Mark 6:51 - Chishemanituu Utayimuwin: Kaa Uskaach Testament

⁵¹ Kaa puusitutawaat. Aniyuu maak e ati puusitutawaat ekun tiiwehch kaa ati nachiiweyich. Nuwach maak chii miskaateyihtamuch anichii chischinuhamuwaakanich uyuu e ispayihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵¹ ᑳ ᐴᓯᑐᑕᐙᑦ᙮ ᐊᓂᔫ ᒫᒃ ᐁ ᐊᑎ ᐴᓯᑐᑕᐙᑦ ᐁᑯᓐ ᑏᐌᐦᒡ ᑳ ᐊᑎ ᓇᒌᐌᔨᒡ᙮ ᓄᐗᒡ ᒫᒃ ᒌ ᒥᔅᑳᑌᔨᐦᑕᒧᒡ ᐊᓂᒌ ᒋᔅᒋᓄᐦᐊᒧᐙᑲᓂᒡ ᐅᔫ ᐁ ᐃᔅᐸᔨᐦᒡ᙮

Mark 6:51 Iomraidhean Croise

Matthew 8:10

Iskutak maak Jesus piyehtawaat uyuu e itweyich naashch taapwe chii miskaateyihtamihiikuu utaapwehtamuwiniyuu. Ekw kaa itaat aniyuu aweyuuh kaa wiicheukut, “Aat maak ekaa Jewa itiskaanesit uu naapeu eshkw namui nuuhchi waapamaau Jewa e itiskaanesit awen utah Israelihch chechii ishpish suuhchitaapwehtahk.

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Mark 2:12

Tiiwehch maak chii uhchi pishikuu an naapeu mekwesiin anit e mihchetinaanuyich, kaa ati utinahk aniyeyuu utashpishimuwin ekw kaa maachiit. Misiwe maak anichii anit kaa ihtaatwaau chii miskaateyihtamihiikuuch uyuu kaa ispayiyich kaye chii maamihchimeuch Chishemanituu e itwetwaau, namui wiiskaat nuuhchi waapahtenaan uu e ispayihch.

Mark 4:39

Kaa wanishkaat Jesus, ekw kaa itashuwaatahk aniyuu kaa chiishtiniyich chechii puunipayiyich, ekw aniyuu kiskanh kaa itaat, “Chiyaamisiikw, ekun ekw.” Chii nachiiweyuu ekw maak kaa uhchi ywaashtiniyich.

Mark 4:41

Chii mista miskaateyihtamuch maak anichii chischinuhamuwaakanich taan kaa ishi waapahtahkwaau e ispayiyich ekw kaa ititutwaau, “Awen uu waawaach e chiishtiniyich kaye kiskanh e pishichihiikut.”

Mark 5:42

Tiiwehch maak chii wanishkaau an ishkwesh kaa ati papaamuhtet. Wiyesh chii niishushaapuneshiiche uu ishkwesh. Misiwe maak anichii anit kaa ihtaatwaau naashch chii miskaateyihtamihiikuuch kaa waapahtahkwaau taan kaa ispayiyich.

Mark 6:32

Ekw kaa aashuuhahkwaau, anite kaa ati isichimetwaau ekaa ihtaanuyich.

Mark 7:37

Misiwe maak aweyuu kaa pehtamiyich uyuu naashch chii miskaateyihtamihiikuyuu. Chii itweyuuh maak, “Misiwe chekwaayuu chii miyutuutam. Waawaach chii ihtuutamuweu ekaa kaa pehtamiyich chechii pehtamiyich kaye aniyuuh ekaa kaa nihtaaweyich chechii nihtaaweyich.”

John 6:21

Ekw maak kaa pachishtinaatwaau chechii wiich puusiimikutwaau. Namui maak pwaaskuu shaash kaa mishikaatwaau nete kaa wii isichimetwaau.