Mark 16:16 - Chishemanituu Utayimuwin: Kaa Uskaach Testament

¹⁶ An awen che taapwehtamukwe neshta siikahaahtuwaakanuute kata pimaachihaakanuu, ekw an awen ekaa che taapwehtamukwe kata nishuuwanaachimaakanuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐊᓐ ᐊᐌᓐ ᒉ ᑖᐺᐦᑕᒧᑴ ᓀᔥᑕ ᓰᑲᐦᐋᐦᑐᐙᑲᓅᑌ ᑲᑕ ᐱᒫᒋᐦᐋᑲᓅ, ᐁᒄ ᐊᓐ ᐊᐌᓐ ᐁᑳ ᒉ ᑖᐺᐦᑕᒧᑴ ᑲᑕ ᓂᔔᓈᒋᒫᑲᓅ᙮

Mark 16:16 Iomraidhean Croise

Matthew 28:19

Uu maak uhchi maachiikw nituwaapamaahkuch misiwe e itiskaanesitwaau awenichii che ihtuutawekuch chechii uchischinuhamuwaakaniyaan, che siikahaahtuwekuch utishinihkaasuwiniyuu Uhtaawiimaau nesht Ukusiisimaau nesht Kaa payehchisiyich Ahchaahkwa.

Mark 1:15

Chii papaa iteu, “Ekw wetihchipayihch an e chiishikaach e peshunaakuniyich Chishemanituu uchisheuchimaawin. Kweskaatisiikw, nakatamukw chimachihtwaawinawaauh, taapwehtamukw miywaachimuwin.”

Luke 8:12

An shuumin anite yaaiskanuu kaa pahchishihk mwehch eukw e ishinaakusitwaau anichii kaa pehtahkwaau Chishemanituu utayimuwiniyuu. Machimanituu tekushiniyich meskamakutwaau aniyuu Chishemanituu utayimuwiniyuu taan aniyuuh kaa ishi pehtahkwaau e iteyimikutwaau ekaa chechii taapwehtahkwaau kaye ekaa chechii pimaachihutwaau.

John 20:31

Eukw uyuuh kaa masinahiikanuukwaau chechii taapwehtamekw eukw uyuuh Jesus Chishemanituu Ukusisa ekw maak taapweyimekwen che ayaayekw pimaatisiiwin.

John 3:36

An maak awen kaa taapweyimaat Ukusisimaau ayaau kaachiche pimaatisiiwiniyuu, ekw an awen ekaa kaa nanihiihtuwaat Ukusisimaau namui chika uhchi ayaau kaachiche pimaatisiiwiniyuu. Chishemanituu utaahkuyuwesuwiniyuu chika maahtakushkaakuu.

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

John 5:24

“Kuiskw chiwiihtamaatinaawaau, an awen che pechi nituhtamukwe taan e iteuch kaye taapwehtawaate aniyuu kaa pechi itishahuyich kaachiche kata pimaatisiyuu. Namui kata uhchi wiyaaskunaakanuu wesh nipuwinihch chii uhchi utinaakanuu ekw pimaatisiiwinihch kaa ishi pachishtinaakanuut.

John 6:29

Jesus kaa nishkweushihaat e itaat, “Eukw uyuu e ishi nituweyihtahk Chishemanituu chechii ishi atushkuwaakanuut, chechii taapweyimekw aniyuu kaa pechi itishahwaat.”

John 6:35

Jesus maak chii iteu, “Niya eukw an aaihkunaau anit chechii uhchi pimaatisiit awen. Awen maak che pechi naasikwe kaye che pechi taapweyimikwe, namui wiiskach miin chika uhchi siiweyuu kaye namui wiiskaat miin chika uhchi nuuhteyaapaakweu.

John 6:40

Wesh eukw uyuu Nuuhtaawii utiteyihtamuwin, misiwe aweyuu kaa waapamaayich kaye kaa taapweyimaayich Ukusisimaau kaachiche pimaatisiiwiniyuu chechii ayaayich. Niya maak che wanishkaanak maahchishtai chiishikaache.”

John 8:24

Chichii wiihtamaatinaawaau che nipiyekw e chichishkamekw chimachaatisiiwinawaauh. Ekun maak taapwe che ishi nipiyekw e chichishkamekw chimachaatisiiwinawaauh, ekaa taapwehtamekwe eukun an niya taapwe e aawiyaan.”

ᐊᐸᔅᑕᓚᒡ 10:43

Chii tipaachimikuu misiwe aniyehkaanaan uchischiwehiichesuuh kaa itweyich, ‘misiwe awen kaa taapwehtahk chika wepeyihtamuwaakanuu umachihtwaawinh e ishpish suuhcheyihtaakuniyich utishinihkaasuwin.’ ”

ᐊᐸᔅᑕᓚᒡ 13:39

Misiwe awen kaa taapweyimaat Jesus taapwe chii wepeyihtamuwaakanuu misiwe umachihtwaawinh, namui wii Moses utayimihewin wiishuwewiniyuuh chika chii kuiskunaakuhiikuu awen.

