Mark 3:3 - Chishemanituu Utayimuwin: Kaa Uskaach Testament

³ Jesus chii iteu aniyuu naapeu kaa maaskaniyich utihchiyuu, “ashtam ute niikaanaanihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒌᓴᔅ ᒌ ᐃᑌᐤ ᐊᓂᔫ ᓈᐯᐤ ᑳ ᒫᔅᑲᓂᔨᒡ ᐅᑎᐦᒋᔫ, ᐋᔥᑕᒻ ᐅᑌ ᓃᑳᓈᓂᐦᒡ᙮

Mark 3:3 Iomraidhean Croise

Matthew 12:10

Chii ihtaau maak anit naapeu utihchii e maaskaniyich. Chii ihtaauch maak pasch anit iinuuch e chiimuut naanaakachihaatwaau aniyuu Jesus e wii naanituu miskahkwaau chekwaayuu chechii uhchi ataameyimaatwaau e machituutamiyich ekw kaa kakwechimaatwaau, “Wanituutaakanuu aa awen e miinuwaachihaakanuut e ayimiheuchiishikaayich.”

Mark 3:2

Chii ihtaayuuh kaye anit aweyuuh e wii naanituu mamishimikut Jesus ekw naashch kaa naanaakachihiikut chechii aahch miinawaachihiiweyikwen e ayimiheuchiishikaayich.

Mark 3:4

Ekw Jesus kaa kakwechimaat aniyuu iinuu anit kaa ihtaayich, “Taan e itashtech wiishuwewinihch chechii ihtuutamuwaauhkupane e Jewa ayimiheuchiishikaach. Taan maauch meywaashich chechii ihtuutaman chekwaan. E miyutuutaman maak e machituutaman, e pimaachihtaayin maak e wanaachihtaayin.” Anichii maak anit kaa ihtaatwaau namui mitun uhchi chishtuuch.

Luke 6:8

Jesus maak chii chischeyimeu taan e ishi maamituneyihtamiyich. Chii iteu maak aniyuu naapeu utihchiyuu kaa maaskaniyich, “Pisikuuh, ute tetaauch pechi niipuu.” Chii pisikuu an naapeu, kaa ituhtet anite.

John 9:4

Chipaa atushkuwaanuu an kaa pechi itishahuut mekwaach e chiishikaach wesh shaash wiipach kata tipiskaau. Taapaa aapatisinaanuu e tipiskaach.

1 Corinthians 15:58

Eukw maak uu wehchi siihchimitakuch niichishaanitikw kaa saachihiitakuch, yaaichikaapukw e pimaatisiistuwekw Utipeyihchikeu. Ekaawii nuuhtapuuniikw. Suuhk muush aapatisiishtuwaahk Utipeyihchikeu. Wesh chichischeyihtenaawaau cheshtinaash ekaa sheshkwaaht aapatisiishtawekw Utipeyihchikeu.

Galatians 6:9

Ekaawii chika uhchi saskachiinaanuu e miyutuutamuhkw. Wesh kata utihchipayuu taanite che miikuyihkw chitipahamaakusiiwinuu ekaa puuniikwe e miyutuutamuhkw.

Philippians 1:14

Kaye maak, e ihtaayaan utah chipahutuukamikuhch mihchetu chiichishaanuuch etituu suuhchikaapuuch e taapweyimaatwaau Utipeyihchikeu, etituu ati suuhchiteheuch e waawiihtahkwaau miywaachimuwiniyuu ekaa mitun kushtaachitwaau.

1 Peter 4:1

Christ maak e chii waawiisacheyihtahk wiyaasuwinihch mekwaach utah aschiihch kaa pimaatisiit kaye chiyawaau ekun chipaa ishi maamituneyihtamihiikunaawaau chechii ishi ayeskuwiishtamekw, wesh an awen kaa waawiisacheyihtamihaakanuut wiyaasuwinihch puunihtaau machaatisiiwiniyuu.