Mark 3:23 - Chishemanituu Utayimuwin: Kaa Uskaach Testament

²³ Ekw Jesus kaa wiishaamaat ekw kaa ayimihaat tipaachimuwin chiskutamaachewinh e aapachihtaat, “Taanite chechii uhchi wiiwiitishihwaat machimanituu machimanituuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᐁᒄ ᒌᓴᔅ ᑳ ᐐᔖᒫᑦ ᐁᒄ ᑳ ᐊᔨᒥᐦᐋᑦ ᑎᐹᒋᒧᐎᓐ ᒋᔅᑯᑕᒫᒉᐎᓐᐦ ᐁ ᐋᐸᒋᐦᑖᑦ, ᑖᓂᑌ ᒉᒌ ᐅᐦᒋ ᐐᐐᑎᔑᐦᐙᑦ ᒪᒋᒪᓂᑑ ᒪᒋᒪᓂᑑᐦ᙮

Mark 3:23 Iomraidhean Croise

Matthew 13:3

Chiskutamaacheu tipaachimuwiniyuu maak chii aapachihtaau Jesus e waawiihtamuwaat mihchetu chekwaayuu, ekw kaa itaat, “Peyakwaau naapeu chii nituu nihtaauchihcheu anite unihtaauchihchikan aschiihch.

Matthew 13:34

Muush tipaachimuwin chiskutamaachewinh chii aapachihtaau Jesus e aayimuutahk Chishemanituu uchisheuchimaawiniyuu anite e mihchetinaanuyich, eukw uyuuh pisikw kaa aapachihtaat e ayimihaat aweyuuh.

Matthew 4:10

Mikw maak Jesus chii nishkweushiheu e itaat, “Chiya machimanituu, maachiih iiches nete. Itashteu Chishemanituu utayimuwinihch, Mikw Utipeyihchikeu Chichishemanituumiwaau nuuchiishtuwaahkw kaye mikw wiya atushkuwaahkw.”

Mark 12:1

Jesus etituu chii ati ayimiheu aniyuuh niikaan ayimiheuchimaauh kaye masinahiichesuuh e wiihtamuwaat uyuu tipaachimuwin chiskutamaachewiniyuu. Chii iteu, “Chii ihtaau naapeu shuuminaahtikw e chii nihtaauchihaat anite nihtaauchihchikan aschiihch. Chii chipaham maak misiwe waaskaa aniyuu unihtaauchihchikan aschii. Kaye chii muunaauhkaham taanite che pichishchishkaakanuyikwaau aniyuu miinisha. Chii ushihtaau kaye chiimuushaapiiukamikuyuu anite che uhchi naanaakachihtaakanuyikwaau aniyuu unihtaauchihchikanh. Iskutak maak kaa chiishkwaa aihtit chii naanituwaapameu aweyuu chechii naanaakachihtaayich uyuu utaschii ekw kaa chistuhtet, waahiyuu e ihtakuniyich aschiiyuu kaa ituhtet.

Mark 3:24

Wesh michihpin awenichii peyakw aschiiyuu kaa uhchiitwaau machipaihkahtaatutwaawenich namui mitun kata uhchi miyupayuuch anit utaschiiwaahch.

Mark 4:11

Ekw kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa miyaakanuutwaau chechii chischeyihtahkwaau, eukuu chechii chischeyihtamuwekw Chishemanituu uchisheuchimaawin. Kutakach awenich e aayimuutamuwaakanuutwaau Chishemanituu uchisheuchimaawiniyuu tipaachimuwin chiskutamaachewinh wiihtamuwaakanuuch chechii tipipayihch uu kaa itashtech Chishemanituu utayimuwinihch,

Mark 4:2

Mistahii maak chii chiskutamuweu tipaachimuwin chiskutamaachewinh e aapachihtaat. Chii iteu maak,