ᐊᐸᔅᑕᓚᒡ 13:46

Mikw maak Paul ekw maak Barnabas aahch chii suuhcheyimuuch e itwetwaau, “Chishemanituu nichii nituweyimikunaan chiyawaau Jewa iinuuch niishtam chechii wiihtamaataahch utayimuwin. Mikw maak e aanuwehtamekw ekut wehchi nuukuhch ekaa tepicheyihtaakusiyekw chechii ayaayekw kaachiche pimaatisiiwin. Ekw maak che nakatitaahch, che nituu wiihtamuwachihtwaau Chishemanituu utayimuwiniyuu anichii ekaa Jewa kaa itiskaanesitwaau.

ᐊᐸᔅᑕᓚᒡ 2:38

Ekw Peter kaa itaat, “Kweskaatisiikw misiwe paahpeyakw e tashiyekw. Nakatamukw chimachihtwaawinawaauh ekw maak che siikahaahtaakuyekw Jesus Christ utishinihkaasuwinihch ati chechii uhchi wepeyihtamaakuyekw chimachihtwaawinawaauh. Chika miikuwaau maak Chishemanituu umiiwewin, eukw uyuu Kaa payehchisiyich Ahchaahkwa.

ᐊᐸᔅᑕᓚᒡ 2:41

Mihchetu maak chii pishichiheuch aniyuu kaa itikutwaau. Ekw kaa siikahaahtuwaakanuutwaau. An maak kaa chiishikaach wiyesh nishtwaau chishemitaahtumitanuu ayuwaak chii tashuuch iinuuch e taapweyimaatwaau Jesus anit aniyuu e peyakuminehiitutwaau.

ᐊᐸᔅᑕᓚᒡ 22:16

Maachiih maak, ekaawii nanakaawiih. Pisikuuh, che siikahaahtaakuyin, ekw maak che wepeyihtamaakuyin chimachihtwaawin e tepwaatat Utipeyihchikeu chechii wepeyihtamaask.’ ”

Romans 3:6

Namui maak mechim uu chipaa uhchi ishi ayiminaanuu. Ekaa waweshihaate Chishemanituu aweyuu e machituutamiyich katachii aa wiyaaskunam uyuu aschiiyuu.

Romans 4:24

Chitasitahukunaanuu kaye chiyaanuu uu kaa itashtech, chiyaanuu kaa taapweyimuhkw Chishemanituu an kaa wanishkaanaat Jesus Chitipeyihchikeminuu nipuwinihch uhchi. Kaye chiyaanuu kuiskutaatisiwinihch chika ishi kanawaapamikunuu Chishemanituu.

2 Thessalonians 1:8

Ishkuteyuu e chisihkuyepayiyich chika aapachihtaau waweshihaate aniyuu ekaa kaa chischeyimaayich Chishemanituu kaye aniyuuh ekaa kaa nanihiihtamiyich miywaachimuwiniyuu anit yaayimuumaakanuyich Utipeyihchikeu Jesus.

2 Thessalonians 2:12

Ekw maak misiwe awenichii ekaa uhchi taapwehtahkwaau taapwewiniyuu, uste kaa miyeyihtahkwaau e machaatisiitwaau eukunich uchii che nishuuwanaachimaakanuutwaau.

1 Peter 1:21

Ekw maak tiyaapweyimekw Chishemanituu aniyeyuu uhchi taan kaa ishi ihtuutamaataakw Christ, wesh Chishemanituu chii wanishkaaneu Christ nipuwinihch uhchi kaye chii chisteyihtaakuheu. Ekun maak wehchi taapweyimekw Chishemanituu kaye ekun wehchi aspeyimututuwekw.

1 Peter 3:21

An maak nipii, mwehch siikahaahtaachewin chii ishinaakun, siikahaahtaachewiniyuu maak eukw pemaachihiikut awen kaa taapwehtahk. Mikw maak e siikahaahtuwaakanuut awen namui wiiyuu chishtaapautaakanuuyuu. Nuukuhtaau Chishemanituuh e itaat taapwe Christ che nuushuushkuwaat. Pimaachihiikuu e siikahaahtuwaakanuut aniyuu uhchi Jesus Christ e chii wanishkaanaakanuyich nipuwinihch uhchi.

Revelation 20:15

An maak awen ekaa kaa masinaateyich utishinihkaasuwin anite masinahiikanihch anit mesinaasuyich aniyuuh aweyuuh che ayaayich kaachiche pimaatisiiwiniyuu machishkuteusaakahiikanihch chii ishuwepinaakanuu.

Revelation 21:8

Ekw anichii awenichii ekaa kaa suuhchistehetwaau chechii wiihtahkwaau e taapweyimaatwaau Jesus, anichii kaa chiiwekaapuushtahkwaau taan kaa ishi taapweyimaatwaau Jesus, anichii naashch kaa machaatisiitwaau, anichii kaa nipahaatwaau aweyuu, anichii nanaahkuu kaa ishi wiinisuu pimaatisiitwaau, anichii kaa miteuwaatisiitwaau, anichii kaa nuuchiishtuwaatwaau manituuhkaan ekw maak anichii kaa wiich nanatayitwaau machi ishkuteu saakahiikanihch chika ishuwepinaakanuuch. Eukw uu niishu nipuwin.”