Mark 4:24 - Chishemanituu Utayimuwin: Kaa Uskaach Testament

²⁴ Jesus kaye chii itweu, “Nanaakataweyihtamukw suuhk chechii nituhtamekw. Mikw taan che ishpish miiwewekwe ekun che ishpish miikuyekw kaye chiyawaau. Etituu maak mistahii chika miikunaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒌᓴᔅ ᑲᔦ ᒌ ᐃᑗᐤ, ᓇᓈᑲᑕᐌᔨᐦᑕᒧᒄ ᓲᐦᒃ ᒉᒌ ᓂᑐᐦᑕᒣᒄ᙮ ᒥᒄ ᑖᓐ ᒉ ᐃᔥᐱᔥ ᒦᐌᐌᑴ ᐁᑯᓐ ᒉ ᐃᔥᐱᔥ ᒦᑯᔦᒄ ᑲᔦ ᒋᔭᐙᐤ᙮ ᐁᑎᑑ ᒫᒃ ᒥᔅᑕᐦᐄ ᒋᑲ ᒦᑯᓈᐙᐤ᙮

Mark 4:24 Iomraidhean Croise

Matthew 7:2

Wesh taan mikw che ishi kanawaapahtamuwekwe taan e ishi wiyaaskunekw awen ekun mwehch che ishi kanawaapahtahk kaye wiya Chishemanituu wiyaaskunitaakwe. Taan e ishpish miiwet awen chekwaayuu eukun mwehch che ishpish miyaakanuut.

Mark 9:7

Chek kaskawanishkwa kaa uhchi ukaashteskaakutwaau. Ekute kaa uhchi pehtawaatwaau aweyuu e itweyich, “Eukw uu niya tipiyeu Nikus kaa saachihak. Nituhtawaahkw.”

Luke 8:18

Yaakwaamiih maak taan e ishi nituhtaman, wesh an awen yaakwaau kaa nituhtahk etituu chika nisituhtam. Ekw an awen ekaa yaakwaau kaa nituhtahk chika wanichischisuu yaapach taan aniyuuh kaa iteyihtahk e nisituhtahk.”

John 10:16

Kutakach maanishchaanishach nitayaawaauch ekaa utah uyuu maanishchaanishikamikuyuu uhchiitwaau. Kaye wiyawaau maak yaaitei nika peshuwaauch. Chika nisituhtamuch kaye wiyawaau nipehtaakusuwiniyuu ekw maak che peyakuhch maanishchaanishikamikw kaye chika peyakushuu an maanishchaanishuiinuu.”

John 10:27

Nituhtamuch nipehtaakusuwiniyuu nimaanishchaanishimach. Kaye maak nichischeyimaauch, ekw maak piyechi nuushuushkuutwaau.

John 5:25

Kuiskw chiwiihtamaatinaawaau shaash e utihchipayihch an tipahiikan uu che ispayihch, shaash maak ispayuu, anichii kaa nipitwaau kata pehtamuweuch Chishemanituu Ukusisa upehtaakusuwiniyuu. Anichii maak kaa pehtawaatwaau kata pimaatisiyuuch.

ᐊᐸᔅᑕᓚᒡ 17:11

Anichii maak Jewa iinuuch anite Bereahch kaa ihtaatwaau naashch chii miyeyihtamuch wiyawaau e nituhtuwaatwaau aniyuu Paul ekw maak Silas namui aniyuu iinuu anite Thessalonica kaa ihtaayich kaa ihtiyich. Naashch chii nituhtuweuch kaye eshikum chiishikaau chii nituu chischeyihtamuch taan e itashteyich Chishemanituu utayimuwiniyuu, e chii wii nituu chischeyimaatwaau Paul tiyaapweyikwen aniyuu kaa itweyich.

2 Corinthians 9:6

Maau che wii chischisiyekw, an mikw apishiish kaa nihtaauchihchihchet mikw apishiish chekwaayuu chika nihtaauchiniyuu ekw an mistahii kaa nihtaauchihchet mistahii chekwaayuu kata nihtaauchiniyuu.

Hebrews 2:1

Eukw maak an wehchi iteyihtaakuhch etituu chechii mamechiminamuhkw an taapwewin kaa ishi pehtamuhkw ekaa chechii chiiwekaapuyihkw.

1 Peter 2:2

Muush etituu chipaa nitaweyihtamuwaanaawaau Chishemanituu utayimuwin. Wesh naashch taapwe payehcheyihtaakuniyuu. Kaye maak ekut che uhchi miyu nihtaauchiyekw kaye eukun che kanuweyimikuyekw e pimaachihuyekw. Muyaam awaash e uschinihtaauchit muush e nituweyimaat chuuchuushinaapui chechii uhchi nihtaauchit ekun chipaa ishinaakusinaawaau e nituweyihtamuwekw Chishemanituu utayimuwin chechii uhchi nihtaauchiyekw anite chitahchaahkuwaahch.

1 John 4:1

Niichishaanitikw kaa saachihiitakuch ekaawii misiwe awen Chishemanituuh kaa aayimuutamaataakw mikw chika uhchi ishi taapwehtawaawaau. Yaakwaau nituu chischeyimaahkuch ati chechii uhchi chischeyihtamekw taapwe Chishemanituu e ihtaayich wehchipayikwe taan e ishi chiskutamaachetwaau. Wesh mihchetuuch mishihte utah aschiihch anichii machi uchischiwehiichesuuch.