Mark 7:13 - Chishemanituu Utayimuwin: Kaa Uskaach Testament

¹³ Uu maak e ishi aashuu chischinuhamaacheyekw chipiikunamuwaanaawaau Chishemanituu utayimuwin. Ihtakun maak mihchetu kutak chekwaayuu e ihtiyekw ekaa kuiskw ishinaakuhkwaauh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᐆ ᒫᒃ ᐁ ᐃᔑ ᐋᔔ ᒋᔅᒋᓄᐦᐊᒫᒉᔦᒄ ᒋᐲᑯᓇᒧᐙᓈᐙᐤ ᒋᔐᒪᓂᑑ ᐅᑕᔨᒧᐎᓐ᙮ ᐃᐦᑕᑯᓐ ᒫᒃ ᒥᐦᒉᑐ ᑯᑕᒃ ᒉᒀᔫ ᐁ ᐃᐦᑎᔦᒄ ᐁᑳ ᑯᐃᔅᒄ ᐃᔑᓈᑯᐦᒀᐤᐦ᙮

Mark 7:13 Iomraidhean Croise

Matthew 15:6

Aniyuu maak e ihtit namui chisteyimeu uhtaawiih. Uu maak e ishi chiskutamaacheyekw chitihtuutuwaawaauch chechii nahiihtahkwaau aniyuu ihtuwinh kaa chiskutamuwekuch ishpish wii Chishemanituu utayimuwiniyuu chechii naanahiihtamuwaatwaau.

Mark 7:12

Namui wanipayuu chititaawaau uyuu e ihtit.

Mark 7:14

Ekw Jesus miin kaa wiishaamaat aniyuu iinuuh chechii pechi ituhteyich ekw kaa itaat, “Nituhtuukw maa, misiwe e tashiyekw, kaye wii nisituhtuukw taan che itweyaan.

Mark 7:3

Wesh Phariseech ekw maak misiwe Jewa iinuuch naashch yaakwaau chii nanaakataweyihtamuch chechii ihtuutahkwaau kaye wiyawaau taan kaa chii pechi ihtuutamiyich aniyehkaanaan uhtaawiiwaauh. Namui uhchi miichisuuch paatish kaa ihtuutahkwaau aniyuu taan chipaa ihtuuch e chishtaapautaatwaau utihchiiwaau.

Mark 7:5

Ekw anichii Phariseech ekw maak anichii wiishuwewiniyuu kaa chiskutamaachetwaau kaa kakwechimaatwaau Jesus e itaatwaau, “Uchii maa chichischinuhamuwaakanich, chekwaayuu wehchi ekaa ihtuutahkwaau taan kaa ishi pechi aashuu naanaakachihtaatwaau kuuhtaawiinuuch chechii ishi naanaakachihtaakanuyich. Mikw ishi miichisuuch ekaa mechim ihtuutahkwaau aniyuu chipaa ihtuuch e chishtaapautaatwaau utihchiiwaau.”

Mark 7:9

Chii ati itweu miin Jesus, “Taapwe chikaschihunaawaau an e ihtiyekw ekaa aapateyihtamuwekw aniyuu taan kaa itashuwet Chishemanituu chiyawaau taan e ishi chiskutamaacheyekw teyakuch chechii chisteyihtamihiikuyekw.

Galatians 1:14

Uste niya kwaast nichii ihtin chechii miyutuutamaan taan kaa itashumikuyaahch Jewa iinuuch utayimihewinawaau ishpishaat mihchetu niich Jewa iinuuch e wiich ispihtaatisiimakwaau. Kwaast e ishpish chii ihtuutamaan nichii wii nanihiihtamuwaan uchiskutamaachewinawaau aniyehkaanaanich chiwaahkumaakanuuch.

Galatians 5:21

Wiihch mushteneyihtamuch, muush chiishkwepeuch, maausikuwiyuuch chechii wiinisuu ihtuutaatutwaau, kaye naashch namui mamestinamuch che ishi mamachi ihtuutahkwaau. Shaash chichii ayaakwaamitinaawaau miin maak chika ayaakwaaitinaawaau anichii uyuu kaa ishi pimaatisiitwaau namui Chishemanituuh uchisheuchimaawiniihch chika uhchi ishi tipeyihtaakusuuch.

Titus 1:14

Ekaa chihchiwe chechii iteyihtamihiikutwaau aniyuu Jewa iinuu tipaachimuwinh kaye ekaa chechii nituhtuwaatwaau aniyuu aweyuuh kaa aanuwehtamiyich taapwewiniyuu.