Mark 2:8 - Chishemanituu Utayimuwin: Kaa Uskaach Testament

⁸ Jesus maak tiiwehch chii muushihtaau utahchaahkuhch uyuu e ishi maamituneyihtamiyich ekw kaa itaat, “Chekwaan an wehchi ishi maamituneyihtamekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒌᓴᔅ ᒫᒃ ᑏᐌᐦᒡ ᒌ ᒨᔑᐦᑖᐤ ᐅᑕᐦᒑᐦᑯᐦᒡ ᐅᔫ ᐁ ᐃᔑ ᒫᒥᑐᓀᔨᐦᑕᒥᔨᒡ ᐁᒄ ᑳ ᐃᑖᑦ, ᒉᒀᓐ ᐊᓐ ᐌᐦᒋ ᐃᔑ ᒫᒥᑐᓀᔨᐦᑕᒣᒄ᙮

Mark 2:8 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 16:7

Chii ayimituutamuch aniyuu kaa itikutwaau Jesus e itwetwaau, “Ekaa uhchi peshiimuhkw aaihkunaau eukw wehchi itwet uyuu.”

Matthew 9:4

Jesus maak chii chischeyimeu taan e ishi ayimihiituyich ekw kaa itaat, “Taapwe nitamukw kaa ishi maamituneyihtamekw.

Mark 2:7

“Chekwaayuu uyuu wehchi ishi ayimit uu naapeu. Paashtaamuu uyuu kaa itwet. Namui wii naapeu kata chii wepeyihtamaacheu machihtwaawinh, mikw Chishemanituu kata chii wepeyihtamaacheu.”

Mark 2:9

Taan yaakw wiyehtihch chechii itaakanuut uu naapeu ekaa kaa nisitushiit, ‘Chiwepeyihtamaakuun chimachihtwaawinh,’ maak itaakanuut ‘Wanishkaa, utinh chitashpishimuwin che ati pimuhteyin.’

Mark 7:21

Wesh anite utehiihch ekute awen naashch nitamukw chechii iteyihtahk kaye nitamukw chechii ihtit, maak chechii kachemutit, chechii nipahiiwet,

Luke 24:38

Ekw kaa itikutwaau Jesus, “Chekwaan wehchi naashch mukushkaateyihtamekw kaye wehchi mista aanuwehtamekw.

Luke 5:22

Iskutak Jesus chescheyimaat e ishi ayimihiituyich chii iteu, “Chekwaan wehchi maamituneyihtamihiikuyekw an kaa itweyaan.

Luke 6:8

Jesus maak chii chischeyimeu taan e ishi maamituneyihtamiyich. Chii iteu maak aniyuu naapeu utihchiyuu kaa maaskaniyich, “Pisikuuh, ute tetaauch pechi niipuu.” Chii pisikuu an naapeu, kaa ituhtet anite.

John 21:17

Nishtwaau maak miin Jesus chii iteu, “Simon, John kaa ukusiitutaask, chisaachihiin aa.” Ekw Peter naashch kaa macheyihtahk wesh ekw nishtwaau kaa kakwechimikut Jesus e itikut, “Chisaachihiin aa.” Ekw kaa itaat, “Utipeyihchikeu, misiwe chekwaan chichischeyihten, chichischeyihten e saachihiitaan.” Jesus maak chii itikuu, “Nanaakachihiich nimaanishchaanishimach.

John 6:64

Pasch maak utah e tashiyekw namui chitaapweyihtenaawaau.” Shaash chii chischeyihtam Jesus aweyuu ekaa che uhchi taapwehtamiyich kaye chii chischeyimeu aniyuu aweyuu che wiyeshipachishtinikut.

ᐊᐸᔅᑕᓚᒡ 5:3

Ekw Peter kaa itaat, “Ananias, chekwaan wehchi pachishtinit machimanituu chechii piihchet chitehiihch, chechii ihtuutaask chechii nanatayimat Kaa payehchisiyich Ahchaahkw, chiimuut e kanuweyihtamaasuyin pasch an shuuliyaau taan kaa ishpish uchipitaman kaa ataaweyin an kaa ishi tipiyeusiyin.

ᐊᐸᔅᑕᓚᒡ 8:22

Puuniih uu taan e ishi machi maamituneyihtaman, maawii chika wepeyihtamaakw Utipeyihchikeu nitutamuute.

Hebrews 4:13

Misiwe chekwaayuu mushe waapahtam Chishemanituu. Misiwe aweyuuh tekash waapameu kaye misiwe chekwaayuu tekash waapahtam. Wiya maak chika wiihtamuwaanuu chekwaan wehchii ishi pimaatisiihkw taan kaa ishi pimaatisiihkw.

Revelation 2:23

Nika nipahaayuuh aniyuu kaa nuushuushkaakut. Ekw maak misiwe anichii umaamuuayimihaauch che chischeyimitwaau niya e aawiyaan an kaa chischeyimaat aweyuuh taan nihaau e iteyihtamiyich kaye taan nihaau e ishi teheyich. Misiwe e tashiyekw chika waweshihiitinaawaau taan mikw kaa ishi machituutamuwekwe.