Mark 4:31 - Chishemanituu Utayimuwin: Kaa Uskaach Testament

³¹ Mwehch an shuumin maauch kaa apishiishiit utah aschiihch mastart kaa ishinihkaataakanuut ekun e ishinaakuhch kihchikiishikw uchimaawin. Naapeu utineu uyuuh shuuminh ekw aschiihch e aaihwaat chechii nihtaauchiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᒬᐦᒡ ᐊᓐ ᔔᒥᓐ ᒫᐅᒡ ᑳ ᐊᐱᔒᔒᑦ ᐅᑕᐦ ᐊᔅᒌᐦᒡ ᒪᔅᑕᕐᑦ ᑳ ᐃᔑᓂᐦᑳᑖᑲᓅᑦ ᐁᑯᓐ ᐁ ᐃᔑᓈᑯᐦᒡ ᑭᐦᒋᑮᔑᒄ ᐅᒋᒫᐎᓐ᙮ ᓈᐯᐤ ᐅᑎᓀᐤ ᐅᔫᐦ ᔔᒥᓐᐦ ᐁᒄ ᐊᔅᒌᐦᒡ ᐁ ᐋᐃᐦᐙᑦ ᒉᒌ ᓂᐦᑖᐅᒋᔨᒡ᙮

Mark 4:31 Iomraidhean Croise

Mark 4:30

Ekw uyuu kaa ati itwet Jesus, “Chekwaan maak chechii wiihtamuhkw chechii itweyihkw ekun e iteyihtaakuniyich Chishemanituu uchisheuchimaawin. Chekw tipaachimuwin chiskutamaachewin chechii wiihtamuhkw chechii uhchi chischeyihtaakuhch.

Mark 4:32

Chek maak e ati nihtaauchiyich. Iskutak maak kaa chiishi nihtaauchiyich eukw uyuu maauch chenwaaskuniyich e tahtiniyikwaauh kutak nihtaauchihchikanh. E ishpish piikwesit uu mistikush piyeshiishach uwachishtunihkaasuuch anite watihkunihch anit e ukaashteyaaskweyaayich.”

Luke 17:6

Ekw Utipeyihchikeu kaa itaat, “Aat naashch apishaashiche chitaapwehtamuwinawaau taapishkuuch maauch kaa aapishiishit shuumin kaa ispichishtit ishpishaache, mistikw chika chii itaau, ‘Wiihkuhuuh anit kaa nihtaauchiyin ekw anite che ishi wepinisuyin chihchikamiihch,’ chika pishichihiikw.”

ᐊᐸᔅᑕᓚᒡ 19:20

Uu maak e chii ispayihch chii ati mishihtepayuu miywaachimuwin, an maak e ishpish suuhchipayihch uu miywaachimuwin mihchetu awenichii chii ati taapwehtamuch.

ᐊᐸᔅᑕᓚᒡ 2:41

Mihchetu maak chii pishichiheuch aniyuu kaa itikutwaau. Ekw kaa siikahaahtuwaakanuutwaau. An maak kaa chiishikaach wiyesh nishtwaau chishemitaahtumitanuu ayuwaak chii tashuuch iinuuch e taapweyimaatwaau Jesus anit aniyuu e peyakuminehiitutwaau.

ᐊᐸᔅᑕᓚᒡ 21:20

Iskutak maak piyehtawaatwaau uchii taan e itaachimuyich Paul misiwe chii maamihchimeuch Chishemanituu. Chek maak e itaatwaau aniyuu Paul, “Niichishaanaan, chiwaapahten taan e ispihchetitwaau ekw Jewa iinuuch e taapweyimaatwaau Jesus utah Jerusalemihch, mihchetwaau chishemitaahtumitanuu e tashitwaau. Misiwe maak eshkw naashch naanaakatuweyihtamuweuch Moses uwiishuwewiniyuu.

ᐊᐸᔅᑕᓚᒡ 4:4

Yaapach maak mihchetu awenichii chii taapwehtamuweuch taan kaa ishi wiihtamiyich aniyuu apastalh. Wiyesh niyaayinwaau chishemitaahtumitanuu naapeuch chii tashiichenich e taapwehtahkwaau.

ᐊᐸᔅᑕᓚᒡ 5:14

Yaapach maak etituu chii ati mihchetuuch aniyuu kaa tashitwaau anit aniyuu e peyakuminehiitutwaau, taapishkun naapeuch kaye iskweuch chii ati taapweyimeuch Jesus.

Revelation 11:15

Ekw miin kutak enchil kaa puutaatahk upuutaachikan. Eukw uu niishwaashch kaa ihtaat enchil. Nichii pehtawaauch maak awenichii e chishewetwaau, anite kihchikiishikuhch e ayimitwaau e itwetwaau, “Ekw wetinamaasut Chitipeyihchikeminuu kaye aniyuuh kaa pechi itishahwaat chechii uchimaautwaau utah aschiihch. Wiya maak Utipeyihchikeu chika uchimaau kaachiche kaye kaachiche.”