Mark 3:9 - Chishemanituu Utayimuwin: Kaa Uskaach Testament

⁹ Jesus chii iteu uchischinuhamuwaakanh chechii ayeskuushtaayich utiyuu chek nituweyihtaakuniyiche chechii puusit wesaa siihchiskaakute aweyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᒌᓴᔅ ᒌ ᐃᑌᐤ ᐅᒋᔅᒋᓄᐦᐊᒧᐙᑲᓐᐦ ᒉᒌ ᐊᔦᔅᑰᔥᑖᔨᒡ ᐅᑎᔫ ᒉᒃ ᓂᑐᐌᔨᐦᑖᑯᓂᔨᒉ ᒉᒌ ᐴᓯᑦ ᐌᓵ ᓰᐦᒋᔅᑳᑯᑌ ᐊᐌᔫ᙮

Mark 3:9 Iomraidhean Croise

Matthew 15:39

Ekw Jesus kaa chihchitishihwaat aniyuu iinuu, kaa puusit aniyuu utiyuu ekw anite Magadan kaa ishinihkaateyich aschiiyuu chek kaa misakaat.

Mark 4:1

Peyakwaau miin e chiskutamaachet Jesus yaayeu Galilee saakahiikanihch, chek chii ati mihchetiyuu aweyuu e pechi nituhtaakut. Ekw kaa puusit utiyuu, kaa akumut anit saakahiikanihch. Ekw aniyuu mihchetu aweyuu kaa pechi takushiniyich e wii nituhtaakut anite yaayeu chii ihtaayuuh.

Mark 4:36

Ekw anichii chischinuhamuwaakanich kaa nakataatwaau aniyuuh aweyuuh kaa mihchetiyich ekw kaa puusitwaau aniyuu utiyuu anit kaa ihtaayich Jesus ekw kaa chihchichimetwaau Jesus e puusihaatwaau. Chii ihtakunh kaye kutak chiimaan e ati mushaaupayihkwaau.

Mark 5:2

Jesus maak kaa kapaat tiiwehch chii pechi nachishkaakuu naapeu machiahchaahkwa e piihchishkaakuyich chiipaischiihch e uhtuhteyich.

Mark 5:30

Jesus maak tiiwehch chii chischeyihtam miinuwaachihiiweu suuhkaatisiiwiniyuu e chii wiiwiipayiniyich anit e ihtaat uhchi. Kaa kanawaapamaat misiwe aniyuu aweyuu ekw kaa itaat, “Awen kaa pechi taahtinahk nitakuhpiyuu.”

Mark 6:32

Ekw kaa aashuuhahkwaau, anite kaa ati isichimetwaau ekaa ihtaanuyich.

Luke 5:1

Peyakwaau Jesus mekwaach e niipuut yaayeu saakahiikanihch Gennesaret e ishinihkaateyich, mihchetu maak iinuu e maakushkaakut e nituhtamiyich Chishemanituu utayimuwiniyuu,

Luke 5:3

Chii puusuu maak Jesus peyakw chiimaaniyuu, aniyuu Simon Peter kaa tipiyeusiyich. Kaa kakwechimaat Simon Peter chechii mushaauhamiyich apishiish. Ekw maak kaa waweyapit Jesus kaa chischinuhamaachet anit chiimaanihch uhchi.

John 6:15

Jesus maak chii chischeyimeu ekw che pechi nituwaapamikut aayihkam che wii chisheuchimaauhiikut, ekw kaa chistuhtet, mikw wiya chechii peyakushit.