Mark 3:5 - Chishemanituu Utayimuwin: Kaa Uskaach Testament

⁵ Jesus chii chishuwaasuu e kanawaapamaat eyuu maak chii misimitehiiskaakuu aniyuu e siipihtamiyich. Ekw kaa itaat aniyuu naapeu kaa maaskaniyich utihchiyuu, “Tashupayihtaah chitihchii.” Chii tashupayihtaau maak an naapeu aniyuu utihchii, ekw maak kaa miinuwaachihtaakanuyich aniyuu utihchii, mwehch aniyuu kutachiyuu utihchii kaa ishi miywaayich ekun kaa ishinaakuniyich aniyuu utihchii kaa maaskaniyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᒌᓴᔅ ᒌ ᒋᔓᐙᓲ ᐁ ᑲᓇᐙᐸᒫᑦ ᐁᔫ ᒫᒃ ᒌ ᒥᓯᒥᑌᐦᐄᔅᑳᑰ ᐊᓂᔫ ᐁ ᓰᐱᐦᑕᒥᔨᒡ᙮ ᐁᒄ ᑳ ᐃᑖᑦ ᐊᓂᔫ ᓈᐯᐤ ᑳ ᒫᔅᑲᓂᔨᒡ ᐅᑎᐦᒋᔫ, ᑕᔓᐸᔨᐦᑖᐦ ᒋᑎᐦᒌ᙮ ᒌ ᑕᔓᐸᔨᐦᑖᐤ ᒫᒃ ᐊᓐ ᓈᐯᐤ ᐊᓂᔫ ᐅᑎᐦᒌ, ᐁᒄ ᒫᒃ ᑳ ᒦᓄᐙᒋᐦᑖᑲᓄᔨᒡ ᐊᓂᔫ ᐅᑎᐦᒌ, ᒬᐦᒡ ᐊᓂᔫ ᑯᑕᒋᔫ ᐅᑎᐦᒌ ᑳ ᐃᔑ ᒥᔻᔨᒡ ᐁᑯᓐ ᑳ ᐃᔑᓈᑯᓂᔨᒡ ᐊᓂᔫ ᐅᑎᐦᒌ ᑳ ᒫᔅᑲᓂᔨᒡ᙮

Mark 3:5 Iomraidhean Croise

Matthew 12:13

Ekw kaa itaat aniyuu naapeu utihchiyuu kaa maaskaniyich, “Tashupayihtaah chitihchii.” Chii tashupayihtaau maak an naapeu aniyuu utihchii, ekw maak kaa miinuwaachihtaakanuyich aniyuu utihchii. Mwehch aniyuu kutachiyuu utihchii kaa ishi miywaayich ekun kaa ishinaakuniyich aniyuu utihchii kaa maaskaniyich.

Mark 3:4

Ekw Jesus kaa kakwechimaat aniyuu iinuu anit kaa ihtaayich, “Taan e itashtech wiishuwewinihch chechii ihtuutamuwaauhkupane e Jewa ayimiheuchiishikaach. Taan maauch meywaashich chechii ihtuutaman chekwaan. E miyutuutaman maak e machituutaman, e pimaachihtaayin maak e wanaachihtaayin.” Anichii maak anit kaa ihtaatwaau namui mitun uhchi chishtuuch.

Luke 13:15

Utipeyihchikeu kaa nishkweushihaat aniyuu kaa niikaanishkamiyich aniyuu ayimiheukamikuyuu e itaat, “Chiya kaa ayimihehkaasuyin, aat e Jewa ayimiheuchiishikaach namui aa yaapach chinituu aapihkunaau chituuhkaan maak chimistusim chechii ituhtahiit anite che minihkwet.

Luke 17:14

Jesus maak iskutak wiyaapamaat chii iteu, “Maachiikw, nituwaapamaahkw ayimiheuchimaau, chechii chischeyimitaakw taapwe e miinuwaatisiyekw.” Mekwaach maak e ishpishipayitwaau e nituwaapamaatwaau ayimiheuchimaau, chii miinuwaatisiyuuch.

Luke 6:10

Ekw maak Jesus kaa kanawaapamaat misiwe ekw kaa itaat aniyuu naapeu kaa maaskaniyich utihchiyuu, “Tashupayihtaah chitihchii.” Chii tashupayihtaau maak an naapeu aniyuu utihchii ekw maak kaa miinuwaachihtaakanuyich, mwehch aniyuu kutachiyuu utihchii kaa ishi miywaayich ekun kaa ishinaakuniyich aniyuu utihchii kaa maaskaniyich.

