Mark 4:16 - Chishemanituu Utayimuwin: Kaa Uskaach Testament

¹⁶ Ekw anihiih anite e asiniiyuuhch kaa pahchishtihkwaau eukw uchii awenich tiiwehch mikw kaa ishi utinahkwaau uskach piyehtahkwaau miywaachimuwiniyuu naashch e muuchicheyihtamihiikutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐁᒄ ᐊᓂᐦᐄᐦ ᐊᓂᑌ ᐁ ᐊᓯᓃᔫᐦᒡ ᑳ ᐸᐦᒋᔥᑎᐦᒀᐤ ᐁᐅᒄ ᐅᒌ ᐊᐌᓂᒡ ᑏᐌᐦᒡ ᒥᒄ ᑳ ᐃᔑ ᐅᑎᓇᐦᒀᐤ ᐅᔅᑲᒡ ᐱᔦᐦᑕᐦᒀᐤ ᒥᔻᒋᒧᐎᓂᔫ ᓈᔥᒡ ᐁ ᒨᒋᒉᔨᐦᑕᒥᐦᐄᑯᑣᐤ᙮

Mark 4:16 Iomraidhean Croise

Matthew 13:5

Kutak shuuminh anite e asiniiuuniyich chii pahchishtiniyuuh, anite ekaa mista aschiiyuuniyich, wiipach maak chii saachinihtaauchiniyuuh wesh taapaa uhchi chispakaau anit aschii.

Mark 4:15

Anihiih maak shuuminh patuteskanuu kaa pahchishtihkwaau eukunich uchii awenichii iskutak piyehtahkwaau miywaachimuwiniyuu, tiiwehch machimanituu takushiniyuu e ati utinamiyich aniyuu chipaa ishi nihtaauchiniyuu utehiiwaahch.

Mark 4:17

Mikw maak namui ihtakuniyuu taanite chechii uhchi yaaich nihtaauchitwaau ekw maak namui chineush chii ishikaapuuch. Iskutak nechiskahkwaau e aayimaniyich maak e maayeyimaakanuutwaau aniyuu ayimuwiniyuu uhchi ekut tiiwehch kaa chiiwekaapuutwaau.

Mark 6:20

wesh Herod chii kushteu aniyuu John, e chii chischeyimaat e kuiskutaatisiyich kaye e payehchisiyich. Eukw maak uyuu wehch ekaa uhchi wii pischeyimaat. Chii miyeyimeu e nituhtawaat aat muush e chii mukushkaateyihtamihiikuwaat taan kaa itweyich tahtwaau e nituhtawaat.

Luke 8:13

Ekw an shuumin anite e asiniyuuniyich kaa pahchishihk mwehch eukw e ishinaakusitwaau awenichii kaa pehtahkwaau Chishemanituu utayimuwiniyuu e taapwehtahkwaau kaye maak naashch e miyeyihtamihiikutwaau. Muyaam maak an nihtaauchihchikanh ekaa yaaich nihtaauchiniyikwaau utipiih eukw e ishinaakusitwaau anichii aat weipishchiish kaa taapwehtahkwaau. Iskutak kakwechihiiwewiniyuu nechiskahkwaau ekut shaash pehchishihkwaau.

John 5:35

Mwehch waashtenamaakan e chiihkaashtuwech ekun kaa ishinaakusit John tepaachimit. Chichii naheyihtenaawaau mikw weipishchiish chechii muuchicheyihtamekw anite uwaashtuwewinihch.

ᐊᐸᔅᑕᓚᒡ 26:28

Ekw Agrippa kaa itaat aniyuu Paul, “Uu ishpish weipishchiish chititeyihten aa shaash chechii shaakuuchimiin chechii kweskaatisiyaan.”

ᐊᐸᔅᑕᓚᒡ 8:13

An maak Simon kaa maamaahtaawaatisiit chii taapwehtam kaye wiya kaye chii siikahaahtuwaakanuu. Ekw maak muush kaachii papaawiichewaat aniyuu Philip, chii miskaateyihtam kaye taan kaa ishi maamishkaach waapahtahk.