Mark 6:30 - Chishemanituu Utayimuwin: Kaa Uskaach Testament

³⁰ Jesus utapwaastalimh miin wiyaapamikut chii wiihtamaakuu misiwe taan kaa aihtiyiyich kaye taan kaa ishi chiskutamaacheyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁰ ᒌᓴᔅ ᐅᑕᐸᔅᑕᓕᒻᐦ ᒦᓐ ᐎᔮᐸᒥᑯᑦ ᒌ ᐐᐦᑕᒫᑰ ᒥᓯᐌ ᑖᓐ ᑳ ᐊᐃᐦᑎᔨᔨᒡ ᑲᔦ ᑖᓐ ᑳ ᐃᔑ ᒋᔅᑯᑕᒫᒉᔨᒡ᙮

Mark 6:30 Iomraidhean Croise

Matthew 10:2

Maau maak kaa ishinihkaasuyich aniyuu niishushaap Apastalh, Simon, eukuu Peter kaa ishinihkaataakanuut, ekw maak Peter ushiim Andrew, James ekw maak aniyuu wiichishaanh John, eukw uyuu Zebedee ukusisa,

Mark 3:14

Ekw niishushaap kaa wiyaapamaat chechii papaawiicheukut kaye chechii chihchitishahwaakanuyich chechii kacheskweyich.

Mark 6:29

John maak uchischinuhamuwaakanh iskutak piyehtamiyich uyuu chii nituwaapahtamuweuch wiiyuuyuu ekw kaa nituu nahiikamuwaatwaau.

Luke 10:17

Iskutak maak kaau tekushihkwaau anichii niishwaashumitanuu niishu chischinuhamuwaakanich naashch taapwe chii miyeyihtamuch e itwetwaau, “Utipeyihchikeu, waawaach machiahchaahkuch e nanihiihtuuyimihtwaau taan e itashumachihtwaau, chitishinihkaasun e aapachihtaayaahch.”

Luke 17:5

Jesus uchischinuhamuwaakanh chii itikuu, “Utipeyihchikeu, ihtuut maa nitaapwehtamuwinaan etituu chechii suuhcheyihtaakuhch.”

Luke 22:14

Iskutak maak wetihchipayiyich che miichisutwaau Jesus ekw maak uchischinuhamuwaakanh ekw kaa waweyapitwaau.

Luke 24:10

Eukunich uchii iskweuch uyuu kaa ishi waawiihtamuwaatwaau aniyuu apastalach, Mary Magdalene ekw maak Joanna kaye maak Mary, aniyuu James ukaawii kaye kutak iskweuh aniyuuh kaa wiicheukutwaau anite kaa ituhtetwaau.

Luke 6:13

Iskutak maak wiyaapaniyich chii nishtuuneu aniyuu aweyuu kaa nuushuushkaakut, ekw kaa wiyaapamaat aniyuu niishushaap uchischinuhamuwaakanh apastalach chechii itapiyich. Eukunich uchii kaa papaamitishihwaakanuutwaau miywaachimuwiniyuu chechii waawiihtahkwaau.

Luke 9:10

Iskutak tekushihkwaau anichii chischinuhamuwaakanich kaa chihchitishahwaakanuutwaau ekw kaa wiihtamuwaatwaau Jesus taan kaa ihtitwaau kaa ispihtanihutwaau. Ekw kaa nakataatwaau aniyuu kaa mihchetiyich iinuuh, tipaan kaa ituhtetwaau e wiichewaatwaau Jesus anite Bethsaidahch e ituhteyich.

ᐊᐸᔅᑕᓚᒡ 1:26

Ekw kaa wiyeyimaatwaau aniyuu e niishiyich naapeu taan aniyuuh eukw che utinaatwaau, e uchipitamuwaatwaau utishinihkaasuwiniyuu. An maak awen kaa taaunikanuyich utishinihkaasuwin eukw Matthias. Eukw maak an kaa utinaakanuut Apastal chechii itapit. Ekw maak miin kaa niishuushaapuutwaau anichii Apastalach.