Mark 6:14 - Chishemanituu Utayimuwin: Kaa Uskaach Testament

¹⁴ Chisheuchimaau Herod maak chii pehtam taan kaa ispayiyich, wesh chii mishihtepayiyuu taan e itaachimaakanuut Jesus. Pasch awenichii chii itweuch, “John siikahaahtaacheu iskachii uu, chii wanishkaanaakanuukupane nipuwinihch uhchi. Eukw uyuu wehchii ihtit uyuuh maamishkaach chekwaayuuh chechii ihtuutahk.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᒋᔐᐅᒋᒫᐤ ᐦᐁᕋᑦ ᒫᒃ ᒌ ᐯᐦᑕᒻ ᑖᓐ ᑳ ᐃᔅᐸᔨᔨᒡ, ᐌᔥ ᒌ ᒥᔑᐦᑌᐸᔨᔫ ᑖᓐ ᐁ ᐃᑖᒋᒫᑲᓅᑦ ᒌᓴᔅ᙮ ᐸᔅᒡ ᐊᐌᓂᒌ ᒌ ᐃᑗᐅᒡ, ᒞᓐ ᓰᑲᐦᐋᐦᑖᒉᐤ ᐃᔅᑲᒌ ᐆ, ᒌ ᐗᓂᔥᑳᓈᑲᓅᑯᐸᓀ ᓂᐳᐎᓂᐦᒡ ᐅᐦᒋ᙮ ᐁᐅᑯᔫ ᐌᐦᒌ ᐃᐦᑎᑦ ᐅᔫᐦ ᒫᒥᔥᑳᒡ ᒉᒀᔫᐦ ᒉᒌ ᐃᐦᑑᑕᐦᒃ᙮

Mark 6:14 Iomraidhean Croise

Matthew 9:31

Namui maak uhchi pishichiheuch, yaapach chii katipaachimeuch Jesus misiwe anite e ati ituhtetwaau.

Mark 1:28

Ekut maak kaa ati mishihtepayihch e ishi aayimuumaakanuut Jesus misiwe anite Galilee aschiihch itehche.

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

Mark 8:28

Chii iteuch maak, “Pasch awenich itweuch John siikahaahtaacheu e aawiyan, ekw kutakach itweuch Elijah e aawiyan, ekw miin kutakach peyakw uchischiwehiichesuu chititeyimikuch.”

Luke 13:31

Aniyuu maak mekwaach chii ihtaauch Phariseech e pechi nituwaapamaatwaau Jesus. Chii iteuch maak, “Maachiih iiches utah ihtaawinihch, aahchiiuh nete ituhte, wesin Chisheuchimaau herod chiwii nipahiikw.”

Luke 3:1

Aniyuu pepuniyich niyaayinushaap pipunh kaa ishpish chisheuchimaaut Tiberius kaa ishinihkaasut, Pontius Pilate mekwaach chii niikaanishkaacheu anite Judea aschiihch ekw Herod anite Galilee aschiihch kaa niikaanishkaachet ekw wiichishaan Herod, Philip kaa ishinihkaasuyich anite chii niikaanishkaacheyuu Iturea kaye Trachonitis kaa ishinihkaatekwaauh aschii. Ekw Lysanias kaa niikaanishkaachet anite Abilene kaa ishinihkaateyich aschiiyuu.

Luke 7:17

Misiwe maak e ispichiskamikaayich Judea aschiiyuu anite maak waaskaa chii pehtaakuniyuu Jesus taan kaa ihtit.

Luke 9:19

Kaa itikut, “Kutakach awenichii John siikahaahtaacheu chititeyimikuch ekw kutakach aniyaanaa peyakw uchischiwehiichesuu Elijah kaa ishinihkaasut chititeyimikuch, ekw miin kutakach e ihtaatwaau weskach uchischiwehiichesuu miin kaau e pimaatisiit e iteyimiskwaau.”

1 Thessalonians 1:8

An maak kaa waawiihtamekw Utipeyihchikeu umiywaachimuwin namui mikw anite Macedonia ekw maak Achaia chuuhchi pehtaakuhtaanaawaau mishihte chii pehtaakun e taapeyimekw Chishemanituu. Namui maak nituweyihtaakun chechii aayimuutamuchihtwaau awenichii wesh shaash chischeyihtamuuch.

Hebrews 2:4

Chishemanituu maak kaye wiya chichii waapahtiikunuu e taapwemakaniyich aniyuu miywaachimuwiniyuu e maamishkaach ihtit kaye maamishkaach waapahtiiwewin e waapahtiiwet kaye nanaahkuu e ishi maamishkaach ihtuutamaachet. Kaye chii ihtuutaweu Kaa payehchisiyich Ahchaahkwa chechii miyaayich aweyuu nanaahkuu kaschihuwinh, taan aniyuuh wiya Chishemanituu e iteyihtamihiikut che ishi miiwet.