Mark 4:19 - Chishemanituu Utayimuwin: Kaa Uskaach Testament

¹⁹ mikw maak aniyuu naashch e mukushkaachishtaatwaau aschiiyuu chekwaayuuh kaye naashch mikw e wii ushuuliyaamitwaau e ihtitwaau kaye pishikw e mushtenahkwaau chekwaayuu chechii ayaatwaau eukw uyuu wehchi chek wanaataniyich utaapwehtamuwinawaau. Ekw maak namui chii miinisuuch upimaatisiiwiniwaahch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᒥᒄ ᒫᒃ ᐊᓂᔫ ᓈᔥᒡ ᐁ ᒧᑯᔥᑳᒋᔥᑖᑣᐤ ᐊᔅᒌᔫ ᒉᒀᔫᐦ ᑲᔦ ᓈᔥᒡ ᒥᒄ ᐁ ᐐ ᐅᔔᓕᔮᒥᑣᐤ ᐁ ᐃᐦᑎᑣᐤ ᑲᔦ ᐱᔑᒄ ᐁ ᒧᔥᑌᓇᐦᒀᐤ ᒉᒀᔫ ᒉᒌ ᐊᔮᑣᐤ ᐁᐅᒄ ᐅᔫ ᐌᐦᒋ ᒉᒃ ᐗᓈᑕᓂᔨᒡ ᐅᑖᐺᐦᑕᒧᐎᓇᐙᐤ᙮ ᐁᒄ ᒫᒃ ᓇᒧᐃ ᒌ ᒦᓂᓲᒡ ᐅᐱᒫᑎᓰᐎᓂᐙᐦᒡ᙮

Mark 4:19 Iomraidhean Croise

Matthew 13:22

Ekw maak an kutak shuumin kaa pahchishihk anite e ihtakuniyikwaauh kaa kaasutewaaskuhkwaauh niipisiyaahtikw, e ati nihtaauchit maak mwehch eukw e ishinaakusitwaau iinuuch kaa nituhtahkwaau Chishemanituu utayimuwiniyuu. Aniyuu naashch e mukushkaachishtaatwaau aschiiyuu chekwaayuuh kaye naashch mikw e wii ushuuliyaamitwaau e ihtitwaau kaye pishikw e mushtenahkwaau chekwaayuu chechii ayaatwaau eukw uyuu wehchi chek wanaataniyich utaapwehtamuwinawaau. Ekw maak namui chii miinisuuch upimaatisiiwiniwaahch.

Matthew 19:23

Ekw Jesus kaa itaat aniyuu uchischinuhamuwaakan, “Taapwe chiwiihtamaatinaawaau, awen kaa miisitisiit taapwe chika aayimaniyuu chechii piihchet kihchikiishikw chisheuchimaawinihch.

Matthew 3:10

Wesh muyaam shaash e ayeskuushtech usitaaskw eukw che ishinaakuhch che naatwaakahwaakanuut an mistikw anite e utipiyuut. Wesh tahtu mistikw ekaa miyu miinishuut chika naatwaakahwaakanuu kaye chika machishtewepinaakanuu ishkutehch.

Mark 4:18

Ekw kutakach awenichii muyaam anihiih shuuminh kaa pahchishtihkwaau anite kaa kaasutewaakwaau maaskusuu e ihtakuhkwaauh ekun e ishinaakusitwaau. Eukw uchii kaa pehtahkwaau miywaachimuwiniyuu,

Luke 10:41

Utipeyihchikeu chii itikuu, “Martha, Martha naashch e mukushkaateyihtamihiikuyin mihchetu chekwaayuu.

Luke 21:34

“Yaakwaamiikw taan e ishi pimaatisiyekw. Ekaawii utamihiisukw pisikw chechii minihkweyekw maak pisikw chechii miichisuyekw maak pisikw chechii aayimeyihtamekw taan e ishi pimaatisiinaanuuhch, wesh eukw e ihtitwaau kutakach awenichii. An ihtiyekwe chika chii ishinaakun sischikuuch chechii takushiniyaan mekwaach anit ekaa iteyihtamekwe. An maak sischikuuch takushiniyaane, muyaam nakwaakan ekaa peshuweyihtahk awesiis che nakwaasut eukun che iteyihtaakuhch.

