Mark 7:34 - Chishemanituu Utayimuwin: Kaa Uskaach Testament

³⁴ Ishpimihch maak chii ishi tastasaapuu Jesus e yahkataamut, ekw kaa itaat aniyuu naapeu, “Ephphatha.” Uyuu maak kaa itwet, “Aapahiipayih, ishi itweshtamuwaataakanuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᐃᔥᐱᒥᐦᒡ ᒫᒃ ᒌ ᐃᔑ ᑕᔅᑕᓵᐴ ᒌᓴᔅ ᐁ ᔭᐦᑲᑖᒧᑦ, ᐁᒄ ᑳ ᐃᑖᑦ ᐊᓂᔫ ᓈᐯᐤ, ᐁᕙᑕ᙮ ᐅᔫ ᒫᒃ ᑳ ᐃᑗᑦ, ᐋᐸᐦᐄᐸᔨᐦ, ᐃᔑ ᐃᑗᔥᑕᒧᐙᑖᑲᓅ᙮

Mark 7:34 Iomraidhean Croise

Mark 1:41

Jesus maak naashch chii chistimaacheyimeu ekw kaa tashupayihtaat uspitun kaa taahtinaat e itaat, “Chiwii wiichihiitin, payehchisiih maak.”

Mark 15:34

Nishtu maak e ispayihch Jesus chii uhchi tepweu e itwet, “Eloi, Eloi, lama sabachthani. Maau e ishi itweshtamuwaataakanuuhch uu, Nichishemanituum, Nichishemanituum, chekwaan wehchi pechi nakasiyin.”

Mark 5:41

Kaa utinamuwaat utihchiyuu aniyuu awaasha, kaa itaat, “Talitha, koum.” Ishkwesh, “Wanishkaa chititin,” ishi itweshtamuwaataakanuu uu.

Mark 6:41

Ekw Jesus kaa utinaat aniyuu niyaayin aaihkunaau kaye aniyuu niishu namesa, ishpimihch kaa ishi tastasaapit e nanaaskumaat Chishemanituu. Chii pahpihkwepiteu misiwe aniyuuh aaihkunaauh, ekw kaa miyaat uchischinuhamuwaakan chechii maatinaweyich. Kaye aniyuuh niishu namesa chii maatinamuweu chechii maatinamuwaayich misiwe aweyuuh anit kaa ihtaayich chechii miichisuyich.

Mark 7:35

Chii aapahiipayiniyuuh uhtaukaih an naapeu. Kaye aniyuu uteinii kaa aapahkupayiniyiyich ekw naashch kaa uhchi miyu ayimit.

Mark 8:12

Jesus maak chii yahkataamuu utahchaahkuhch ekw kaa itwet, “Chekwaan wehchi nitaweyihtahkwaau iinuuch anuhchiish kaa chiishikaayich chechii waapahtiyaakanuutwaau maamishkaach waapahtiiwewiniyuu. Kuiskw chiwiihtamaatinaawaau, namui chika uhchi waapahtiikunaawaau maamishkaach waapahtiiwewin chiyawaau iinuuch anuhchiish kaa pimaatisiyekw.”

Luke 18:42

Jesus maak chii iteu, “Waapahtah, chitaapwehtamuwin chimiinuwaachihiikuun.”

Luke 19:41

Wetaach maak chii ati peshuwaapahtam Jesus Jerusalemiyuu, iskutak maak wiyaapahtahk chii maatutam.

Luke 7:14

Chii naatam aniyuu tehtinikaniyuu kaa taahtinahk ekw maak anichii kaa tahkunihkwaau aniyuu chii chipihchikaapuuch. Ekw Jesus kaa itwet, “Wanishkaa uschiniichuu.”

John 11:33

Iskutak Jesus wiyaapamaat Mary e maatuyich kaye aniyuu Jewa iinuuh kaa pechi wiicheukuyich e maatuuyitwaau naashch chii taahtinikuu eyuu maak naashch chii misimiteheu.

John 11:35

Chii maatuu Jesus.

John 11:38

Jesus maak miin chii muushihtaau naashch e misimitehet. Ekw kaa ituhtet anite aniyuu kaa waatakwaapiskahiikanuyich anite kaa chiskahaakanuyich Lazarus, chii chipikaapuuhaakanuyikupanenh e misichihtiyich asinii anite e uhchi piihchaanuyich.

John 11:41

Ekw kaa iichehtahaatwaau aniyuu asinii. Jesus maak e tastasaapit chii iteu, “Nuuhtaawii chinanaaskumitin e pechi nituhtuyin.

John 11:43

Iskutak maak uyuu kaa itwet Jesus chii chisheweu e itwet, “Lazarus, pechi wiiwiih.”

John 17:1

Iskutak maak Jesus kaa chiishi ayimit, chii tastasaapuu kihchikiishikuhch ishi ekw kaa itwet, “Nuuhtaawii, ekw wetihchipayihch tipahiikan. Waapahtiiwe taan e ishpish chisteyihtaakusit Chikus ekw maak che waapahtiiwet taan e ishpish chisteyihtaakusuut chiya.

ᐊᐸᔅᑕᓚᒡ 9:34

Ekw Peter kaa itaat, “Aeneas, Jesus Christ chimiinuwaachihiikw, wanishkaa, che utinaman chitashpishimun.” Tiiwehch maak chii wanishkaau Aeneas.

ᐊᐸᔅᑕᓚᒡ 9:40

Peter misiwe aweyuuh chii wiiwiitishiheu anit aniyuu nipeukamikuhch kaa ihtaayitwaauh, ekw kaa niipiskuupit e ayimihaat, ekw kaa kanawaahtahk aniyuu miiyuuyuu e itwet, “Tabitha, wanishkaa.” Chii aapaham maak uschiishikuh an iskweu, iskutak maak wiyaapamaat aniyuu Peter, chii uhchi asamitapuu.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.