Mark 5:24 - Chishemanituu Utayimuwin: Kaa Uskaach Testament

²⁴ Jesus maak chii wiicheweu uyuu naapeu. Mihchetu aweyuu chii wiicheukuu e kakataaushkaakut e ishpish mihchetiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒌᓴᔅ ᒫᒃ ᒌ ᐐᒉᐌᐤ ᐅᔫ ᓈᐯᐤ᙮ ᒥᐦᒉᑐ ᐊᐌᔫ ᒌ ᐐᒉᐅᑰ ᐁ ᑲᑲᑖᐅᔥᑳᑯᑦ ᐁ ᐃᔥᐱᔥ ᒥᐦᒉᑎᔨᒡ᙮

Mark 5:24 Iomraidhean Croise

Mark 3:20

Ekw kaa chiiwet Jesus taanite aniyuu mekwaach kaa ihtaat. Ekw miin kaa mihchetiyich aweyuu e pechi maausikuyich. Chek namui mechim uhchi ishpishiyuuch Jesus ekw maak uchischinuhamuwaakanh chechii miichisutwaau.

Mark 5:23

Chii nitutamuweu Jesus e itaat, “Shaash chekaat nipuu nitaanish. Chiwiishaamitin chechii pechi saaminat chechii miinuwaatisiit ekw maak namui kata uhchi nipuu.”

Mark 5:25

Chii ihtaau anit peyakw iskweu shaash niishushaap pipunh e chii itaaspinekupane e wanihtaat maan mihkuyuu.

Mark 5:31

Uchischinuhamuwaakanh maak chii itikuu, “Chiwaapamaauch e ishpish mihchetitwaau awenichii anit waaskaa e ihtaayin yaapach maak e itweyin awen kaa pechi taahtinit.”

Luke 11:29

Ekw maak etituu mihchetu aweyuu kaa pechi nituhtaakut Jesus. Kaa itaat, “Anuhchiish iinuuch kaa pimaatisiitwaau naashch taapwe machaatisiyuuch. Kakwechihcheyimuuch chechii waapahtiyaakanuutwaau maamishkaach waapahtiiwewiniyuu. Namui maak chika uhchi waapahtiyaakanuuch. Mikw aniyuuh taan kaa ishi maamishkaach ispayiyich aniyaa uchischiwehiichesuu Jonah eukw mikw aniyuu che waapahtiyaakanuutwaau.

Luke 12:1

Mekwaach maak an e ihtinaanuuhch, mihchetwaau chishemitaahtumitanuu iinuuch chii waaskaaniipuuch e nituhtawaatwaau Jesus. Aniyuu e ishpish mihchetitwaau mitun chii katahkusiteskaatituuch. Niishtam maak Jesus chii iteu uchischinuhamuwaakan, “Yaakwaamiishtuwaahkuch Phariseech aniyuu e iteyihtaakusitwaau wesh ayimihehkaasuuch. Mwehch palet uhpisikan kaa iteyihtaakuhch ekun e iteyihtaakuniyich aniyuu e ihtitwaau.

Luke 19:3

Chii wii waapameu maak aweyuu aniyuu Jesus kaa ishinihkaasuyich. Mikw maak chii tahkukaapuu ekw namui uhchii waapameu, kaye chii mihchetiyuu aweyuu e aakuushkaakut.

Luke 7:6

Ekw Jesus kaa wiichewaat. Iskutak maak piyeshuwaapahtamuwaatwaau aniyuu uwaaskaahiikanimiyuu ekw an nitupayuuchimaau kaa itishahwaat uwiichewaakanh Jesus e ihtaayich chechii itaayich, “Utipeyihchikeu, ekaawii aayimihiisuu, wesh namui nitepicheyihtaakusin chechii pechi piihcheyin niwaaskaahiikan,

Luke 8:42

wesh aniyuu kaa peyakushiyich utaanisa kaa niishushaapuneshiyich, chekaat chii puunipimaatisiyuu. Mekwaach maak aniyuu e ati pimuhtet Jesus mihchetu aweyuu chii siihchiskaakuu.

Luke 8:45

Ekw Jesus kaa itwet, awen kaa pechi taahtinit. Namui maak awen uhchi chistuu ekw Peter kaa itaat, chischinuhamaachesuu, mihchetuuch awenichii e siihchiskaashkwaau. Yaapach maak e itweyin awen kaa pechi taahtinit.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.