Mark 3:10 - Chishemanituu Utayimuwin: Kaa Uskaach Testament

¹⁰ Wesh aniyuu mihchetu aweyuuh e chii miinuwaachihaat ekw mihchetu kutak aweyuuh nanaahkuu e itaaspineyich kaa pechi kakuhkunituyich e wii taahtinikut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᐌᔥ ᐊᓂᔫ ᒥᐦᒉᑐ ᐊᐌᔫᐦ ᐁ ᒌ ᒦᓄᐙᒋᐦᐋᑦ ᐁᒄ ᒥᐦᒉᑐ ᑯᑕᒃ ᐊᐌᔫᐦ ᓇᓈᐦᑰ ᐁ ᐃᑖᔅᐱᓀᔨᒡ ᑳ ᐯᒋ ᑲᑯᐦᑯᓂᑐᔨᒡ ᐁ ᐐ ᑖᐦᑎᓂᑯᑦ᙮

Mark 3:10 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 14:14

Iskutak maak kepaat Jesus, wiyaapamaat maak aniyuu mihchetu iinuu, chii chistimaacheyimeu, kaye chii miinuwaachiheu aniyuu kaa aahkusiitwaau kaa peshuwaakanuyich.

Matthew 14:36

Ekw anichii kaa aahkusitwaau kaa nitutamuwaatwaau Jesus chechii pachishtinikutwaau mikuchik chechii taahtinamuwaatwaau e wanishkwekaniyich utakuhpiyuu. Misiwe maak aweyuuh kaa taahtinamiyich utakuhp chii miinuwaatisiyuuh.

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Mark 5:34

Ekw Jesus kaa itaat uyuu iskweu, “Nitaanish, chitaapwehtamuwin chimiinuwaachihiikuun. Maachiih maak chiyaameyihtamuwin ayaah. Wesh shaash taapwe chimiinuwaatisiin.”

Mark 6:56

Misiwe maak taanite kaa ati ituhtet Jesus ihtaawinihch kaye e utenaauniyich, maak nihtaauchihchikan aschiihch, anichii iinuuch anit kaa ihtaatwaau chii ituhtaheuch utaahkusiiniimuwaau anite muush kaa chii nishtawiinaanuyich e ataawaanuyikwaauh chekwaayuuh. Ekw anichii kaa aahkusitwaau kaa nitutamuwaatwaau Jesus chechii pachishtinikutwaau mikuchik chechii taahtinamuwaatwaau e wanishkwekaniyich utakuhp. Misiwe maak aweyuuh kaa taahtinamiyich utakuhp chii miinuwaatisiyuu.

Mark 8:22

Iskutak wetihtahkwaau Bethsaida chii ihtaauch awenichii e peshuwaatwaau naapeu ekaa waapahtamiyich. Naashch chii nitaweyimeuch Jesus chechii saaminaayich aniyuuh naapeu.

Luke 5:3

Chii puusuu maak Jesus peyakw chiimaaniyuu, aniyuu Simon Peter kaa tipiyeusiyich. Kaa kakwechimaat Simon Peter chechii mushaauhamiyich apishiish. Ekw maak kaa waweyapit Jesus kaa chischinuhamaachet anit chiimaanihch uhchi.

Luke 6:19

Misiwe maak awen chii wii taahtineu Jesus, wesh miinuwaachihiiweu suuhkaatisiiwiniyuu chii uhchipayiniyuu e ihtaayich. Tahtu maak awen kaa taahtinaat chii miinuwaachihaakanuu.

Luke 7:2

Chii ihtaau maak anit peyakw nitupayuuchimaau naashch e chii saachihaat utaapachihaakan. Mekwaach maak naashch chii aahkusiyuu aniyuu utaapachihaakan chekaat e puunipimaatisiyich.

Luke 7:21

Mekwaach maak aniyeyuu Jesus chii miinuwaachiheu mihchetu aweyuuh, nanaahkuu e itaaspineyitwaauh, kaye machiahchaahkwa e chii wiiwiitishihwaat kaye e chii ihtuutawaat aniyuuh ekaa kaa waapahtamiyich chechii waapahtamiyich

ᐊᐸᔅᑕᓚᒡ 5:15

Anichii maak iinuuch wiyaapamaatwaau aniyuu Apastalh e ishi maamishkaach ihtiyich chii ituhtaheuch aniyuu kaa aahkusiyich anite meskanaahch ashpishimuwinihch maak tehtayechinikanihch e pimishiniyich, e iteyihtahkwaau aat mikw taauhukutwaawenich Peter e takaashtesiniyich chika chii miinuwaatisiyuuch.

Hebrews 12:6

Wesh Chishemanituu kuiskuneu aniyuu misiwe kaa saachihaat, kaye kuiskuneu aniyuu misiwe utawaashiim kaa ishi kanawaapamaat.