Mark 7:31 - Chishemanituu Utayimuwin: Kaa Uskaach Testament

³¹ Jesus maak chii chistuhteu anit Tyrehch uhchi. Iskutak wetihtahk Sidon mikw chii shaapuhtaweshkam. Ekw anite aniyuu aschiiyuu Mitaahtu Ihtaawinh kaa ihtakuniyikwaauh kaa ishi pimuhtet chek kaa utihtahk Galilee saakahiikaniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᒌᓴᔅ ᒫᒃ ᒌ ᒋᔅᑐᐦᑌᐤ ᐊᓂᑦ ᑖᐃᕋᐦᒡ ᐅᐦᒋ᙮ ᐃᔅᑯᑕᒃ ᐌᑎᐦᑕᐦᒃ ᓵᐃᑕᓐ ᒥᒄ ᒌ ᔖᐳᐦᑕᐌᔥᑲᒻ᙮ ᐁᒄ ᐊᓂᑌ ᐊᓂᔫ ᐊᔅᒌᔫ ᒥᑖᐦᑐ ᐃᐦᑖᐎᓐᐦ ᑳ ᐃᐦᑕᑯᓂᔨᒀᐤᐦ ᑳ ᐃᔑ ᐱᒧᐦᑌᑦ ᒉᒃ ᑳ ᐅᑎᐦᑕᐦᒃ ᑲᓕᓖ ᓵᑲᐦᐄᑲᓂᔫ᙮

Mark 7:31 Iomraidhean Croise

Matthew 11:21

“Chiyawaau kaa ihtaayekw anit ihtaawinihch Chorazin kaa ishinihkaatech nuwach chika machipayinaawaau, kaye chiyawaau Bethsaida kaa ihtaayekw eukun mwehch che ishi machipayekw kaye chiyawaau. Wesh aniyuu maamishkaach chekwaayuu kaa ishi ihtuutamaakuyekw chii ihtuutaakanuwaakupanenh anite weshkach Tyre kaye Sidon kaa ishinihkaatekwaauh ihtaawinh shaash weshkach chipaa kweskaatisiyuuch wiyawaau anichii iinuuch. Ekw maak e wii nuukuhtaatwaau e ishpish mihchiiwesitwaau umachihtwaawinawaauh chipaa piskweyekapuuch e kaawekaniyikwaau machunisha, anite maak ishkwaaschisehch chipaa apuuch.

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.

Matthew 4:25

Mihchetu maak aweyuu chii papaawiicheukuu Jesus, anite Galileehch kaye anite kaa mitaahtuhkwaau ihtaawinh kaa ishinihkaateyich, kaye anite Jerusalemihch, Judeahch kaye maak kaye anite kwestehchekaam Jordan siipiihch kaa ihtaayich.

Mark 5:20

Ekw an naapeu kaa chistuhtet misiwe kaa papaa ituhtet aniyuu aschiiyuu Mitaahtu Ihtaawinh kaa ishinihkaateyich e waawiihtahk taan kaa ihtuutamaakut Jesus. Misiwe maak aweyuuh kaa pehtaakut taan kaa ishi wiihtahk chii miskaashtamiyuuh.

Mark 7:24

Jesus maak chii chistuhteu. Anite aniyuu aschiiyuu peshuch Sidon nesht Tyre kaa ihtakuniyich ekute kaa ituhtet. Tekushinit maak chii piihcheu waaskaahiikaniyuu ekw kaa itashuwet ekaa chechii wiihtamuwaakanuyich aweyuu anit e ihtaat. Mikw maak namui chineush uhchii ishinaakuniyuu uyuu kaa ishi nitaweyihtahk.

Mark 7:30

Chii chiiweu maak an iskweu kaa waapamaat aniyuu utaanisa unipewiniihch e pimishiniyich, taapwe e chii nakatikuwiikupanen aniyuu machiahchaahkwa.