John 15:2

Misiwe watihkunh niya e ihtaayaan kaa ihtakuhkwaauh ekaa kaa miinisuuhkwaau nuuhtaawii manisham. Ekw aniyuuh watihkunh kaa miinisuuhkwaau misiwe waweshtuutam etituu chechii miinisuuniyikwaau.

Romans 12:2

Ekaawii nispituwaahkuch taan e ishi pimaatisiitwaau anichii ekaa kaa taapweyimaatwaau Chishemanituuh. Teyakuch pachishtinaakw Chishemanituu aahchiiuh chechii iteyihtaakuhiitaakw e uschihtaat taan e ishi maamituneyihtamuwekw. Ekw maak che chischeyihtamuwekw Chishemanituu utiteyihtamuwin, chika chischeyihtenaawaau chekwaan meywaashiyich kaye chekwaayuu neheyihtamihiikut Chishemanituu, kaye maak aniyuuh chekwaayuuh mitun tekash e kuiskunaakuhkwaauh.

Ephesians 2:2

Eukun kaa ishi pimaatisiyekw eshkw e chii nuushunehamekw taan e ihtinaanuuhch utah aschiihch kaye eshkw e chii nuushuushkuwekw an kaa uchimaahkahtahk chiishikuyuu, an ahchaahkw kaa ishi aapatisit e piihchishkuwaat aniyuuh aweyuuh ekaa kaa nanihiihtuwaayich Chishemanituuh.

Ephesians 6:12

Wesh namui muhch iinuuch chimaasihaanuuch. Machiahchaahkuch kaa tipeyihchichetwaau chimaasihaanuuch kaye anichii naashch kaa suuhcheyihtaakusitwaau kaye anichii kaa niikaanishkahkwaau wanitipiskusiiwiniyuu utah aschiihch kaa ihtakuniyich. Chimaasihaanuuch kaye anichii mihchetu machiahchaahkuch anite ishpimihch kaa ihtaatwaau.

Philippians 4:6

Ekaawii chekwaan chika uhchi mukushkaateyihtamihiikunaawaau. Teyakuch misiwe taan che ati ispayiwekwe ayimihaakw, e waawiihtamuwekw Chishemanituu chekwaayuu e ishi nitaweyihtamuwekw. Kaye maak chipaa nanaaskumaawaau.

1 Timothy 6:17

Chinituweyimitin maak Timothy, chechii wiihtamutwaau anichii kaa miisitisiitwaau ekaa chechii chihkaateyimishutwaau aniyuu e miisitisiitwaau kaye ekaa chechii aspeyimututahkwaau aniyuu ekaa kaa cheshtinaateyihtaakuniyich miisitisiiwiniyuu. Chischisuumach uste Chishemanituu chechii aspeyimututuwaatwaau an kaa miyu miitahkw misiwe chekwaayuu chechii miyeyihtamihiikuuhkw.

2 Timothy 4:10

Demas wii, shaash uste uyuu aschiiyuu saachihtaau kaye maak nichii nakatikw, anite Thessalonicahch ekute kaa ituhtet. Crescens maak wii anite Galatiahch ekute kaa ituhtet. Ekw Titus anite Dalmatiahch ekute wiya kaa ituhtet.

2 Peter 1:8

Eukw maak uyuu chekwaayuu wetaach chipaa weyuuch ayaanaawaau chipimaatisiiwiniwaahch. Wesh chiishpin taapwe weyuuch ayaayekwe chika ihtuutaakunaawaau taapwe chechii weyuuch atuskuwekw Chitipeyihchikeminuu Jesus Christ aniyuu taan e ishi chischeyimekw chipimaatisiiwiniwaahch. Kaye naashch taapwe chika miyu atuskawaawaau.

Jude 1:12

Mikw wanaahtaasuuch anit e makushewekw e nuukuhtaayekw e saachihekw Chishemanituu. Namui mitun pimaameyimuuch e mista chiishpuhiisutwaau e wiichimiichisuumitaakuch, mikw wiyawaau e nanaakatuweyimisutwaau. Mwehch kaskawanishkuch e pimaashitwaau ekaa maak mechim nipiyuutwaau ekun e iteyihtaakusitwaau. Mwehch mistikuch ekaa mitun miinishuutwaau aat e takwaatiniyich, mistikuch chichi utapii e chii manishipikuhchipitaakanuutwaau, tekash e nipitwaau, ekun e ishinaakusitwaau.