Mark 6:11 - Chishemanituu Utayimuwin: Kaa Uskaach Testament

¹¹ Ekaa maak wii piihtakahiikuyekwe maak ekaa wii nituhtaakuyekwe, nakatamekwe an ihtaawin che pahpuusiteshimuyekw. Eukuu che ihtiyekw e nuukuhtaayekw e ayaakwaamimekuch anichii iinuuch anit kaa ihtaatwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐁᑳ ᒫᒃ ᐐ ᐲᐦᑕᑲᐦᐄᑯᔦᑴ ᒫᒃ ᐁᑳ ᐐ ᓂᑐᐦᑖᑯᔦᑴ, ᓇᑲᑕᒣᑴ ᐊᓐ ᐃᐦᑖᐎᓐ ᒉ ᐸᐦᐴᓯᑌᔑᒧᔦᒄ᙮ ᐁᐅᑰ ᒉ ᐃᐦᑎᔦᒄ ᐁ ᓅᑯᐦᑖᔦᒄ ᐁ ᐊᔮᒀᒥᒣᑯᒡ ᐊᓂᒌ ᐄᓅᒡ ᐊᓂᑦ ᑳ ᐃᐦᑖᑣᐤ᙮

Mark 6:11 Iomraidhean Croise

Matthew 12:36

“Chiwiihtamaatinaawaau, cheshtinaash misiwe taan kaa ishi ayimit awen ekaa aapataniyich chika wiihtamuwaakanuu wiyaaskunicheu chiishikaayiche.

Mark 6:10

Chii iteu kaye, “Anit che piihtakahiikwekwe waaskaahiikan ekut anit ihtaakw paatish nakatamekwe an ihtaawin.

Luke 9:5

Utihtamekwe maak ihtaawin ekaa wii piihtakahiikuyekwe, nakatamukw an ihtaawin. Che pahpuusiteshimuyekw, e nuukuhtaayekw e yaakwaamimekuch ekaa uhchi utinahkwaau miywaachimuwiniyuu.”

ᐊᐸᔅᑕᓚᒡ 18:6

Chii aanuwehtaakuu maak kaye chii maayeyimikuu ekw Paul kaa pahpauhahk uchekwaanim e nuukuhtaat ekaa nihiishkaakut aniyuu e ihtiyich. Ekw kaa itaat, “Chiyawaau chika ihtuutaasunaawaau nishuuwanaatisiyekwe, namayeu niya che ihtuutaatakuch. Wesh ekw che chihchipayihtaayaan anichii ekaa Jewa kaa itiskaanesitwaau e waawiihtamuukwaau miywaachimuwiniyuu.”

Romans 2:16

Ekw maak iskutak Chishemanituu wiyaaskunaate misiwe aweyuuh, Jesus Christ uhchi, taan kaa ishi chiimuut machituutamiyich ekut che nuukuniyich an awen taapwe kaa ihtuutamukwe taan e itashumuweyich wiishuwewiniyuu. Ekun e ishi wiihtamaachemakahch uu miywaachimuwin Jesus Christ kaa miit chechii waawiihtamuch.

Romans 2:5

An maak e ishpish suuhcheyimuwiin mikw chitihtuuten etituu aahkwaach chechii ishi wiyaaskunisk Chishemanituu aniyuu e chiishikaayich taanit cheshtinaash kuiskw che ishi wiyaaskunaat aniyuuh kaa machituutamiyich.

2 Peter 2:6

Chishemanituu kaye chii wanaachihtaau aniyuu ihtaawinh Sodom ekw maak Gomorrah kaa ishinihkaateyikwaauh ishkuteyuu e chii aapachihtaat. Ekut kaa uhchi waapahtiiwet taan che ihtuutawaat aniyuu ekaa mitun kaa aapateyimikut.

2 Peter 2:9

Cheshtinaash kaschihtaau Chishemanituu chechii wiihkuchihaat ukuiskutaatisiiu taan e ishi nachishkamiyich kaye maak nanaakataweyihtamihiikuu wesh Chishemanituu taan e ishi machaatisiinaanuyich e chischeyihtahk peyakwaau e chiishikaayich misiwe aweyuu che wiyaaskunaat.

2 Peter 3:7

Uyuuh maak chiishikw kaye an nete etituu ishi ispimihch, ekw maak uu aschii anuhchiish kaa waapahtamukw, yaapach Chishemanituu utayimuwin uhchi kanuweyihtaakanuu che ishpish utihchipayihch anit che wanaachihtaakanuuhkwaau. Kanuweyihtaakanuu an e chiishikaach anichii ekaa kaa aapateyimaatwaau Chishemanituu upimaatisiiwiniwaahch che wiyaaskunaakanuutwaau kaye che wanaachihaakanuutwaau ishkutehch.

1 John 4:17

Ekw maak saachihiiweyihkwe taan e ishi nituweyimitahkw Chishemanituu chechii ishi saachihiiweuhkw chika chiyaameyihtenaanuu chitehiinaahch wiyaaskunitahkwe Christ. Taapwe ekun che ishinaakuhch wesh mwehch e iteyihtaakusit Christ ekun e iteyihtaakusiihkw utah aschiihch.

Jude 1:7

Chischisiitutawaahkuch kaye anichii iinuuch Sodom kaye Gomorrah ekw maak aniyuuh kutak ihtaawinh waaskaa kaa ihtakuniyikwaauh kaa uhchiitwaau. Mwehch aniyuuh enchilh kaa ihtiyich ekaa uhchi nanihiihtuwaayich Chishemanituu ekun kaa ihtitwaau. Kaye maak misiwe ekaa muyaam iteyihtaakuniyich wiinisuu pimaatisiiwiniyuu chii ihtuutamuch. Tekash chii ishkwaateuh uyuuh ihtaawinh ekw maak niyenehkaateyimuhaakanuutwaau anichii iinuuch anite machi ishkutehch kaachiche kaa ihtakuniyich. Eukw maak wehchi yaakwaamikuyihkw uyuu che ishi waweshihaakanuut awen ekaa mitun kaa wii nanihiihtawaat Chishemanituu.