Mark 4:26 - Chishemanituu Utayimuwin: Kaa Uskaach Testament

²⁶ Jesus kaye miin chii ati itweu, “Mwehch naapeu kaa asihchewepinaat shuuminh unihtaauchihchikan aschiihch ekun e iteyihtaakuniyich Chishemanituu uchisheuchimaawin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᒌᓴᔅ ᑲᔦ ᒦᓐ ᒌ ᐊᑎ ᐃᑗᐤ, ᒬᐦᒡ ᓈᐯᐤ ᑳ ᐊᓯᐦᒉᐌᐱᓈᑦ ᔔᒥᓐᐦ ᐅᓂᐦᑖᐅᒋᐦᒋᑲᓐ ᐊᔅᒌᐦᒡ ᐁᑯᓐ ᐁ ᐃᑌᔨᐦᑖᑯᓂᔨᒡ ᒋᔐᒪᓂᑑ ᐅᒋᔐᐅᒫᐎᓐ᙮

Mark 4:26 Iomraidhean Croise

Matthew 13:11

Ekw Jesus kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa maayaakanuutwaau chechii chischeyihtahkwaau, eukuu chechii chischeyihtamekw kihchikiishikw uchimaawin. Wiyawaau maak namui uhchi pachishtinaakanuuch aniyuu chechii ishi chischeyihtahkwaau.

Matthew 13:24

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Kihchikiishikw chisheuchimaawin eukw mwehch e ishinaakuhch naapeu e nihtaauchihchet e miyushiyich shuumin anite unihtaauchihchikan aschiihch.

Matthew 13:3

Chiskutamaacheu tipaachimuwiniyuu maak chii aapachihtaau Jesus e waawiihtamuwaat mihchetu chekwaayuu, ekw kaa itaat, “Peyakwaau naapeu chii nituu nihtaauchihcheu anite unihtaauchihchikan aschiihch.

Matthew 13:31

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Mwehch an shuumin kaa apishiishiit mastart kaa ishinihkaataakanuut ekun e ishinaakuhch kihchikiishikw uchimaawin. Eukw uyuu wetinaat naapeu e ati aaihwaat anite unihtaauchihchikan aschiihch.

Matthew 13:33

Jesus maak chii wiihtamuweu miin kutachiyuu tipaachimuwin chiskutamaachewiniyuu e itaat, “Maau e iteyihtaakuhch kihchikiishikw chisheuchimaawin. Muyaam palet uhpisikan iteyihtaakun, aniyuu kaa chii chiikuunahk iskweu mistahii pahkweshikanihch, misiwe maak uhpiyuuh aniyuuh aaihkunaauh.”

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 4:17

Ekut maak kaa chihchipayihtaat Jesus e kacheschimaat aniyuu iinuu e itaat, “Kweskaatisiikw, nakatamukw chimachihtwaawinawaauh wesh shaash peshunaakun kihchikiishikw chisheuchimaawin.”

Mark 4:25

An maak awen kaa ayaat chekwaayuu etituu kata miyaakanuu. Ekw an ekaa kaa ayaat chekwaayuu aat aniyuu taan e ishi apishiish ayaat kata utinikanuuyuu.”

Mark 4:27

An naapeu nipaau e tipiskaayich ekw iskutak piyetaapaniyich weniskaat. Nihtaauchiniyuuh maak aniyuuh shuuminh kaa nihtaauchihtaat mikw namui chischeyihtam taanite wehchi nihtaauchiniyikwaau.

Luke 13:18

Ekw Jesus kaa kakwechimaat aniyuu anit kaa ihtaayitwaauh, “Taan e iteyihtaakuniyich Chishemanituu uchisheuchimaawin. Taanite chechii uhchi wiihtamaatakuch taan nihaau e iteyihtaakuniyich.

Luke 8:11

“Chika wiihtamaatinaawaau taan e ishi wiihtamaachemakahch uu tipaachimuwin kaa wiihtamaatakuch. Muyaam Chishemanituu utayimuwin eukun e iteyihtaakusit an shuumin.

Luke 8:5

“Peyakwaau chii ihtaau nihtaauchihchesuu e nituu asihchewepinahk shuuminh. Pasch maak anite meskanaahch chii paahpahchishiniyuu e ati taahtahkushkaataakanuyikwaau kaye piyeshiisha e ati miichiyich aniyuu shuumin kaa usewepinahk.

John 12:24

Kuiskw chiwiihtamaatinaawaau michihpin ekaa anite aschiihch ashtaakanuuhche peyakumin nihtaauchihchikan namui chika uhchi nihtaauchin mikw maak ashtaakanuuhche anite aschiihch ati nipiimakahche maak ekut che uhchi nihtaauchihkwaau mihchetu nihtaauchihchikan.

James 3:18

Uyuu e ishi pimaatisiit awen ayaaweu Chishemanituu uchiyaameyihtamuwiniyuu. Wiichiheu kaye kutak aweyuu chechii kuiskutaatisiyich chechii ayaayich Chishemanituu uchiyaameyihtamuwiniyuu.