Mark 2:13 - Chishemanituu Utayimuwin: Kaa Uskaach Testament

¹³ Jesus maak kaau chii naashipeu aniyuu Galilee saakahiikaniyuu. Chii mihchetiyuu aweyuu e pechi nituwaapamikut ekw kaa chiskutamuwaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᒌᓴᔅ ᒫᒃ ᑳᐤ ᒌ ᓈᔑᐯᐤ ᐊᓂᔫ ᑲᓕᓖ ᓵᑲᐦᐄᑲᓂᔫ᙮ ᒌ ᒥᐦᒉᑎᔫ ᐊᐌᔫ ᐁ ᐯᒋ ᓂᑐᐙᐸᒥᑯᑦ ᐁᒄ ᑳ ᒋᔅᑯᑕᒧᐙᑦ᙮

Mark 2:13 Iomraidhean Croise

Matthew 13:1

Aniyuu maak e peyakuniyich e chiishikaayich Jesus chii nakatam aniyuu waaskaahiikaniyuu anit kaa ihtaat, ekw anite naasipetimihch kaa ituhtet ekw kaa waweyapit anit yaayeu.

Matthew 9:9

Ekw Jesus kaa chistuhtet anit uhchi, mekwaach maak e ati pimuhtet, chii waapameu naapeu e apiyich masinahiicheukamikuhch Matthew e ishinihkaasuyich, Chisheuchimaau shuuliyaayuu kaa maamuushtinamiyich e chii itaapatisiyich. Ekw Jesus kaa itaat, “Pechi papaawiicheu.” Ekw Matthew kaa pisikuut, kaa ati wiichewaat Jesus.

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

Mark 10:1

Jesus maak chii chistuhteu anit aniyuu kaa ihtaat, ekw anite Judea aschiihch kaa ati ituhtet kwestehchekaam Jordan siipiihch. Ekun kaa ihtuutaakut kaye anite aweyuu, chii mihchetiyuu e pechi nituwaapamikut. Ekw kaa ihtuutawaat taan kaa chii ihtuutawaat maan aweyuu e nituwaapamikut, chii chiskutamuweu.

Mark 2:2

Nuwach maak mihchetu aweyuu chii pechi takushiniyuu, chek namui uhchi tepiskaatuyuuh aniyuu waaskaahiikaniyuu, mechim anite wiiwiitamihch ishkwaahtemihch chechii tawaayich. Chii kacheschimeu maak Jesus aniyuuh kaa takushiniitwaau, Chishemanituuh utayimuwiniyuu e aayimuutamuwaat.

Mark 4:1

Peyakwaau miin e chiskutamaachet Jesus yaayeu Galilee saakahiikanihch, chek chii ati mihchetiyuu aweyuu e pechi nituhtaakut. Ekw kaa puusit utiyuu, kaa akumut anit saakahiikanihch. Ekw aniyuu mihchetu aweyuu kaa pechi takushiniyich e wii nituhtaakut anite yaayeu chii ihtaayuuh.

Luke 19:48

Mikw maak namui uhchii chischeyihtamuch taan che ihtitwaau chechii nipahaatwaau wesh misiwe aniyuu iinuu naashch yaakwaau chii nituhtaweyuu misiwe e chii wii pehtamiyich taan e itweyich.

Luke 21:38

Wiipach maak chiyechishepaayaayich, misiwe iinuuch chii ituhteuch anite chisheayimiheukamikuhch chechii nituu nituhtawaatwaau Jesus.