Mark 2:20 - Chishemanituu Utayimuwin: Kaa Uskaach Testament

²⁰ Paatimaa kata utihchipayuu an e chiishikaach che pechi utinaakanuut an uschinaapewaan ekut maak yaakw an e chiishikaach ekaa che uhchi miichisutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᐹᑎᒫ ᑲᑕ ᐅᑎᐦᒋᐸᔫ ᐊᓐ ᐁ ᒌᔑᑳᒡ ᒉ ᐯᒋ ᐅᑎᓈᑲᓅᑦ ᐊᓐ ᐅᔅᒋᓈᐯᐙᓐ ᐁᑯᑦ ᒫᒃ ᔮᒄ ᐊᓐ ᐁ ᒌᔑᑳᒡ ᐁᑳ ᒉ ᐅᐦᒋ ᒦᒋᓱᑣᐤ᙮

Mark 2:20 Iomraidhean Croise

Matthew 26:31

Ekw Jesus kaa itaat aniyuu uchischinuhamuwaakan, “Uu anuhchiish che tipiskaach misiwe e tashiyekw chika nakasinaawaau, an uhchi taan che ihtuutaakuyaan, wesh itashteyuu anite Chishemanituu utayimuwinihch, Nika niihtahwaau an maanishchaanishuiinuu, ekw anichii maanishchaanishach che ascheyaamuhchaanuuhch.”

Matthew 9:15

Jesus maak chii iteu, “Muyaam e niipuunaanuuhch, namui macheyihtamuch anichii kaa wiishaamaakanuutwaau mekwaach anit e ihtaayich aniyuu uschinaapewaan. Ekun maak e ishinaakuhch utah mekwaach e ihtaayaan anichii chischinuhamuwaakanich e ihtaatwaau mikw maak iskutak utihchipayihche che pechi utinikuyaan anit e ihtaatwaau uhchi ekw maak yaakw che ihtitwaau meshikum ekaa miichisutwaau anichii chischinuhamuwaakanich.”

Mark 2:19

Jesus chii ishi nishkweushiheu e itaat, “Mwehch anite mekwaach e niipuunaanuuhch chika chii ihtuuch aa ekaa chechii miichisutwaau anichii kaa wiishaamaakanuutwaau e makushaanuyich. Namui naanituu. Michihpin e ihtaayich anit e ihtaatwaau aniyuu uschinaapewaan namui mechim kata uhchi iteyihtamuch ekaa chechii miichisutwaau.

Mark 2:21

“Namui awen aapachihtaau machunishiyuu ekaa uhchi uchipayiniyich e wii miishahahk akuhpischiishiyuu. Wesh uyuu miishihiikaachete uchipayiyiche maak etituu kata piikupayuu an akuhp taanita anit kaa piikupayihch.

Luke 17:22

Ekw maak kaa itaat uchischinuhamuwaakan, “Eshkw anite niishtamihch kata utihchipayuu naashch che iteyihtamihiikuyekw miin kaau chechii waapamekw Iinuu Ukusisa, namui maak chika chii waapamaawaau anit an mekwaach wii waapamekwe.

Luke 5:35

Iskutak maak utihchipayiche che pechi miskamaakanuutwaau uschinaapewaan ekw maak yaakw namui chika uhchi miichisuuch.”

John 12:8

Muush chika ihtaauch kaa chistimaatisiitwaau utah e ihtaayekw, niya maak namui muush nika uhchi ihtaan utah e ihtaayekw.”

John 13:33

Nitawaashiimitikw, shaash namui chineush nika uhchi ihtaan utah e ihtaayekw. Chika pechi naanituwaapaminaawaau, mikw maak chika wiihtamaatinaawaau taan kaa ishi wiihtamuukwaau anichii Jewa iinuuh kaa niikaanishkuwaatwaau, namui chika chii ituhtenaawaau anite che ituhteyaan.

John 16:28

Taapwe maak Uhtaawiimaau e ihtaat nichii uhtuhten kaa pechi takushiniyaan utah aschiihch miin maak kaau nikaa chistuhten Nuuhtaawii e ihtaat nikaa ituhten.”

John 16:7

Mikw maak kuiskw e wiihtamaatakuch uste wesin chika wiichihiikunaawaau e chistuhteyaan, wesh ekaa chistuhteyaane namui chika uhchi pechi nituwaapamikuwaau an che wiichihiitaakw, chistuhteyaane maak eukun an che pechi itishahamaatakuch.

John 17:11

Ekw maak che nituwaapamitaan. Shaash wiipach namui nika uhchi ihtaan utah aschiihch. Wiyawaau maak eshkw utah aschiihch chika ihtaauch. Nuuhtaawii, chiya kaa payehchisiyin, maamuu kanuweyimach taan e ishi suuhchikanuweyimuumakaniyich chitishinihkaasuwiniyuu uchii kaa pechi miyin anit chechii uhchi peyakutwaau mwehch chiyaanuu e ishi peyakuyihkw.

