Mark 5:23 - Chishemanituu Utayimuwin: Kaa Uskaach Testament

²³ Chii nitutamuweu Jesus e itaat, “Shaash chekaat nipuu nitaanish. Chiwiishaamitin chechii pechi saaminat chechii miinuwaatisiit ekw maak namui kata uhchi nipuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᒌ ᓂᑐᑕᒧᐌᐤ ᒌᓴᔅ ᐁ ᐃᑖᑦ, ᔖᔥ ᒉᑳᑦ ᓂᐴ ᓂᑖᓂᔥ᙮ ᒋᐐᔖᒥᑎᓐ ᒉᒌ ᐯᒋ ᓵᒥᓇᑦ ᒉᒌ ᒦᓄᐙᑎᓰᑦ ᐁᒄ ᒫᒃ ᓇᒧᐃ ᑲᑕ ᐅᐦᒋ ᓂᐴ᙮

Mark 5:23 Iomraidhean Croise

Matthew 8:3

Jesus maak chii taahtineu e itaat, “Chiwii wiichihiitin, payehchisiih.” Tiiwehch maak chii miinuwaatisiyuu an naapeu aniyuu kaa itaaspinet.

Mark 16:18

Utinaatwaawenich chinepukw, maak minihkwetwaawenich chekwaayuu e pihchipuweyich namui kata uhchi wiyesh ihtuutaakuuch. Kaa aahkusiitwaau aweyuu kata saamineuch ekw maak che miinuwaatisiyich.”

Mark 5:24

Jesus maak chii wiicheweu uyuu naapeu. Mihchetu aweyuu chii wiicheukuu e kakataaushkaakut e ishpish mihchetiyich.

Mark 6:13

Chii wiiwiitishihuweuch machiahchaahkwa kaa piihchishkuwaayich aweyuu kaye chii tuumineuch mihchetu aweyuu kaa aahkusiyich, chii miinuwaatisiyuu maak.

Mark 7:32

Ekute maak anite kaa ihtaayich aweyuu e petwaakut naapeu ekaa pehtamiyich kaye ekaa nihtaaweyich. Suuhk maak chii wii aayihkamiheuch Jesus chechii saaminaayich aniyuuh naapeu.

Mark 8:23

Ekw Jesus kaa utinamuwaat utihchiyuu aniyuuh naapeuh ekw kaa wiiwiihtahaat anit aniyuu ihtaawiniyuu. Iskutak maak kaa sihkwaatamuwaat uschiishikuyuuh chii taahtineu ekw kaa itaat, “Chiwaapahten aa chekwaan.”

Luke 13:13

Kaa saaminaat. Tiiwehch maak chii uhchi kuiskukaapuu an iskweu e maamihchimaat Chishemanituu.

Luke 4:38

Jesus kaa wiiwiit aniyuu ayimiheukamikuyuu, ekw anite Simon Peter wiichiihch kaa ituhtet. Simon Peter maak usikusa chii aahkusiyuu kaa chishiteunikusiinaanuyich e chii ayaayich. Chii nitutamuweuch Jesus chechii miinuwaachihaayich.

Luke 4:40

Iskutak maak kaa pahchishimuyich piisim, awenichii chii petaweuch Jesus misiwe aweyuu e aahkusiyich, nanaahkuu e itaaspineyich. Jesus maak chii saamineu misiwe aniyuu kaa aahkusiitwaau kaa miinuwaachihaat.

Luke 7:12

Iskutak kaa utihtahkwaau anite e uhchi piihtukaanuyich aniyuu ihtaawiniyuu chii nachishkaweuch iinuuh e uhchi pimuhtahaayich e chii puunipimaatisiyich naapeu, che nituu chiskashtaatwaau. Ukaawii maak aniyaa naapeu chii peyakuyuu. Eukw maak aniyuu mikw kaa peyakushiikupanen ukusisa an iskweu. Chii mihchetiyuu maak aweyuu e chii wiicheukut e nituu chiskahaakanuyich aniyaa ukusisa.

John 11:3

Lazarus maak wiichishaaniskwem chii nituweyihtamiyuuh chechii nituu wiihtamwaakanuyich Jesus e aahkusiyich aniyuu uwiichewaakan kaa saachihaat.

ᐊᐸᔅᑕᓚᒡ 28:8

Uu maak Publius uhtaawii chii aahkusiyuu, e chishiteunikusiyich kaye e suuhkwaayich e miisiyich. Ekw Paul kaa piihchewat anite unipeukamikuwiihch, kaa saaminaat e ayimiheshtamuwaat, kaa miinuwaachihaat.

ᐊᐸᔅᑕᓚᒡ 6:6

Ekw maak anichii kaa taapwehtahkwaau kaa ituhtahaatwaau aniyuuh kaa wiyaapamaatwaau naapeu anite aniyuuh apastalh e ihtaayich. Ekw maak anichii apastalach kaa saaminaatwaau kaye kaa ayimiheshtamuwaatwaau aniyuu naapeuh.

ᐊᐸᔅᑕᓚᒡ 8:17

Ekw maak Peter kaye John kaa saaminaatwaau aniyuu iinuuh, ekw maak kaa ayaawaayich Kaa payehchisiyich Ahchaahkwa.

ᐊᐸᔅᑕᓚᒡ 9:12

Chii ishinam kaye e pechi piihcheyich naapeu Ananias e ishinihkaasuyich, e saaminikut miin kaau chechii waapahtahk.”

ᐊᐸᔅᑕᓚᒡ 9:17

Ananias maak chii ituhteu anite, kaa piihchet aniyuu waaskaahiikaniyuu anite kaa itishahwaakanuut. Iskutak maak wiyaapamaat aniyuu Saul, ekw kaa saaminaat e itaat, “Niichishaan Saul, Utipeyihchikeu Jesus nichii pechi itishahuukw, an kaa nachishkaask nete meskaanaahch mekwaach kaa pechi ituhteyin ute. Nichii pechi itishahuukw miin kaau chechii waapahtaman, kaye chechii saakaschineshkaask Kaa payehchisiyich Ahchaahkw.”