Mark 2:12 - Chishemanituu Utayimuwin: Kaa Uskaach Testament

¹² Tiiwehch maak chii uhchi pishikuu an naapeu mekwesiin anit e mihchetinaanuyich, kaa ati utinahk aniyeyuu utashpishimuwin ekw kaa maachiit. Misiwe maak anichii anit kaa ihtaatwaau chii miskaateyihtamihiikuuch uyuu kaa ispayiyich kaye chii maamihchimeuch Chishemanituu e itwetwaau, namui wiiskaat nuuhchi waapahtenaan uu e ispayihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᑏᐌᐦᒡ ᒫᒃ ᒌ ᐅᐦᒋ ᐱᔑᑰ ᐊᓐ ᓈᐯᐤ ᒣᑴᓰᓐ ᐊᓂᑦ ᐁ ᒥᐦᒉᑎᓈᓄᔨᒡ, ᑳ ᐊᑎ ᐅᑎᓇᐦᒃ ᐊᓂᔦᔫ ᐅᑕᔥᐱᔑᒧᐎᓐ ᐁᒄ ᑳ ᒫᒌᑦ᙮ ᒥᓯᐌ ᒫᒃ ᐊᓂᒌ ᐊᓂᑦ ᑳ ᐃᐦᑖᑣᐤ ᒌ ᒥᔅᑳᑌᔨᐦᑕᒥᐦᐄᑰᒡ ᐅᔫ ᑳ ᐃᔅᐸᔨᔨᒡ ᑲᔦ ᒌ ᒫᒥᐦᒋᒣᐅᒡ ᒋᔐᒪᓂᑑ ᐁ ᐃᑗᑣᐤ, ᓇᒧᐃ ᐐᔅᑳᑦ ᓅᐦᒋ ᐙᐸᐦᑌᓈᓐ ᐆ ᐁ ᐃᔅᐸᔨᐦᒡ᙮

Mark 2:12 Iomraidhean Croise

Matthew 12:23

Anichii maak iinuuch misiwe chii miskaateyihtamuch taan kaa ishi waapamaatwaau Jesus e ihtuutamiyich. Chii iteuch maak, “Maaskuuch taapwe Jesus eukw aniyuu Chishemanituu kaa pechi itishahwaat anite aniyaa chisheuchimaau David e ihtaayich kaa uhchiskaanesit.”

Matthew 15:31

Chii miskaateyihtamuch maak anichii iinuuch e waapamaatwaau aniyuu ekaa kaa nihtaaweyich e ayimiyich kaye aniyuu kaa maaschisiyich e miyunaakusiyich, kaye aniyuu ekaa kaa nihtaauhteyich e pimuhteyich, kaye aniyuu ekaa kaa waapahtamiyich e waapahtamiyich. Ekw maak kaa maamihchimaatwaau Chishemanituu aniyuu Jewa iinuuh kaa maamihchimaayich.

Matthew 9:33

Iskutak maak Jesus kaa wiiwiitishihwaat aniyuuh machiahchaahkwa, ekw kaa kaschihut an naapeu e ayimit. Misiwe maak awenichii chii miskaateyihtamuch uyuu kaa ispayich. Chii iteuch maak, “Namui wiiskaat nuuhchi waapahtenaan maamishkaach chekwaan e ispayihch utah Israelihch.”

Matthew 9:8

Iskutak maak anichii awenich anit kaa ihtaatwaau wiyaapahtahkwaau taan kaa ispayiyich chii sechisuuch ekw kaa maamihchimaatwaau Chishemanituu e miyaayich aweyuuh suuhkaatisiiwiniyuu.

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Mark 2:11

“Chititin, pisikuuh, utinh chitashpishimuwin, che chiiweyin.”

Luke 13:13

Kaa saaminaat. Tiiwehch maak chii uhchi kuiskukaapuu an iskweu e maamihchimaat Chishemanituu.

Luke 17:15

Iskutak maak an peyakw naapeu chescheyihtahk e chii miinuwaachihaakanuut, chii chiiweu kaa nituwaapamaat Jesus, e chishewet e maamihchimaat Chishemanituu.

Luke 5:26

Misiwe maak anichii kaa waapahtahkwaau taan kaa ispayiyich chii miskaateyihtamihiikuuch kaye chii sechisuuch. Chii chishtaachimeuch Chishemanituu e itwetwaau, “Taapwe maamishkaach chit ishi waapahtenaanuu chekwaan anuhchiish e ispayihch.”

Luke 7:16

Misiwe maak anit kaa tashitwaau awenichii chii sechisuuch ekw kaa chishtaachimaatwaau Chishemanituu e itwetwaau, “Chichii utihtikunuu e chisteyihtaakusit uchischiwehiichesuu. Kaye maak chii itweuch, Chishemanituu pechi wiichiheu utiiniim.”

John 7:31

Mihchetu maak aweyuu chii taapweyimikuu e itweyich, “Mistahii chii ishi maamishkaach ihtuu uu naapeu. Pechi itishahwaate maak Chishemanituu aniyuuh Christ, uste aa kata ishi maamishkaach ihtuutamiyuuh taan e ishi ihtuutamiyich uyuu naapeu.”

John 9:32

Kaa ishpish ihtakuhch uu aschii, namui nihtaa uhchi pehtaakun awen chechii ihtuutuwaat aweyuu ekaa waapahtamiyich chechii waapahtamiyich.

ᐊᐸᔅᑕᓚᒡ 4:21

Ekw maak anichii anit kaa nishtuwiitwaau, kaa itaatwaau che waweshihaatwaau ekaa che puuniikwen e aayimuumaayich Jesus ekw maak kaa pachishtinaatwaau. Namui uhchii miskamuch chekwaayuu chechii uhchi waweshihaatwaau wesh misiwe anichii iinuuch chii maamihchimeuch Chishemanituu aniyuu uhchi taan kaa ispayiyich. Namui uhchii waweshiheuch wesh chii kushteuch aniyuu iinuuh anit kaa ihtaayitwaauh.