Mark 5:2 - Chishemanituu Utayimuwin: Kaa Uskaach Testament

² Jesus maak kaa kapaat tiiwehch chii pechi nachishkaakuu naapeu machiahchaahkwa e piihchishkaakuyich chiipaischiihch e uhtuhteyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒌᓴᔅ ᒫᒃ ᑳ ᑲᐹᑦ ᑏᐌᐦᒡ ᒌ ᐯᒋ ᓇᒋᔥᑳᑰ ᓈᐯᐤ ᒪᒋᐊᐦᒑᐦᑾ ᐁ ᐲᐦᒋᔥᑳᑯᔨᒡ ᒌᐸᐃᔅᒌᐦᒡ ᐁ ᐅᐦᑐᐦᑌᔨᒡ᙮

Mark 5:2 Iomraidhean Croise

Mark 1:23

Sischikuuch maak chii uhchi piihcheu anit Jewa ayimiheukamikuhch naapeu machiahchaahkwa e piichishkaakut e tepwet.

Mark 1:26

An maak machiahchaahkw chii ihtuutuweu aniyuu naapeu chechii mista uchipitikuyich kaye chii mista aashihkweyuu ekw kaa nakataat.

Mark 3:30

Eukw uyuu kaa ishi wiihtamuwaat Jesus aniyuuh ayimihewin wiishuwewiniyuu kaa chiskutamaacheyitwaauh wesh chii itikuu e piihchishkaakut machiahchaahkwa.

Mark 3:9

Jesus chii iteu uchischinuhamuwaakanh chechii ayeskuushtaayich utiyuu chek nituweyihtaakuniyiche chechii puusit wesaa siihchiskaakute aweyuu.

Mark 4:1

Peyakwaau miin e chiskutamaachet Jesus yaayeu Galilee saakahiikanihch, chek chii ati mihchetiyuu aweyuu e pechi nituhtaakut. Ekw kaa puusit utiyuu, kaa akumut anit saakahiikanihch. Ekw aniyuu mihchetu aweyuu kaa pechi takushiniyich e wii nituhtaakut anite yaayeu chii ihtaayuuh.

Mark 4:36

Ekw anichii chischinuhamuwaakanich kaa nakataatwaau aniyuuh aweyuuh kaa mihchetiyich ekw kaa puusitwaau aniyuu utiyuu anit kaa ihtaayich Jesus ekw kaa chihchichimetwaau Jesus e puusihaatwaau. Chii ihtakunh kaye kutak chiimaan e ati mushaaupayihkwaau.

Mark 5:21

Ekw miin kaa aashuuhahk Jesus aniyuu saakahiikaniyuu. Iskutak maak mesikaat nete akaamihch chii mista mihchetiyuu aweyuu e pechi naasipetutaakut.

Mark 5:3

Ekute anite chiipaischiihch kaa wiichiit uu naapeu. Namui shaash uhchii itaapihkaasuu aat upuuchishiyaapii e aapataniyikwaau e maahkupitaakanuut.

Mark 5:8

Eukw uyuu kaa itwet wesh chii itikuu Jesus, “Chiya machiahchaahkw, maachiih wiiwiih anit an naapeu kaa piihchishkuwat.”

Mark 7:25

Chii ihtaayuuh iskweu e chii pehtamiyich anit e ihtaat ekw tiiwehch kaa nituwaapamikut e pechi pahchishimipayihuyich anite usitihch ishi. Wesh uu iskweu chii ihtaayuuh utaanisa e piihchishkaakuyich machiahchaahkwa.

Luke 8:27

Iskutak maak kaa kapaat Jesus chii nachishkaweu naapeu anite utenaahch e uhchiyich, e piihchishkaakuyich machiahchaahkwa. Shaash maak weskach anite namui uhchi chichishkam uchekwaanimh uu naapeu. Namui waaskaahiikanihch uhchi ihtaau mikw anite chiipaischiihch muush chii ihtaau.

Luke 9:42

Mekwaach maak e pechi naataat aniyuu Jesus an naapesh, machiahchaahkwa mitun chii kawepinikuu ekw kaa ihtuutaakut chechii uchipitikut. Jesus maak chii chistahamuweu aniyuu machiahchaahkwa kaa itaat chechii nakataayich aniyuu naapesha. Ekut maak kaa ati miinuwaatisiit an naapesh. Ekw Jesus kaa chiiwemiyaat aniyuu naapeu aniyeyuu ukusiyuu.