Mark 4:8 - Chishemanituu Utayimuwin: Kaa Uskaach Testament

⁸ Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch uyuu shuuminh nishtumitanuu nihtaauchihchikanh chii uhchi nihtaauchinh anit uhchi ekw pasch kutwaashumitanuu chii uhchi nihtaauchinh ekw kutak mitaahtumitanuu.” Eukw uyuu tipaachimuwiniyuu kaa wiihtahk Jesus.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐸᔅᒡ ᒫᒃ ᐊᓂᔫ ᔔᒥᓐ ᐁ ᒥᔪᔅᑲᒥᑳᔨᒡ ᐁᑯᑌ ᑳ ᐃᔑ ᐸᐦᒋᐦᑎᓂᔨᒀᐤᐦ, ᒌ ᒥᔪ ᓂᐦᑖᐅᒋᓐᐦ ᐅᔫᐦ ᐁᒄ ᒫᒃ ᑳ ᒥᔪ ᒦᓂᔔᐦᒀᐤ᙮ ᐸᔅᒡ ᐅᔫ ᔔᒥᓐᐦ ᓂᔥᑐᒥᑕᓅ ᓂᐦᑖᐅᒋᐦᒋᑲᓐᐦ ᒌ ᐅᐦᒋ ᓂᐦᑖᐅᒋᓐᐦ ᐊᓂᑦ ᐅᐦᒋ ᐁᒄ ᐸᔅᒡ ᑯᑣᔓᒥᑕᓅ ᒌ ᐅᐦᒋ ᓂᐦᑖᐅᒋᓐᐦ ᐁᒄ ᑯᑕᒃ ᒥᑖᐦᑐᒥᑕᓅ᙮ ᐁᐅᑯᔫ ᑎᐹᒋᒧᐎᓂᔫ ᑳ ᐐᐦᑕᐦᒃ ᒌᓴᔅ᙮

Mark 4:8 Iomraidhean Croise

Matthew 13:23

An maak shuumin kaa pahchishihk e miywaashiyich aschiihch mwehch eukw e ishinaakusitwaau anichii iinuuch kaa nituhtahkwaau Chishemanituu utayimuwiniyuu. Nanihiihtamuch, nuukuniyuu upimaatisiiwiniwaahch taan e ishi miyu nihtaauchihiikutwaau.”

Matthew 13:8

Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch maak mitaahtumitanuu chii nihtaauchin peyakw shuumin uhchi, ekw kutak kutwaashumitanuu chii nihtaauchin ekw kutak nishtumitanuu chii nihtaauchin peyakw shuumin uhchi.”

Mark 4:20

Ekw kutakach awenich muyaam anihiih shuuminh kaa pahchishtihkwaau anite e miyuskamikaach ekun e ishinaakusitwaau. Iskutak piyehtahkwaau miywaachimuwiniyuu tiiwehch utinamuch kaye nuukuniyuu upimaatisiiwiniwaahch muyaam e ati miinishuutwaau e ishinaakusitwaau. Muyaam nihtaauchihchikanh e mista miinishuuhkwaau ekun chek e ati ishinaakusitwaau uchii. Kutakach Nishtumitanuu miinisha chii nihtaauchiniyuuh anit uhchi e ihtaatwaau, ekw kutakach kutwaashumitanuu ekw kutakach mitaahtumitanuu.” Eukw uyuu kaa itaat Jesus aniyuu kaa taapweyimikut.

Mark 4:7

Ekw aniyuu shuumin kaa paahpahchishtihkwaauh anite kaa kaasutewaaskuhkwaau niipisiyaahtikw e ihtakuniyikwaauh, ekute anite chek kaa ati asich nihtaauchihkwaau. Chek maak namui uhchi miyu nihtaauchinh aniyuu kaa nihtaauchihtaakanuuhkwaau e chii chipishkaatuumakahkwaau aniyuu kaa kaawaaskuhkwaau niipisiyaahtikw. Namui maak uhchii miinishuunh.

Mark 4:9

Chii iteu maak, “An awen kaa uhtaaukaaut e nahiihtahk maak, yaakwaau kata wii nituhtam.”

Luke 8:15

An maak shuumin kaa miyu nihtaauchit e miyuskamikaayich aschiihch mwehch eukw e ishinaakusitwaau anichii awenichii kaa nituhtahkwaau Chishemanituu utayimuwiniyuu. Nanihiihtamuch, kaye kanuweyihtamuch. Kanawaach taapwehtamuch e siipiiwesiitwaau ekw maak chek e miyu miinishuutwaau upimaatisiiwiniwaahch.”

Luke 8:8

Pasch anite e miyuskamikaayich ekute kaa pahchihtiniyikwaau, uyuu maak naashch chii miyu nihtaauchiniyuuh, ekw maak mistahii miichim kaa nihtaauchiniyich anit shuuminihch uhchi, taan aniyuuh kaa wii ishpish nihtaauchihtaat. An awen kaa uhtaaukaaut e nahiihtahk maak, yaakwaau kata wii nituhtam.”

John 15:5

“Niya eukw shuuminaahtikw ekw chiyawaau watihkunh. An awen muush niya e ihtaayaan ishi pimaatisiite eukun an che piihchishkuuk kaye maak eukun an che miyu miinisuut wesh taapaa mitun chekwaan chika chii ihtuutenaawaau ekaa piihchishkuyekwe.

John 7:17

An maak awen suuhk wii ihtuutamuwaate Chishemanituu utiteyihtamuwiniyuu, aniyuu taan e ishi chischinuhamaacheuch ekut che uhchi chischeyihtahk Chishemanituuh kaa pechi itashumiikwen aniyuu chechii ishi chiskutamaacheuch maak mikw niya nititeyihtamuwinihch wehchipayiyikwe.

ᐊᐸᔅᑕᓚᒡ 17:11

Anichii maak Jewa iinuuch anite Bereahch kaa ihtaatwaau naashch chii miyeyihtamuch wiyawaau e nituhtuwaatwaau aniyuu Paul ekw maak Silas namui aniyuu iinuu anite Thessalonica kaa ihtaayich kaa ihtiyich. Naashch chii nituhtuweuch kaye eshikum chiishikaau chii nituu chischeyihtamuch taan e itashteyich Chishemanituu utayimuwiniyuu, e chii wii nituu chischeyimaatwaau Paul tiyaapweyikwen aniyuu kaa itweyich.

Ephesians 2:21

wesh wiya ihtuutaweu wetaach chechii ati yaaichikaapuyich misiwe aniyuuh kaa taapweyimikut kaye chechii ati payehchisiyich Utipeyihchikeu ishi e ihtaayich, muyaam chisheayimiheukamikw e wiikaapuuhtaakanuuhch chechii ishinaakusiyich.

Philippians 1:11

Chitayimiheshtamaatinaawaau muush chechii miyutuutawekuch awenichii wesh chikuiskutaatisiinaawaau. Christ chitihtuutaakuwaau chechii miyutuutawekuch awenichii. Ekw maak Chishemanituu che chisteyimaakanuut kaye che maamihchimaakanuut.

Colossians 1:6

Uu miywaachimuwin tasine pimipayuu shaweyihchichewin anit uhchi kaye maak kanawaach mishihtepayuu e waawiihtaakanuuhch misiwe e ispichiskamikaach utah aschiihch. Ekun maak e ishinaakuhch miywaachimuwin anit mekwesiinuu e ihtaayekw iskunaak kaa pehtamekw e aayimuutaakanuyich Chishemanituu uchishewaatisiiwin kaye kaa nisituhtamekw taan nihaau e iteyihtaakuniyich.