John 9:7

Ekw kaa itaat aniyuu naapeu, “Maachih nituu kaasiihkwe nete kaa chii pakaashimunaanuuhch Siloam kaa ishinihkaatech.” An Siloam e iinaanuuhch “kaa itishahwaakanuut” ishi itweshtamuwaataakanuu. Ekw kaa nituu kaasiihkwe an naapeu ekaa kaa waapahtahk, chii waapahtam maak iskutak miin tekushinit.

Romans 11:25

Niichishaanitikw, chinituweyimitinaawaau chechii nisituhtamuwekw uyuu kaa ishi chischeyihtaakuhtaat Chishemanituu ekw maak namui chika uhchi iteyihtenaawaau naashch e iipwaahkaayekw. Anuhchiish mekwaach mihchetu anichii Jewa kaa itiskaanesitwaau wii suuhchitamuch. Namui wii taapweucheyimeuch Chishemanituuh. Mikw maak chika utihchipayuu taanit che taapwehtahkwaau. Eshkw maak ekaa utihchipayihch uu misiwe anichii ekaa Jewa kaa itiskaanesitwaau tahtu mikw che wiyaapamikuwaakwenich Chishemanituuh chechii pimaachihutwaau, chika pimaachihuuch.

2 Corinthians 3:14

Namui uhchi wii nisituhtahtamuch anichii iinuuch. Eshkw maak anuhchiish uyuu e chiishikaayich eshkw ekun e itiskahkwaau aniyuu aakuuhkwehuniyuu ishinaakusuuch e ayimihtuwaakanuutwaau aniyuu weskach niskumuwiniyuu. Namui chii nisituhtamuweuch Chishemanituu utayimuwiniyuu. Paatish awen e pimaachihiikut Christ ekut e iichenikanuyich aniyuu aakuuhkwehuniyuu.

Ephesians 4:18

namui kaye chii nisituhtamuch chekwaayuu. Namui chii ishi pimaatisiyuuch aniyuu e ishi nituweyimikutwaau Chishemanituuh chipaa ishi pimaatisiyuuch, wesaa e maskutehetwaau ekaa mitun wii nisituhtahkwaau.

Ephesians 4:26

Chika chii chishuwaasin mikw maak ekaawii machituutaht. Ekaawii chika uhchi ati pahchishimuu piisim eshkw e chishuwaasiyin.

Ephesians 4:30

Ekaawii misimeyihtamahiimaakw Chishemanituu Upayehchii Ahchaahkwa. Uu Ahchaahkw e ayaauhkw ekut e nuukuhch Chishemanituu e tipeyimitahkw. Cheshtinaateyihtaakun maak utihchipayihche an e chiishikaach taapwe che aapihkunitahkw Chishemanituu.

Hebrews 3:10

Ekun maak wehchii chishuwaahiitwaau anichii iinuuch ekw kaa iteuch e aayimuumakwaau, utehiiwaauh muush wanihtahiikuuch kaye namui niwii nanihiihtaakuch taan e itakwaau.

Hebrews 3:17

Chishemanituu chii chishuwaahiikuu aniyuuh iinuuh mekwaach aniyuu nemitanuu pipun kaa ishpish ihtaayich anite pakwaatiskamikaahch. Chii machaatisiyuuch uchii iinuuch ekute maak anite niyaanitam pakwaatiskamikaahch kaa nipitwaau.

Hebrews 5:9

Aniyuu maak tekash e chii nanihiihtahk Jesus chechii nanehkaachihaakanuut ekut kaa uhchi miyaakanuut kaachiche chechii pimaachihaat misiwe aniyuuh kaa nanihiihtaakut.

Revelation 6:16

Ekw kaa tepwetwaau anite ishi wachiihch ekw maak anite e ihtaayich kaa maamihchaapischisiyiich asinii, e itwetwaau, “Pechi pachishtahunaan maa. Pechi kaainaan ekaa chechii waapamiyimiht an chisheuchimaau tehtapuwinihch kaa apit kaye ekaa chechii wiyaaskunikuuyaahch an Maanishchaanish.