Mark 7:26 - Chishemanituu Utayimuwin: Kaa Uskaach Testament

²⁶ Uu maak iskweu Greek chii itiskaanesuu, anite Phoenicia kaa ishinihkaateyich ihtaawiniyuu anite itehche Syria aschiihch kaa ihtakuniyich ekute chii pimaatisiiche. Naashch chii aayihkamisiyuu e nitutamuwaat Jesus chechii wiiwiitishihwaayich aniyuu machiahchaahkwa kaa piihchishkaakuyich utaanisa.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᐆ ᒫᒃ ᐃᔅᑴᐤ ᒃᕇᒃ ᒌ ᐃᑎᔅᑳᓀᓲ, ᐊᓂᑌ ᕛᓃᓯᔭ ᑳ ᐃᔑᓂᐦᑳᑌᔨᒡ ᐃᐦᑖᐎᓂᔫ ᐊᓂᑌ ᐃᑌᐦᒉ ᓯᕆᔮ ᐊᔅᒌᐦᒡ ᑳ ᐃᐦᑕᑯᓂᔨᒡ ᐁᑯᑌ ᒌ ᐱᒫᑎᓰᒉ᙮ ᓈᔥᒡ ᒌ ᐋᔨᐦᑲᒥᓯᔫ ᐁ ᓂᑐᑕᒧᐙᑦ ᒌᓴᔅ ᒉᒌ ᐐᐐᑎᔑᐦᐙᔨᒡ ᐊᓂᔫ ᒪᒋᐊᐦᒑᐦᑾ ᑳ ᐲᐦᒋᔥᑳᑯᔨᒡ ᐅᑖᓂᓴ᙮

Mark 7:26 Iomraidhean Croise

Matthew 15:22

Iskweu maak chii wiichuu anit Canaan e chii uhchiit, eukw uyuu kaa pechi nituwaapamikut Jesus, e tepweyich e itikut, “Utipeyihchikeu, aniyaa chisheuchimaau David ukusisa, pechi chistimaacheyim maa. Nitaanish naashch taapwe waawiisacheyihtamihiikuu machiahchaahkwa e piihchishkaakut.”

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Mark 7:25

Chii ihtaayuuh iskweu e chii pehtamiyich anit e ihtaat ekw tiiwehch kaa nituwaapamikut e pechi pahchishimipayihuyich anite usitihch ishi. Wesh uu iskweu chii ihtaayuuh utaanisa e piihchishkaakuyich machiahchaahkwa.

Mark 7:27

Jesus maak chii iteu, “Niishtam anichii Jewa kaa itiskaanesitwaau nipaa wiichihaauch. Namui kuiskw ishinaakun atimuch chechii ishiwepinamuwaakanuutwaau awaasha umiichimiyuu.”

Galatians 3:28

Misiwe peyakunihch chit ishi kanawaapamikunuu Chishemanituu, namui wiyeshin Jewa maak ekaa Jewa e itiskaanesiwaauhkwe, kaye maak e aapachihaakaniwaauhkwe maak ekaa e aapachihaakaniwaauhkwe, e naapewaauhkwe maak e iskwewaauhkwe.

Colossians 3:11

Ekw maak namui aapateyihtaakun taan e itiskaanesit awen, Jewa itiskaanesikwe maak ekaa Jewa itiskaanesikwe. Kaye namui aapateyihtaakuniyuu taanite wehchiit awen, taan kaa ishi chiskutamuwaakanuut kaye taan e ishi kanawaapamikut aweyuu. Namui aapatanh uyuuh. Christ e ayaawaat awen upimaatisiiwinihch eukw chihchiwe e iteyihtaakuhch. Misiwe aweyuuh e ishinaakusiyich piihchishkuweu.