Mark 4:2 - Chishemanituu Utayimuwin: Kaa Uskaach Testament

² Mistahii maak chii chiskutamuweu tipaachimuwin chiskutamaachewinh e aapachihtaat. Chii iteu maak,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒥᔅᑕᐦᐄ ᒫᒃ ᒌ ᒋᔅᑯᑕᒧᐌᐤ ᑎᐹᒋᒧᐎᓐ ᒋᔅᑯᑕᒫᒉᐎᓐᐦ ᐁ ᐋᐸᒋᐦᑖᑦ᙮ ᒌ ᐃᑌᐤ ᒫᒃ,

Mark 4:2 Iomraidhean Croise

Matthew 13:10

Ekw anichii chischinuhamuwaakanich kaa naataatwaau Jesus ekw kaa kakwechimaatwaau, “Chekwaan wehchi wiihtaman tipaachimuwin chiskutamaachewinh e ayimihiitwaau awenichii.”

Matthew 13:3

Chiskutamaacheu tipaachimuwiniyuu maak chii aapachihtaau Jesus e waawiihtamuwaat mihchetu chekwaayuu, ekw kaa itaat, “Peyakwaau naapeu chii nituu nihtaauchihcheu anite unihtaauchihchikan aschiihch.

Matthew 7:28

Iskutak maak Jesus kaa itwet uyuu taan kaa wii itwet, misiwe aniyuuh aweyuuh naashch chii miskaateyimikuu aniyuu e ishi miskaastaakusit e chiskutamaachet.

Mark 10:1

Jesus maak chii chistuhteu anit aniyuu kaa ihtaat, ekw anite Judea aschiihch kaa ati ituhtet kwestehchekaam Jordan siipiihch. Ekun kaa ihtuutaakut kaye anite aweyuu, chii mihchetiyuu e pechi nituwaapamikut. Ekw kaa ihtuutawaat taan kaa chii ihtuutawaat maan aweyuu e nituwaapamikut, chii chiskutamuweu.

Mark 12:1

Jesus etituu chii ati ayimiheu aniyuuh niikaan ayimiheuchimaauh kaye masinahiichesuuh e wiihtamuwaat uyuu tipaachimuwin chiskutamaachewiniyuu. Chii iteu, “Chii ihtaau naapeu shuuminaahtikw e chii nihtaauchihaat anite nihtaauchihchikan aschiihch. Chii chipaham maak misiwe waaskaa aniyuu unihtaauchihchikan aschii. Kaye chii muunaauhkaham taanite che pichishchishkaakanuyikwaau aniyuu miinisha. Chii ushihtaau kaye chiimuushaapiiukamikuyuu anite che uhchi naanaakachihtaakanuyikwaau aniyuu unihtaauchihchikanh. Iskutak maak kaa chiishkwaa aihtit chii naanituwaapameu aweyuu chechii naanaakachihtaayich uyuu utaschii ekw kaa chistuhtet, waahiyuu e ihtakuniyich aschiiyuu kaa ituhtet.

Mark 12:38

Mekwaach maak miin e chiskutamuwaat chii iteu, “Yaakwaamiishtuwaahkuch anichii wiishuwewiniyuu kaa chiskutamaachetwaau, wesh nituweyihtamuch chechii chisteyimaakanuutwaau. Miyeyihtamuch e pushchishkahkwaau kaa chinwekaniyikwaau akuhpa, kaye miyeyihtamuch e utinischenaakanuutwaau anite e mihchetinaanuyich.

Mark 3:23

Ekw Jesus kaa wiishaamaat ekw kaa ayimihaat tipaachimuwin chiskutamaachewinh e aapachihtaat, “Taanite chechii uhchi wiiwiitishihwaat machimanituu machimanituuh.

Mark 4:11

Ekw kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa miyaakanuutwaau chechii chischeyihtahkwaau, eukuu chechii chischeyihtamuwekw Chishemanituu uchisheuchimaawin. Kutakach awenich e aayimuutamuwaakanuutwaau Chishemanituu uchisheuchimaawiniyuu tipaachimuwin chiskutamaachewinh wiihtamuwaakanuuch chechii tipipayihch uu kaa itashtech Chishemanituu utayimuwinihch,

Mark 4:3

“Nituhtamukw maa, Peyakwaau naapeu chii nituu nihtaauchihcheu anite unihtaauchihchikan aschiihch.

John 18:19

Ekw an chisheayimiheuchimaau nanaahkuu kaa ishi kakwechimaat Jesus e wii nituu chischeyimaat aniyuu uchischinuhamuwaakaniyuuh kaye taan nahaau e ishi chiskutamaacheyich Jesus.