Mark 6:34 - Chishemanituu Utayimuwin: Kaa Uskaach Testament

³⁴ Iskutak Jesus kepaat aniyuu utiyuu chii waapameu aniyuu iinuuh e mihchetiyich. Naashch maak chii muushihtaau e chistimaacheyimaat mwehch maanishchaanishach ekaa ayaawaatwaau maanishchaanishuiinuu che naanaakachihiikutwaau e ishinaakusitwaau. Ekw kaa chiskutamuwaat mihchetu chekwaayuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᐃᔅᑯᑕᒃ ᒌᓴᔅ ᑫᐹᑦ ᐊᓂᔫ ᐅᑎᔫ ᒌ ᐙᐸᒣᐤ ᐊᓂᔫ ᐄᓅᐦ ᐁ ᒥᐦᒉᑎᔨᒡ᙮ ᓈᔥᒡ ᒫᒃ ᒌ ᒨᔑᐦᑖᐤ ᐁ ᒋᔅᑎᒫᒉᔨᒫᑦ ᒬᐦᒡ ᒫᓂᔥᒑᓂᔕᒡ ᐁᑳ ᐊᔮᐙᑣᐤ ᒫᓂᔥᒑᓂᔓᐄᓅ ᒉ ᓈᓈᑲᒋᐦᐄᑯᑣᐤ ᐁ ᐃᔑᓈᑯᓯᑣᐤ᙮ ᐁᒄ ᑳ ᒋᔅᑯᑕᒧᐙᑦ ᒥᐦᒉᑐ ᒉᒀᔫᐦ᙮

Mark 6:34 Iomraidhean Croise

Matthew 14:14

Iskutak maak kepaat Jesus, wiyaapamaat maak aniyuu mihchetu iinuu, chii chistimaacheyimeu, kaye chii miinuwaachiheu aniyuu kaa aahkusiitwaau kaa peshuwaakanuyich.

Matthew 15:32

Ekw Jesus kaa wiishaamaat uchischinuhamuwaakan, kaa itaat, “Naashch e chistimaacheyimakwaau uchii iinuuch, shaash nishtu chiishikaauh ihtaauch utah e ihtaauch, namui maak shaash ihtakuniyuu chekwaayuu che miichitwaau. Namui kaye niwii chihchitishahwaauch e siiweyitwaau, nuuhtuu miin chika aakweyihtamuch mekwaach e pimuhtetwaau.”

Matthew 9:36

Iskutak maak wiyaapamaat aniyuu mihchetu aweyuuh, naashch chii chistimaacheyimeu kiipaa naashch e mukushkaateyihtamihaakanuyich kaye ekaa ayaayich aspeyimuwiniyuu, mwehch maanishchaanishach e ishinaakusitwaau ekaa ayaawaatwaau maanishchaanishuiinuuh che naanaakachihiikutwaau.

Mark 6:33

Mihchetu maak aweyuu chii waapamikuuch kaye tiiwehch chii nisituunaakuuch kaa waapamikutwaau. Nanaahkuu maak ihtaawinihch chii uhchipahiituuch e wii utihtahkwaau anite kaa wii isichimeyich Jesus neshta aniyuuh uchischinuhamuwaakaniyuuh. Anichii maak iinuuch chii wii atushkuweuch nete che naatakahamiyich.

Mark 6:35

Aniyuu maak e ati utaakushiyich anichii chischinuhamuwaakanich chii naateuch Jesus ekw kaa itaatwaau, “Shaash chihchiwe utaakushuu kaye maak namui ihtakun ihtaawin utah uu kaa ihtaayihkw.

Mark 8:1

Namui chineush anite ishi ekw miin mihchetu awenichii kaa pechi nishtawiitwaau. Iskutak maak ekaa e ihtakuniyich chekwaayuu che miichitwaau Jesus chii wiishaameu uchischinuhamuwaakanh ekw kaa itaat,

Mark 8:2

“Nichistimaacheyimaauch uchii iinuuch. Shaash nishtu chiishikaauh kaa ishpish ihtaatwaau utah e ihtaauch namui maak shaash ihtakuniyuu chekwaayuu che miichitwaau.

Luke 9:11

Iskutak maak mihchetu awenichii kaa pehtahkwaau e chii chistuhteyich ekw kaa nuusuupaistuwaatwaau. Jesus maak chii miyeyihtam e takushiniitwaauh. Chii waawiihtamuweu Chishemanituu uchisheuchimaawiniyuu e iteyihtaakuniyich kaye chii miinuwaachiheu aniyuuh aweyuuh kaa nituweyihtamiitwaau chechii miinuwaachihaakanuyich.

Hebrews 2:17

Eukw aniyuu wehchi tekash iiniihch chii ishihaakanuut. Chii nituweyihtaakusuu wiichishaan chechii nispituwaat anit chechii uhchi chisheayimiheuchimaaut Chishemanituu e atushkuwaat, ekw maak chechii wepeyihtamuwaakanuyich aweyuuh umachihtwaawiniyuuh.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.