Mark 4:39 - Chishemanituu Utayimuwin: Kaa Uskaach Testament

³⁹ Kaa wanishkaat Jesus, ekw kaa itashuwaatahk aniyuu kaa chiishtiniyich chechii puunipayiyich, ekw aniyuu kiskanh kaa itaat, “Chiyaamisiikw, ekun ekw.” Chii nachiiweyuu ekw maak kaa uhchi ywaashtiniyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁹ ᑳ ᐗᓂᔥᑳᑦ ᒌᓴᔅ, ᐁᒄ ᑳ ᐃᑕᔓᐙᑕᐦᒃ ᐊᓂᔫ ᑳ ᒌᔥᑎᓂᔨᒡ ᒉᒌ ᐴᓂᐸᔨᔨᒡ, ᐁᒄ ᐊᓂᔫ ᑭᔅᑲᓐᐦ ᑳ ᐃᑖᑦ, ᒋᔮᒥᓰᒄ, ᐁᑯᓐ ᐁᒄ᙮ ᒌ ᓇᒌᐌᔫ ᐁᒄ ᒫᒃ ᑳ ᐅᐦᒋ ᔻᔥᑎᓂᔨᒡ᙮

Mark 4:39 Iomraidhean Croise

Matthew 8:26

Ekw Jesus kaa itaat, “Chekwaan wehchi naashch kushtaachiyekw, taapwe nuwach kaa apishaashich chitaapwehtamuwinawaau.” Ekw kaa wanishkaat kaa itashuwaatahk aniyuu e yuutiniyich chechii puunipayiyich kaye aniyuu kiskanh kaa itaat, “Chiyaamisiikw.” Tiiwehch maak chii uhchi ywaashtiniyuu.

Mark 4:38

Anite maak tahkuhiikanihch chii ihtaau Jesus e nipaat e ashpishkweshimut ashpishikweshimuwiniyuu. Chischinuhamuwaakanich maak chii wanishkaaneuch e itaatwaau, “Chischinuhamaachesuu, namui aa wiyesh chika uhchi iteyihten nistaapaaweyaahche.”

Mark 9:25

Jesus maak chii waapameu aniyuu iinuuh kaa pechi maausikukaapuwiitwaauh e ati siihchiskaatuyitwaau ekw kaa chistahamuwaat aniyuu machiahchaahkwa e itaat, “Chiya ahchaahkw ekaa kaa pehtaman neshta ekaa kaa nihtaaweyin, maachiih wiiwiih anit uu naapesh e ihtaat uhchi. Ekaawii miin chika uhchi piihchishkuwaau.”

Luke 4:35

Jesus kaa nishkweushihaat aniyuu ahchaahkwa e itaat, “Ekaa chistuh. Wiiwiiskuu an naapeu.” Ekw an ahchaahkw kaa ihtuutawaat aniyuu naapeu anite chechii ishi pahchishiniyich e mihchetinaanuyich. Ekw kaa wiiwiiskawaat aniyuu naapeu ekaa uhchii wiyesh ihtuutuwaat chechii aahkuhaat.

Luke 4:39

Jesus maak chii nawewiyuu anite ishi e ihtaayich aniyuu iskweu, ekw kaa itashuwaatahk aniyuu kaa chishiteunikusiinaanuyich chechii nakatikuyich. Tiiwehch maak chii nakatikuyuu, kaa wanishkaat an iskweu kaa ati papiminaat aweyuu.

Luke 8:24

Chek anichii chischinuhamuwaakanich kaa pekunaatwaau Jesus e itaatwaau, “Chischinuhamaachesuu, chischinuhamaachesuu, chika nishtaapaawenaanuu.” Jesus maak chii wanishkaau, kaa itwet aniyuu e yuutiniyich chechii puunipayiyich kaye aniyuu kiskanh kaa itaat, “Chiyaamisiikw.” Tiiwehch maak chii ywaashtiniyuu.