Mark 2:1 - Chishemanituu Utayimuwin: Kaa Uskaach Testament

¹ Namui mihchetu chiishikaau uhchi miyaaupayuuh ekw Jesus miin kaa piihchet aniyuu ihtaawiniyuu Capernaum kaa ishinihkaateyich. Iskutak maak memuushihaakanuut miin e chii pechi chiiwet ekw kaa mishihteyaachimunaanuyich miin e ihtaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᓇᒧᐃ ᒥᐦᒉᑐ ᒌᔑᑳᐤ ᐅᐦᒋ ᒥᔮᐅᐸᔫᐦ ᐁᒄ ᒌᓴᔅ ᒦᓐ ᑳ ᐲᐦᒉᑦ ᐊᓂᔫ ᐃᐦᑖᐎᓂᔫ ᑲᐯᕐᓇᐅᒻ ᑳ ᐃᔑᓂᐦᑳᑌᔨᒡ᙮ ᐃᔅᑯᑕᒃ ᒫᒃ ᒣᒨᔑᐦᐋᑲᓅᑦ ᒦᓐ ᐁ ᒌ ᐯᒋ ᒌᐌᑦ ᐁᒄ ᑳ ᒥᔑᐦᑌᔮᒋᒧᓈᓄᔨᒡ ᒦᓐ ᐁ ᐃᐦᑖᑦ᙮

Mark 2:1 Iomraidhean Croise

Matthew 4:13

Ekw anite Nazareth kaa uhchi chistuhtet. Ekw anite Capernaum kaa ishinihkaateyich ihtaawiniyuu, anite Galilee saakahiikanihch kaa ihtakuniyich ekute kaa nituu wiichit, anite Zebulun ekw maak Naphtali kaa ishinihkaateyikwaauh aschiih.

Matthew 9:1

Ekw Jesus kaa puusit chiimaaniyuu kaa aashuuhahkwaau aniyuu saakahiikaniyuu, kaa isichimetwaau anite aniyuu ihtaawiniyuu kaa uhchiit.

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

Mark 2:2

Nuwach maak mihchetu aweyuu chii pechi takushiniyuu, chek namui uhchi tepiskaatuyuuh aniyuu waaskaahiikaniyuu, mechim anite wiiwiitamihch ishkwaahtemihch chechii tawaayich. Chii kacheschimeu maak Jesus aniyuuh kaa takushiniitwaau, Chishemanituuh utayimuwiniyuu e aayimuutamuwaat.

Mark 3:20

Ekw kaa chiiwet Jesus taanite aniyuu mekwaach kaa ihtaat. Ekw miin kaa mihchetiyich aweyuu e pechi maausikuyich. Chek namui mechim uhchi ishpishiyuuch Jesus ekw maak uchischinuhamuwaakanh chechii miichisutwaau.

Mark 7:17

Iskutak maak nekataat aniyuu kaa pechi maausikukaapuushtaakut chii piihcheu anit waaskaahiikanihch. Ekw aniyuuh uchischinuhamuwaakanh kaa kakwechimikut chechii wiihtamuwaat taan e ishi wiihtamaachemakaniyich aniyuu kaa itwet.

Mark 7:24

Jesus maak chii chistuhteu. Anite aniyuu aschiiyuu peshuch Sidon nesht Tyre kaa ihtakuniyich ekute kaa ituhtet. Tekushinit maak chii piihcheu waaskaahiikaniyuu ekw kaa itashuwet ekaa chechii wiihtamuwaakanuyich aweyuu anit e ihtaat. Mikw maak namui chineush uhchii ishinaakuniyuu uyuu kaa ishi nitaweyihtahk.

Mark 9:28

Kaa ati chistuhtet Jesus ekw kaa piihchet waaskaahiikaniyuu. Uchischinuhamuwaakanh maak chii kakwechimikuu mikw wiyawaau e ihtaatwaau, “Chekwaan wehchi ekaa uhchii ihtuutawachihtwaau niyaan machiahchaahkuch chechii wiiwiitwaau anit aniyuu aweyuuh kaa piihchishkuwaatwaau.”

Luke 4:23

Ekw Jesus kaa itaat, “Cheshtinaash chika pechi iishinaawaau an kaa chii iinaanuuhch, ‘Nituhkuiin, miinuwaachihiisuu,’ kaye maak chika pechi iishinaawaau, ‘Taan kaa ishi pehtamaahch e maamishkaach ihtiyin anite Capernaum kaa ishinihkaatech ihtaawin ihtuutah kaye utah uu ihtaawin kaa uhchiyin.’

Luke 5:18

Mekwaach maak e chischinuhamaachet Jesus chii uhchi peshuweuch naapeuch wiitaapewaau ekaa nisitusiyich ashpishimuwinihch e pimishiniyich. Chii wii piihtakaheuch anit waaskaahiikanihch e chii wii pimishimaatwaau uhchishkuu Jesus e ihtaayich.

John 4:47

Iskutak piyehtahk an uchimaau e chii takushiniyich Jesus anite Galilee aschiihch, anite Judea aschiihch e uhtuhteyich, chii nituwaapameu ekw kaa aayihkamihaat chechii ituhteyich anite Capernaumihch, chechii nituu miinuwaachihaayich aniyuu ukusisa, wesh shaash chekaat namui uhchi pimaatisiyuu.

ᐊᐸᔅᑕᓚᒡ 2:6

Iskutak maak piyehtahkwaau uyuu e itihtaakuniyich mihchetu awenichii chii ispahiituuch anite. Chii kushkupayuuch maak wesh chii pehtaweuch aniyuu kaa taapwehtamiitwaauh misiwe aniyuu wiyawaau taan e ishi ayimitwaau e ishi ayimiyich.