Mark 7:25 - Chishemanituu Utayimuwin: Kaa Uskaach Testament

²⁵ Chii ihtaayuuh iskweu e chii pehtamiyich anit e ihtaat ekw tiiwehch kaa nituwaapamikut e pechi pahchishimipayihuyich anite usitihch ishi. Wesh uu iskweu chii ihtaayuuh utaanisa e piihchishkaakuyich machiahchaahkwa.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᒌ ᐃᐦᑖᔫᐦ ᐃᔅᑴᐤ ᐁ ᒌ ᐯᐦᑕᒥᔨᒡ ᐊᓂᑦ ᐁ ᐃᐦᑖᑦ ᐁᒄ ᑏᐌᐦᒡ ᑳ ᓂᑐᐙᐸᒥᑯᑦ ᐁ ᐯᒋ ᐸᐦᒋᔑᒥᐸᔨᐦᐅᔨᒡ ᐊᓂᑌ ᐅᓯᑎᐦᒡ ᐃᔑ᙮ ᐌᔥ ᐆ ᐃᔅᑴᐤ ᒌ ᐃᐦᑖᔫᐦ ᐅᑖᓂᓴ ᐁ ᐲᐦᒋᔥᑳᑯᔨᒡ ᒪᒋᐊᐦᒑᐦᑾ᙮

Mark 7:25 Iomraidhean Croise

Matthew 15:22

Iskweu maak chii wiichuu anit Canaan e chii uhchiit, eukw uyuu kaa pechi nituwaapamikut Jesus, e tepweyich e itikut, “Utipeyihchikeu, aniyaa chisheuchimaau David ukusisa, pechi chistimaacheyim maa. Nitaanish naashch taapwe waawiisacheyihtamihiikuu machiahchaahkwa e piihchishkaakut.”

Mark 1:40

Chii pechi naatikuu Jesus naapeu e maayaataniyich umichiiwaaspinewiniyuu e ayaayich. Chii uchihchiihkunipayihuyuu anit e ihtaat ekw kaa nitutamaakut chechii miinuwaachihaat. Chii itikuu, “Wii pechi wiichihiine chika chii ihtuuten chechii payehtisiyaan.”

Mark 5:33

Ekw maak an iskweu e chischeyihtahk taan kaa ihtuutamuwaakanuut, chii pechi utisipayihuu Jesus e ihtaayich e nanamipayit e ishpish sechisit. Ekw kaa wiihtamuwaat wiya e chii taahtinaat.

Mark 7:24

Jesus maak chii chistuhteu. Anite aniyuu aschiiyuu peshuch Sidon nesht Tyre kaa ihtakuniyich ekute kaa ituhtet. Tekushinit maak chii piihcheu waaskaahiikaniyuu ekw kaa itashuwet ekaa chechii wiihtamuwaakanuyich aweyuu anit e ihtaat. Mikw maak namui chineush uhchii ishinaakuniyuu uyuu kaa ishi nitaweyihtahk.

Mark 7:26

Uu maak iskweu Greek chii itiskaanesuu, anite Phoenicia kaa ishinihkaateyich ihtaawiniyuu anite itehche Syria aschiihch kaa ihtakuniyich ekute chii pimaatisiiche. Naashch chii aayihkamisiyuu e nitutamuwaat Jesus chechii wiiwiitishihwaayich aniyuu machiahchaahkwa kaa piihchishkaakuyich utaanisa.

Luke 17:16

Iskutak maak tekushihk chii uchihchiihkunapayihuu uhchishkuu Jesus e ihtaayich e nanaaskumaat. Uu maak naapeu Samaria aschiihch chii uhchiyuu.