Mark 16:14 - Chishemanituu Utayimuwin: Kaa Uskaach Testament

¹⁴ Paatimaa maak, Jesus chii nuukushiishtaweu aniyuu peyakushaap mekwaach e maamuumiichisuyich miichisuunaahtikuhch. Chii aanuweyimeu maak aniyuu e aanuwehtamiyich kaye e miskauteheyich, ekaa uhchi wii taapwehtawaayich aniyuu chischinuhamuwaakanh aniyuuh kaa waapamikuyich paatimaa kaa wanishkaanaakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐹᑎᒫ ᒫᒃ, ᒌᓴᔅ ᒌ ᓅᑯᔒᔥᑕᐌᐤ ᐊᓂᔫ ᐯᔭᑯᔖᑉ ᒣᒀᒡ ᐁ ᒫᒨᒦᒋᓱᔨᒡ ᒦᒋᓲᓈᐦᑎᑯᐦᒡ᙮ ᒌ ᐋᓄᐌᔨᒣᐤ ᒫᒃ ᐊᓂᔫ ᐁ ᐋᓄᐌᐦᑕᒥᔨᒡ ᑲᔦ ᐁ ᒥᔅᑲᐅᑌᐦᐁᔨᒡ, ᐁᑳ ᐅᐦᒋ ᐐ ᑖᐺᐦᑕᐙᔨᒡ ᐊᓂᔫ ᒋᔅᒋᓄᐦᐊᒧᐙᑲᓐᐦ ᐊᓂᔫᐦ ᑳ ᐙᐸᒥᑯᔨᒡ ᐹᑎᒫ ᑳ ᐗᓂᔥᑳᓈᑲᓅᑦ᙮

Mark 16:14 Iomraidhean Croise

Matthew 11:20

Anite maak aniyuu ihtaawinh Jesus maauch kaa ihtuutahk maamishkaach ihtuwinh anichii maak iinuuch kaa ihtaatwaau anit aniyuu ihtaawiniyuu yaapach namui uhchi kweskaatisiyuuch. Namui maak uhchi manaachimeu e itaat,

Matthew 17:20

Ekw Jesus kaa itaat, “Kiipaa an ekaa ishpishaach chitaapwehtamuwinawaau. Taapwe chititinaawaau aat mikw apishaashiche chitaapwehtamuwin muyaam e ishpish apishiishit shuumin mastart kaa ishinihkaasut ishpishaache, wachii chika chii itashuwaaten, ‘Nete ishi aahchikaapuu.’ Chika pishichihiikuun maak. Mikw chekwaan waa ihtuutaman chika chii ihtuuten ayaayine taapwehtamuwin.

Matthew 28:17

Iskutak maak wiyaapamaatwaau, chii nuuchiishtuweuch aat pasch anit e tashitwaau e chii aanuwehtahkwaau.

Mark 7:18

Jesus maak chii itweu, “Namui aa chinisituhtenaawaau kaye chiyawaau. Namui aa chichischeyihtenaawaau taapaa namayeyuu miichimiyuu kaa ihtuutaakut awen wehchi machituutahk,

Luke 24:11

Ekw mikw anichii apastalach namui uhchi taapwehtaweuch aniyuuh iskweuh, nanatayaachimuuch, e chii iteyimaatwaau.

Luke 24:25

Ekw anichii chischinuhamuwaakanich kaa itikutwaau Jesus, “Chiyawaau naapeutikw, taapwe ekaa kaa iteyihtamekw, taanite wehchi ekaa uhchii taapwehtawekuch taan kaa ishi niikaan wiihtahkwaau aniyehkaa uchischiwehiichesuuch.

John 20:25

Aniyuu maak e wiihtamaakut aniyuuh kutak chischinuhamuwaakanh e chii waapamaayich Jesus, namui uhchi taapwehtaweu. Chii iteu, “Namui nika uhchi taapwehten paatish chii taahtinamuche utihchiih anit kaa chiistaaskuhwaakanuut kaye paatish chii taahtinake anit uspakaahch.”

John 20:26

Yaanaaneu chiishikaau maak ishpish ekw miin kaa nishtuwiitwaau anichii chischinuhamuwaakanich. Thomas maak kaye wiya ekut kaa ihtaat. Chii aataapishkahwaakanuuch chishtuhkanihch yaapach maak Jesus chii pechi piihcheu kaa pechi uhchishkuukaapuushtawaat.

John 20:27

Kaa itaat aniyuu Thomas, “Taahtinh nitihchii kaye ute uhpimeyuu pechi taahtinh, ekun ekw ishpish aanuwehta, taapwehta ekw.”

John 21:1

Paatimaa maak ekw miin Jesus kaa nuukushiishtawaat uchischinuhamuwaakanh anite aniyuu saakahiikaniyuu Tiberias kaa ishinihkaateyich. Maaute maak kaa ishi nuukushiishtawaat.

John 21:14

Eukw maak uyuu nishtwaau kaa nuukushiishtawaat Jesus aniyuuh uchischinuhamuwaakanh kaa ishpish wanishkaat nipuwinhch uhchi.

ᐊᐸᔅᑕᓚᒡ 1:3

Iskutak kaa chiishi nanehkaateyimut Jesus aashiteyaahtikuhch kaa nipit mihchetwaau chii nuukushiishtaweu aniyuu Apastalh nemitanuu chiishikaauh ishpish, e wii cheshtinaateyihtamihaat taapwe miin kaau e pimaatisiit, kaye chii aayimuutamuweu Chishemanituu uchisheuchimaawiniyuu.

1 Corinthians 15:5

Aayimuuteu kaye e chii nuukushiishtawaat Peter. Chek miin aniyuuh kaa niishushaapuyich kaa nuukushiishtawaat aniyuuh wiya wechiihch kaa wiyaapamaat chechii nuushuushkaakut.

Revelation 3:19

Wesh niwiihtamuwaauch wenipayitwaauh anichii kaa saachihiikwaau kaye nikuiskunaauch. Suuhk maak chihchiwe iteyihtamukw e taapweyimiyekw, kweskaatisiikw, nakatamukw chimachihtwaawinawaauh.