Mark 3:11 - Chishemanituu Utayimuwin: Kaa Uskaach Testament

¹¹ Machiahchaahkuch maak michihpin wiyaapamaatwaau Jesus chii ihtuutaweuch aniyuuh aweyuuh kaa piihchishkuwaatwaau chechii pahchishiniyich uhchishkuu Jesus e ihtaayich ekw kaa uhchi tepwetwaau anichii machiahchaahkuch e itwetwaau, “Eukw chiya Chishemanituu Ukusisa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᒪᒋᐊᐦᒑᐦᑯᒡ ᒫᒃ ᒥᒋᐦᐱᓐ ᐎᔮᐸᒫᑣᐤ ᒌᓴᔅ ᒌ ᐃᐦᑑᑕᐌᐅᒡ ᐊᓂᔫᐦ ᐊᐌᔫᐦ ᑳ ᐲᐦᒋᔥᑯᐙᑣᐤ ᒉᒌ ᐸᐦᒋᔑᓂᔨᒡ ᐅᐦᒋᔥᑰ ᒌᓴᔅ ᐁ ᐃᐦᑖᔨᒡ ᐁᒄ ᑳ ᐅᐦᒋ ᑌᐺᑣᐤ ᐊᓂᒌ ᒪᒋᐊᐦᒑᐦᑯᒡ ᐁ ᐃᑗᑣᐤ, ᐁᐅᒄ ᒋᔭ ᒋᔐᒪᓂᑑ ᐅᑯᓯᓴ᙮

Mark 3:11 Iomraidhean Croise

Matthew 14:33

Anichii maak chischinuhamuwaakanich anite utihch kaa ihtaatwaau chii nuuchiishtuweuch Jesus e itaatwaau, “Taapwe Chishemanituu Ukusisa chiya.”

Matthew 4:3

Ekw machimanituu kaa pechi nituwaapamikut, ekw kaa itikut, “Taapwe aahch e aawane Chishemanituu Ukusisa, iishich uchii asiniich chechii aaihkunaautwaau.”

Matthew 4:6

Ekw kaa itaat, “Taapwe Chishemanituu Weukusiitutaaskwe, aamikwaashkuhtih. Wesh itashteu Chishemanituu utayimuwinihch, Chishemanituu chika itashuwaateu utenchilamh chechii miyunaanaakachihiiskwaau, enchilich chika tahkunikuch ekaa mechim che uhchi aahkuhtataayin chisit asiniihch.”

Matthew 8:29

Iskutak maak wiyaapamikut Jesus aniyuuh naapeuh tiiwehch chii uhchi aashihkweyuuh e itweyich, “Jesus, taan waa ishiihkuuyaahch, chiya Chishemanituu Ukusisa, shaash aa chiwii pechi wawiisacheyihtamihiinaan eshkw maak ekaa utihchipayihch anit che wawiisacheyihtamuwaauhchipane.” Ekun kaa itikut aniyuuh niishu naapeuh.

Matthew 8:31

Ekw anichii machiahchaahkuch naashch suuhk chii nitutamuweuch Jesus e itaatwaau, “Che wiiwiitishihuwaauhche, nete itishahunaan anechii kuuhkuushach chechii piihchishkuwachihtwaau.”

Mark 1:1

Ekut utah chehchipayihch miywaachimuwin e aayimuumaakanuut Jesus Christ Chishemanituu Ukusisa.

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.

Luke 8:28

Uu maak naapeu iskutak wiyaapamaat aniyuu Jesus, chii ayaashihkweu kaa ati pahchishihk uhchishkuu anit e ihtaayich. Ekw kaa tepwet e itwet, “Jesus, chii kaa Ukusiitutaask Chishemanituu maauch kaa ispeyihtaakusit, taan waa ishiihkuyin. Ekaawii pechi nanehkaateyimuhiih chiwii ititin.”

ᐊᐸᔅᑕᓚᒡ 16:17

Nichii papaanuushuushkaakunaan an ishkwesh e tepwet e itwet, “Chishemanituu maauch kaa chisteyihtaakusiyich atushkuweuch uchii naapeuch. Chika wiihtamaakuwaauch taanite chechii uhchi pimaachihuyekw.”

1 Corinthians 11:34

E siiweyikwe awen, chiisaach chipaa miichisuu nete e ihtaat eshkw ekaa pechi takushihk. Uu maak e ishi nishtawiyekw namui chika uhchi ihtuutenaawaau chekwaan anit chechii uhchi nishuuwanaachimitaakw Chishemanituu. Takushiniyaane nete etituu miin chika chiskutamaatinaawaau.

James 2:19

Chitaapwehten aa mikw e peyakushit Chishemanituu. Miywaashuu uu e taapwehtaman. Kaye wiyawaau machiahchaahkuch taapwehtamuch uyuu, nanamipayuuch maak e ishpish sechisitwaau.