Mark 2:21 - Chishemanituu Utayimuwin: Kaa Uskaach Testament

²¹ “Namui awen aapachihtaau machunishiyuu ekaa uhchi uchipayiniyich e wii miishahahk akuhpischiishiyuu. Wesh uyuu miishihiikaachete uchipayiyiche maak etituu kata piikupayuu an akuhp taanita anit kaa piikupayihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᓇᒧᐃ ᐊᐌᓐ ᐋᐸᒋᐦᑖᐤ ᒪᒍᓂᔑᔫ ᐁᑳ ᐅᐦᒋ ᐅᒋᐸᔨᓂᔨᒡ ᐁ ᐐ ᒦᔕᐦᐊᐦᒃ ᐊᑯᐦᐱᔅᒌᔑᔫ᙮ ᐌᔥ ᐅᔫ ᒦᔑᐦᐄᑳᒉᑌ ᐅᒋᐸᔨᔨᒉ ᒫᒃ ᐁᑎᑑ ᑲᑕ ᐲᑯᐸᔫ ᐊᓐ ᐊᑯᐦᑉ ᑖᓂᑕ ᐊᓂᑦ ᑳ ᐲᑯᐸᔨᐦᒡ᙮

Mark 2:21 Iomraidhean Croise

Matthew 9:16

“Muyaam awen e wii miishahahk weskach akuhpiyuu e uskaayich machunishiyuu aapachihtaate, aniyuu e uskaayich machunishiyuu aapachihtaate kata utaapaaweyuu ekw maak etituu che piikupayihch an akuhp.

Mark 2:20

Paatimaa kata utihchipayuu an e chiishikaach che pechi utinaakanuut an uschinaapewaan ekut maak yaakw an e chiishikaach ekaa che uhchi miichisutwaau.

Mark 2:22

Kaye maak namui awen piihtaapuutaau e ushkaakamiyich shuuminaapuuyuu anite e weskachuuniyikwaauh usikai puutaahch. Wesh uyuu ihtite mitun kata paahkaapayiniyuuh aniyuu usikaipuutaih, ekw maak misiwe che nanaayuuhch an shuuminaapuu kaye aniyuuh usikaipuutaih. Namui maak miin kata chii aapatanh. Namui awen uyuu ihtuu wesh e uskaakamihch shuuminaapuu anite e ushkaakwaau usikaipuutaahch piihtaapuutaakanuu.”

Luke 5:36

Ekw Jesus kaa wiihtamuwaat uyuu chiskutamaacheu tipaachimuwiniyuu e itaat, “Namui awen chipaa chii uhchi pahkwepitam e ushkaayich utakuhp chechii miishahahk weskach akuhpischiisiyuu. Wesh uyeyuu ihtuutahke, kata wanaachihtaau aniyuu kaa ushkaayich utakuhp. An maak kaa ushkach miishahiikan, namui kata uhchi nihiishkaachemakan anit weskach akuhpischiishihch.

1 Corinthians 10:13

Misiwe e ishi kakwechihiikuyihkw, ekun e ishi kakwechihaakanuut misiwe awen. Mikw maak Chishemanituu kuiskw ihtuu. Namui chika uhchi pachishtinikunuu paashich chechii ishi kakwechihiikuuhkw ekaa chii ishikaapuushtamuhkw kakwechihiiwewin. Anit aniyuu mekwaach e kakwechihiikuuhkw chika waapahtiikunuu Chishemanituu taanite chechii uhchi shaapushkamihkw an kakwechihiiwewin. Eukw uyuu e ishi wiichihiitahkw ekaa chechii shaakuuchipitikuuhkw aniyuu taan e ishi kakwechihiikuuhkw.