Mark 7:2 - Chishemanituu Utayimuwin: Kaa Uskaach Testament

² Naashch chii chiihkaayaapameuch aniyuu chischinuhamuwaakanh aniyuu e kaa uhchi kaasiitihcheyich eshkw ekaa miichisuyich. E chii maak itashuweyich Phariseeh chechii kaasiitihcheyich aweyuu eshkw ekaa miichisuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᓈᔥᒡ ᒌ ᒌᐦᑳᔮᐸᒣᐅᒡ ᐊᓂᔫ ᒋᔅᒋᓄᐦᐊᒧᐙᑲᓐᐦ ᐊᓂᔫ ᐁ ᑳ ᐅᐦᒋ ᑳᓰᑎᐦᒉᔨᒡ ᐁᔥᒄ ᐁᑳ ᒦᒋᓱᔨᒡ᙮ ᐁ ᒌ ᒫᒃ ᐃᑕᔓᐌᔨᒡ ᕓᕆᓰᐦ ᒉᒌ ᑳᓰᑎᐦᒉᔨᒡ ᐊᐌᔫ ᐁᔥᒄ ᐁᑳ ᒦᒋᓱᔨᒡ᙮

Mark 7:2 Iomraidhean Croise

Matthew 15:2

“Taan e ihtitwaau anichii chichischinuhamuwaakanich wehchi ekaa nanihiihtahkwaau aniyuu ihtuwiniyuu aniyehkaanaanich kuuhtaawiinuuch kaa aashuu miitahkwaau. Wesh namui ihtuutamuch wiyawaau chechii chishtaapautaatwaau utihchiiwaau eshkw ekaa miichisutwaau.”

Mark 7:5

Ekw anichii Phariseech ekw maak anichii wiishuwewiniyuu kaa chiskutamaachetwaau kaa kakwechimaatwaau Jesus e itaatwaau, “Uchii maa chichischinuhamuwaakanich, chekwaayuu wehchi ekaa ihtuutahkwaau taan kaa ishi pechi aashuu naanaakachihtaatwaau kuuhtaawiinuuch chechii ishi naanaakachihtaakanuyich. Mikw ishi miichisuuch ekaa mechim ihtuutahkwaau aniyuu chipaa ihtuuch e chishtaapautaatwaau utihchiiwaau.”

Luke 11:38

Chii miskaateyihtam an Pharisee ekaa uhchi kaasiitihcheyich Jesus eshkw ekaa miichisuyich. Wesh ekun kaa chii ihtinaanuyich maan.

ᐊᐸᔅᑕᓚᒡ 10:28

Ekw kaa itaat aniyuu iinuu, “Chika aayimuutamaatinaawaau chekwaan. Chimiyuchischeyihtenaawaau anite Jewa ayimihewin wiishuweusinahiikanihch e itashtech awen e Jewa iinuut ekaa chechii chiiutamaat aweyuu ekaa Jewa itiskaanesiyich kaye ekaa chechii wiichewaakanitutawaat. Chishemanituu maak nichii waapahtiikw ekaa chechii aataweyimak awen, chechii iteyimak ekaa payehchisiit maak e machisit chechii iteyimak.

ᐊᐸᔅᑕᓚᒡ 11:8

Nichii itwen maak, ‘Namui nika uhchi ihtuuten uu Utipeyihchikeu, namui wiiskaat nuuhchi miichin chekwaan e wiinaach e iteyihtaakuhch Jewa wiishuwewinihch kaa wiihtaakuhch ekaa wiiskaat chipaa uhchi miichinaanuu,’ nichii itaau.

Romans 14:14

E wiicheuk Utipeyihchikeu Jesus ekut wehchi chischeyihtamaan misiwe e ishinaakuhch miichim chechii miichiihkw. Mikw maak chiishpin e ihtakuniyikwe awen chekwaayuu e iteyihtahk ekaa chipaa uhchi naheyihtamihiikuyuuh Chishemanituuh e miichit maak e minihkwet namui kiipaa chipaa uhchi miichuu kaye namui chipaa uhchi minihkweu aniyuu chekwaayuu.

Hebrews 10:29

Etituu maak chika iteyihtaakuniyuu an awen yaapach kaa machituutahk aat e chischeyihtahk ekaa kuiskw ihtit. Uyuu e ihtit maayeyimeu Chishemanituu Ukusiyuu. Maayeyihtamuweu umihkuyuu kaa siikanikaateyich aashiteyaahtikuhch kaa nipahaakanuyich. Maayeyihtam aniyuu kaa ushkaayich niskumuwiniyuu aniyuu Chishemanituu kaa ushihtamuwaayich utiiniimiyuu. An awen uyuu kaa ihtit maayeyimeu kaye Kaa payehtisiyich Ahchaahkwa an kaa chischeyihtamihiitahkw Chishemanituu ushaweyihchichewiniyuu. Uu awen ishinaakuniyuu taapwe chechii waweshihaakanuukupane.

Revelation 21:27

Namui chika uhchi pachishtinikanuu chekwaan e maayaatahch chechii ihtakuhch anit an ihtaawin. Namui kaye chika chii piihcheu an awen nitawiin kaa ihtit maak kaa wiich nanatayit. Mikw anichii kaa masinaateyikwaau utishinihkaasuwinawaau anite aniyuuh Maanishchaanish upimaatisiyuu masinahiikaniihch chika chii piihcheuch aniyuu ihtaawiniyuu.