Mark 6:31 - Chishemanituu Utayimuwin: Kaa Uskaach Testament

³¹ Naashch maak chii mihchetiyuu aweyuu e takushiniyich e pechi nituwaapamikutwaau ekw namui mechim uhchi ishpishiyuuch chechii miichisutwaau. Ekw Jesus kaa itaat aniyuu uchischinuhamuwaakanh, “Aashtamukw mikw chiyawaau anite ekaa ihtaanuuhch, che aashteyeskusiyekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᓈᔥᒡ ᒫᒃ ᒌ ᒥᐦᒉᑎᔫ ᐊᐌᔫ ᐁ ᑕᑯᔑᓂᔨᒡ ᐁ ᐯᒋ ᓂᑐᐙᐸᒥᑯᑣᐤ ᐁᒄ ᓇᒧᐃ ᒣᒋᒻ ᐅᐦᒋ ᐃᔥᐱᔑᔫᒡ ᒉᒌ ᒦᒋᓱᑣᐤ᙮ ᐁᒄ ᒌᓴᔅ ᑳ ᐃᑖᑦ ᐊᓂᔫ ᐅᒋᔅᒋᓄᐦᐊᒧᐙᑲᓐᐦ, ᐋᔥᑕᒧᒄ ᒥᒄ ᒋᔭᐙᐤ ᐊᓂᑌ ᐁᑳ ᐃᐦᑖᓅᐦᒡ, ᒉ ᐋᔥᑌᔦᔅᑯᓯᔦᒄ᙮

Mark 6:31 Iomraidhean Croise

Matthew 14:13

Iskutak maak Jesus kaa pehtahk aniyuu John e chii nipahaakanuyich chii puusuu utiyuu e peyakushit ekw anite kaa isichimet ekaa mitun ihtaanuyich. Anichii maak iinuuch iskutak chescheyihtahkwaau taanite e ihtaayich chii chistuhteuch anit ihtaawinihch uhchi ekw kaa nituwaapamaatwaau.

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

Mark 3:20

Ekw kaa chiiwet Jesus taanite aniyuu mekwaach kaa ihtaat. Ekw miin kaa mihchetiyich aweyuu e pechi maausikuyich. Chek namui mechim uhchi ishpishiyuuch Jesus ekw maak uchischinuhamuwaakanh chechii miichisutwaau.

Mark 3:7

Jesus chii chistuhteu e wiicheukut uchischinuhamuwaakanh, ekw anite Galilee saakahiikanihch kaa ituhtetwaau. Mihchetu maak aweyuu chii nuushuushkaakuuch. Nanaahkuu chii uhtuhteyuu, Galileehch chii uhtuhteyuu kaye Judeahch,

John 6:1

Paatimaa anite Jesus chii aashuuham Galilee saakahiikaniyuu. Tiberias saakahiikan chii ishinihkaataakanuu kaye uu Galilee saakahiikan.