mark 7:36 Iomraidhean Croise

Matthew 8:4

Ekw Jesus kaa itaat, “Yaaitei, ekaawii mitun wiihtamuu awen paatishkaan chii nituuchischeyimiske ayimiheuchimaau itiske maak shaash e miinuwaatisiyin. Kaye chii pachishtinamane an miiwewin aniyaa Moses kaa itashuwet chechii miiwaanuyich iskutak e miinuwaachihaakanuut awen. Eukw maak uyeyuu uhchi che chischeyimiskwaau awenichii tekash e miinuwaatisiyuut.”

Mark 3:12

Jesus maak suuhk chii ayimiheu e itaat ekaa chechii wiihtamuwaayich aweyuu awen e aawit.

Mark 5:43

Jesus maak chii itashumeu ekaa chechii wiihtamuwaayich kutak aweyuu taan kaa ispayiyich. Ekw kaa itaat chechii miyaakanuyich aniyuu ishkwesha chekwaayuu chechii miichiyich.

Mark 7:35

Chii aapahiipayiniyuuh uhtaukaih an naapeu. Kaye aniyuu uteinii kaa aapahkupayiniyiyich ekw naashch kaa uhchi miyu ayimit.

Mark 7:37

Misiwe maak aweyuu kaa pehtamiyich uyuu naashch chii miskaateyihtamihiikuyuu. Chii itweyuuh maak, “Misiwe chekwaayuu chii miyutuutam. Waawaach chii ihtuutamuweu ekaa kaa pehtamiyich chechii pehtamiyich kaye aniyuuh ekaa kaa nihtaaweyich chechii nihtaaweyich.”

Mark 8:26

Ekw Jesus kaa chiiwetishihwaat uyuu e itaat, “Ekaawii ituhte anite ihtaawinihch.”

Mark 9:9

Aniyuu e ati niihchichiwetwaau aniyuu wachiyuu Jesus chii itashumikuuch, “Ekaawii awen uhchi wiihtamuwaahkw uu kaa ispayihch paatish chii wanishkaate Iinuu Ukusisa nipuwinihch uhchi.”