Mark 4:7 - Chishemanituu Utayimuwin: Kaa Uskaach Testament

⁷ Ekw aniyuu shuumin kaa paahpahchishtihkwaauh anite kaa kaasutewaaskuhkwaau niipisiyaahtikw e ihtakuniyikwaauh, ekute anite chek kaa ati asich nihtaauchihkwaau. Chek maak namui uhchi miyu nihtaauchinh aniyuu kaa nihtaauchihtaakanuuhkwaau e chii chipishkaatuumakahkwaau aniyuu kaa kaawaaskuhkwaau niipisiyaahtikw. Namui maak uhchii miinishuunh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐁᒄ ᐊᓂᔫ ᔔᒥᓐ ᑳ ᐹᐦᐸᐦᒋᔥᑎᐦᒀᐤᐦ ᐊᓂᑌ ᑳ ᑳᓱᑌᐙᔅᑯᐦᒀᐤ ᓃᐱᓯᔮᐦᑎᒄ ᐁ ᐃᐦᑕᑯᓂᔨᒀᐤᐦ, ᐁᑯᑌ ᐊᓂᑌ ᒉᒃ ᑳ ᐊᑎ ᐊᓯᒡ ᓂᐦᑖᐅᒋᐦᒀᐤ᙮ ᒉᒃ ᒫᒃ ᓇᒧᐃ ᐅᐦᒋ ᒥᔪ ᓂᐦᑖᐅᒋᓐᐦ ᐊᓂᔫ ᑳ ᓂᐦᑖᐅᒋᐦᑖᑲᓅᐦᒀᐤ ᐁ ᒌ ᒋᐱᔥᑳᑑᒪᑲᐦᒀᐤ ᐊᓂᔫ ᑳ ᑳᐙᔅᑯᐦᒀᐤ ᓃᐱᓯᔮᐦᑎᒄ᙮ ᓇᒧᐃ ᒫᒃ ᐅᐦᒌ ᒦᓂᔔᓐᐦ᙮

Mark 4:7 Iomraidhean Croise

Matthew 13:22

Ekw maak an kutak shuumin kaa pahchishihk anite e ihtakuniyikwaauh kaa kaasutewaaskuhkwaauh niipisiyaahtikw, e ati nihtaauchit maak mwehch eukw e ishinaakusitwaau iinuuch kaa nituhtahkwaau Chishemanituu utayimuwiniyuu. Aniyuu naashch e mukushkaachishtaatwaau aschiiyuu chekwaayuuh kaye naashch mikw e wii ushuuliyaamitwaau e ihtitwaau kaye pishikw e mushtenahkwaau chekwaayuu chechii ayaatwaau eukw uyuu wehchi chek wanaataniyich utaapwehtamuwinawaau. Ekw maak namui chii miinisuuch upimaatisiiwiniwaahch.

Matthew 13:7

Ekw aniyuu shuumin kaa paahpahchishtihkwaauh anite kaa kaasutewaaskuhkwaau niipisiyaahtikw e ihtakuniyikwaauh, ekute anite chek kaa ati asich nihtaauchihkwaau. Chek maak namui uhchi miyu nihtaauchinh aniyuu kaa nihtaauchihtaakanuuhkwaau e chii chipishkaatuumakahkwaau aniyuu kaa kaawaaskuhkwaauh niipisiyaahtikw.

Matthew 13:8

Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch maak mitaahtumitanuu chii nihtaauchin peyakw shuumin uhchi, ekw kutak kutwaashumitanuu chii nihtaauchin ekw kutak nishtumitanuu chii nihtaauchin peyakw shuumin uhchi.”

Mark 4:6

Iskutak maak e ispahahk piisim chii ishkwaateuh aniyuuh nihtaauchihchikanh. Chek chii ati nipiimakanh wesh taapaa uhchi utipiimakanh.

Mark 4:8

Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch uyuu shuuminh nishtumitanuu nihtaauchihchikanh chii uhchi nihtaauchinh anit uhchi ekw pasch kutwaashumitanuu chii uhchi nihtaauchinh ekw kutak mitaahtumitanuu.” Eukw uyuu tipaachimuwiniyuu kaa wiihtahk Jesus.

Luke 12:15

Ekw Jesus misiwe kaa itaat uyuu, “Yaakwaamiikw, ekaa chechii mushteneyihtamaacheyekw e ishpish wii ayaayekw chekwaan. Wesh taapaa aniyuu e ishi weyuutisiit awen maak naashch e miisitisiikwe, namiyeyuu aniyuu che ihtuutaakut chechii uhchi ayaat kaachiche pimaatisiiwiniyuu.”

Luke 21:34

“Yaakwaamiikw taan e ishi pimaatisiyekw. Ekaawii utamihiisukw pisikw chechii minihkweyekw maak pisikw chechii miichisuyekw maak pisikw chechii aayimeyihtamekw taan e ishi pimaatisiinaanuuhch, wesh eukw e ihtitwaau kutakach awenichii. An ihtiyekwe chika chii ishinaakun sischikuuch chechii takushiniyaan mekwaach anit ekaa iteyihtamekwe. An maak sischikuuch takushiniyaane, muyaam nakwaakan ekaa peshuweyihtahk awesiis che nakwaasut eukun che iteyihtaakuhch.

Luke 8:14

Ekw maak an kutak shuumin kaa pahchishihk anite e kaasutewaayikwaau mashkushiih e ihtakuniyikwaauh mwehch eukw e ishinaakusitwaau awenichii kaa nituhtamuwaatwaau Chishemanituu utayimuwiniyuu. Mikw maak aniyuu utaapwehtamuwinawaau chek wanaachihtaakanuuyuu wesaa e aayimeyihtamihiikutwaau e ispayiyich upimaatisiiwiniwaahch kaye miisitisiiwiniyuu e maamituneyihtamihiikutwaau, kaye maak mikw aschiiyuu chekwaayuuh e maamituneyihtamihiikutwaau chechii uhchi miyeyihtahkwaau. Ekw maak namui chii ishi nihtaauchuuch taan aniyuuh chipaa ishi nihtaauchuuch.

Luke 8:7

Ekw aniyuu shuumin kaa paahpahchishtihkwaauh anite kaa kaasutewaaskuhkwaau niipisiyaahtikw e ihtakuniyikwaauh, ekute anite chek kaa ati asich nihtaauchihkwaau. Chek maak namui uhchi miyu nihtaauchinh aniyuu kaa nihtaauchihtaakanuuhkwaau e chii chipishkaatuumakahkwaau aniyuu kaa kaawaaskuhkwaauh niipisiyaahtikw.