John 17:13

Anuhchiish maak chipechi naatitin, uyuuh maak chekwaayuuh niwiihten utah aschiihch chechii saakaschineshkaakutwaau nimuuchicheyihtamuwiniyuu.

John 3:29

Muyaam uschinaapewaan wiya tipeyimeu aniyuu uschiskwewaan. Aniyuu maak uwiichewaakanh an uschinaapewaan, aniyuu kaa wiichihiiweyich ashuwaapamikuu che ishpish takushinit kaye miyeyihtamiyuu iskutak piyehtaakut. Ekun maak mwehch kaye niya e ishpish miyeyihtamaan shaash e ihtaat an kaa pechi itishahukut Chishemanituu.

ᐊᐸᔅᑕᓚᒡ 1:9

Iskutak Jesus uyuu kaa itaat aniyuu apastalh mekwaach e kanawaapamikut ishpimihch chii ishi uhpipayuu. Kaskawanishkwa kaa aakuuhukut ekw namui uhchii waapamikuu.

ᐊᐸᔅᑕᓚᒡ 14:23

Ekw maak misiwe taanite kaa ati ihtaayich umaamuuayimihaauh Paul ekw maak Barnabas chii wiyeyimeuch aweyuu chechii niikaanishkuwaayich aniyuu umaamuuayimihaauh anit kaa ihtaayich. Iskutak maak kaa chiishihtaatwaau aniyuu ekaa miichisutwaau mikw e ayimihaatwaau ekw kaa ayimiheshtamuwaatwaau chechii aapachihiikutwaau Utipeyihchikeuh, aniyuuh kaa taapweyimaatwaau.

ᐊᐸᔅᑕᓚᒡ 3:21

Ekute maak anite kihchikiishikuhch che ihtaat paatish misiwe chekwaayuu uschihtaakanuyiche aniyuu taan kaa ishi niikaan wiihtahkwaau che ispayiyich aniyehkaanaanich weskach kaa payehchisiitwaau uchischiwehiichesuuch.

1 Corinthians 7:5

Namui chipaa uhchi ihtinaawaau ekaa chechii pischeyimituyekw. Mikw kiipaa niyaakan taapishkun ishi wiyeyihtamekwe weipishchiish ekaa chechii pischeyimituyekw mikw chechii ayimihaayekw. Ekw maak iskutak utihchipayihche anit kaa itweyekw che ishpish ekaa pischeyimituyekw ekw miin chipaa chii pischeyimitunaawaau. Wesh siipiiwesiyekwe namui chika uhchi shaakuuchihiikuwaau machimanituu nitamukw chechii ihtuwekw.

2 Corinthians 11:2

Ihtakun e ishi uhteyihtamaan chiyawaau uhchi mwehch Chishemanituu e ishi uteyihtahk utiiniim uhchi. Wesh uschiskwewaan ekaa eshkw uhchi chischeyimaat naapeu chitishinaakusinaawaau, chichii pachishteyimitinaawaau maak mikw peyakw naapeu chechii ayaautaakw eukuu Christ.

2 Corinthians 11:27

Naashch taapwe nichii mista aapatisin. Mihchetwaau nichii mista ayeskusiin, mihchetwaau kaye namui mechim nuuhchi nipaan. Mihchetwaau nichii nuuhtepayin miichim ekw maak kaa ati siiweyaan, kaye maak nichii nuuhteyaapaakwen. Niyaanikutehch namui mechim uhchi ihtakun taanit che ihtaayaan kaye niyaanikutehch nichii siihkachin.

2 Corinthians 6:5

Nichii pishishtehukunaan. Nichii chipahukunaan chipahutuukamikuhch. Nichii kusiihkaakunaanich awenichii e mihchetitwaau. Nichii ayeskusiinaan e ishpish mistaapatisiyaahch. Niyaanikutehch namui nuuhchi nipaanaan. Kaye nichii siiweyinaan maanh.

Revelation 19:7

Muuchicheyihtahtaau maak kaye sichiyesitaau. Maamihchimaataau aniyuu e ishpish chisteyihtaakusit. Wesh shaash utihchipayuu che niipuut an Maanishchaanish. Shaash chiishi ayeskuwiihkaatisuu an uschiskwewaan.

Revelation 21:9

Ekw peyakw anichii niishwaashch kaa tashitwaau enchilch kaa tahkunahk peyakw aniyuuh kaa muutaayaayikwaauh wiiyaakanh anit kaa saakaschineyich taan che ishi nanehkaateyimuhaakanuyikupanenh aweyuuh kaa pechi naasit. Ekw kaa iishit, “Aashtam maah. Chika waapahtiitan an ushchiskwaawaan, aniyuuh che wiichimaat an Maanishchaanish.”