Mark 5:15 - Chishemanituu Utayimuwin: Kaa Uskaach Testament

¹⁵ Iskutak wehtihtaatwaau Jesus chii waapameuch aniyuu naapeu mihchetu machiahchaahkwa kaa chii piihchishkaakuyich e apiyich anit e chii waaspisukupanen kaye e chiyaameyihtaakusiyich. Chii kushtaatuuch maak iskutak wiyaapamaatwaau uyuu naapeu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐃᔅᑯᑕᒃ ᐌᐦᑎᐦᑖᑣᐤ ᒌᓴᔅ ᒌ ᐙᐸᒣᐅᒡ ᐊᓂᔫ ᓈᐯᐤ ᒥᐦᒉᑐ ᒪᒋᐊᐦᒑᐦᑾ ᑳ ᒌ ᐲᐦᒋᔥᑳᑯᔨᒡ ᐁ ᐊᐱᑦ ᐊᓂᑦ ᐁ ᒌ ᐙᔅᐱᓱᑯᐸᓀ ᑲᔦ ᐁ ᒋᔮᒣᔨᐦᑖᑯᓯᑦ᙮ ᒌ ᑯᔥᑖᑑᒡ ᒫᒃ ᐃᔅᑯᑕᒃ ᐎᔮᐸᒫᑣᐤ ᐅᔫ ᓈᐯᐤ᙮

Mark 5:15 Iomraidhean Croise

Matthew 12:29

“Namui awen chika chii piihcheweu e suuhtisiyich naapeu wiichiyuu chechii kachemutuwaat taan e ishi tipiyeusiyich paatish niishtam chii maahkupitaate aniyuu naapeu kaa suuhtisiyich, ekw maak yaakw chechii chimutuwaat taan e ishi tipiyeusiyich.”

Matthew 26:53

Namui aa chichischeyihtenaawaau nipaachii nitutamuwaau Nuuhtaawii chechii naatamuut, tiiwehch maak chipaachii pechi itishahweu uste mihchetwaau chishemitaahtumitanuu enchil chechii pechi naatamuyich.

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Matthew 9:33

Iskutak maak Jesus kaa wiiwiitishihwaat aniyuuh machiahchaahkwa, ekw kaa kaschihut an naapeu e ayimit. Misiwe maak awenichii chii miskaateyihtamuch uyuu kaa ispayich. Chii iteuch maak, “Namui wiiskaat nuuhchi waapahtenaan maamishkaach chekwaan e ispayihch utah Israelihch.”

Mark 5:14

Anichii maak naapeuch kaa kanuweyimaatwaau uyuu kuuhkuusha chii ushimuuch kaa nituu waawiihtahkwaau anite ihtaawinihch kaye nihtaauchihchikan aschiihch uyuu kaa ispayihch. Chii ispahtaauch maak awenichii anite e wii waapahtahkwaau taan kaa ispayiyich.

Mark 5:16

Chii tipaachimuuch anichii kaa waapahtahkwaau taan kaa ispayiyich aniyuu naapeu machiahchaahkwa kaa chii piihchishkaakuyich, kaye chii wiihtamuch taan kaa ispayiyich aniyuuh kuuhkuusha.

Mark 5:18

Jesus maak e ati puusit utiyuu, an naapeu kaa chii piihchishkaakut machiahchaahkwa naashch chii wii wiicheweu Jesus.

Mark 5:4

Mihchetwaau chii maahkupitaakanuyichen utihchii upuuchishiyaapii e aapataniyikwaau kaye usit chii mamechimaapiskahiikanuyuuh. Yaapach maak chii pischipitam aniyuu upuuchishiyaapiyuu kaye chii piikuhtataau aniyuu piywaapiskwa usitihch kaa chikamuyikwaauh. Mitun chii ashpashiheu aweyuu e wii mamechiminikut.

Mark 5:9

Ekw Jesus kaa itaat, “Taan e ishinihkaasuyin.” Chii itikuu maak, “Kaa mihchetitwaau nitishinihkaasun, wesh naashch taapwe nimihchetinaan.”

Luke 10:39

Martha maak chii ihtaayuuh wiichishaaniskwem, Mary e ishinihkaasuyich. Chii waweyapiyuu maak anite Jesus usitiihch e nituhtawaat e ayimiyich.

Luke 8:27

Iskutak maak kaa kapaat Jesus chii nachishkaweu naapeu anite utenaahch e uhchiyich, e piihchishkaakuyich machiahchaahkwa. Shaash maak weskach anite namui uhchi chichishkam uchekwaanimh uu naapeu. Namui waaskaahiikanihch uhchi ihtaau mikw anite chiipaischiihch muush chii ihtaau.

Colossians 1:13

Chichii wiihkuchihiikunuu taan aniyuuh kaa ishi tipeyimikuuhk wanitipiskusiiwiniyuu miiskuch aniyuu naashch kaa saachihaat Uukusisa uchimaawiniyuu ekw chechii tipeyimikuuhk.

2 Timothy 1:7

Wesh aniyuu ahchaahkwa Chishemanituu kaa miitahkw eukw an che waachihiitahkw ekaa chechii kushtaachiihkw. Suuhkaatisiiwiniyuu chimiikunuu uu Ahchaahkw, kaye maak saachihiiwewiniyuu kaye chiwiichihiikunuu chechii nanaakataweyihtamuhk taan e ihtiihkw.