Mark 7:27 - Chishemanituu Utayimuwin: Kaa Uskaach Testament

²⁷ Jesus maak chii iteu, “Niishtam anichii Jewa kaa itiskaanesitwaau nipaa wiichihaauch. Namui kuiskw ishinaakun atimuch chechii ishiwepinamuwaakanuutwaau awaasha umiichimiyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᒌᓴᔅ ᒫᒃ ᒌ ᐃᑌᐤ, ᓃᔥᑕᒻ ᐊᓂᒌ ᒎᐗ ᑳ ᐃᑎᔅᑳᓀᓯᑣᐤ ᓂᐹ ᐐᒋᐦᐋᐅᒡ᙮ ᓇᒧᐃ ᑯᐃᔅᒄ ᐃᔑᓈᑯᓐ ᐊᑎᒧᒡ ᒉᒌ ᐃᔑᐌᐱᓇᒧᐙᑲᓅᑣᐤ ᐊᐙᔕ ᐅᒦᒋᒥᔫ᙮

Mark 7:27 Iomraidhean Croise

Matthew 10:5

Ekw uchii niishushaap kaa chihchitishahukutwaau Jesus e itikutwaau, “Ekaawii ituhtekw anite iinuuch ekaa Jewa iinuuch kaa itiskaanesitwaau e ihtaatwaau kaye ekaawii ituhtekw anite ihtaawinh Samaria aschiihch kaa ihtakuhkwaauh.

Matthew 7:6

“Ekaawii miyaahkuch atimuch chekwaayuu e chisteyihtaakuniyich. Kaye ekaawii ishiwepinamuwaahkuch kuuhkuushach e shuuliyaauniyikwaauh waweshihunh wesh mikw kata taahtahkushkaatamuch kaye chika aapamuushtaakuwaauch chechii ushikuhiitaakuch.”

Mark 7:26

Uu maak iskweu Greek chii itiskaanesuu, anite Phoenicia kaa ishinihkaateyich ihtaawiniyuu anite itehche Syria aschiihch kaa ihtakuniyich ekute chii pimaatisiiche. Naashch chii aayihkamisiyuu e nitutamuwaat Jesus chechii wiiwiitishihwaayich aniyuu machiahchaahkwa kaa piihchishkaakuyich utaanisa.

Mark 7:28

Ekw kaa itwet an iskweu, “Ehe, chitaapwen, tepeyihchicheyin. Mikw maak waawaach anichii atimuch shiipaa miichisuunaahtikuhch kaa ihtaatwaau maamuushkahtamuweuch taan e ishi pinihtaweyich aniyuu awaasha.”

ᐊᐸᔅᑕᓚᒡ 22:21

Ekw kaa iishit Utipeyihchikeu, ‘Maachiih yaapach wesh waahyuu chika itishahuutin anite anichii ekaa Jewa kaa itiskaanesitwaau e ihtaatwaau.’ ”

Romans 15:8

Chiwiihtamaatinaawaau, Christ chii takushinuu chechii atushkuwaat Jewa iinuuh, chii wii waapahtiiweu taapwe che ihtuutamiyich Chishemanituuh aniyuu taan kaa itaayich chitaanische waahkumaakanuuh cheshtinaash che ihtuutamuwaayich.

Ephesians 2:12

anit an mekwaach namui kuuhchi wiichewaawaau Christ. Chichii maaniteunaawaau ekaa uhchi asitisinaasuyekw anite Chishemanituu utiiniimh e ihtaayich. Namui kuuhchi asitisinaasunaawaau niskumuwinihch, aniyuuh kaa ushihtaakanuuhkwaau anit uhchi aniyuu taan kaa itwet Chishemanituu cheshtinaash che ihtuutamuwaat utiiniimh. Kaye maak chichii pimaatisiinaawaau utah aschiihch ekaa uhchi ayaayekw aspeyimuwin kaye namui kuuhchi chischeyimaawaau Chishemanituu.