Mark 16:10 - Chishemanituu Utayimuwin: Kaa Uskaach Testament

¹⁰ Mary Magdalene maak chii nituu wiihtamuweu aniyuu aweyuu kaa chii waawiichewaayich Jesus. Chii maamaateumuyuu kaye chii kushikuteheyuu kaa utihtaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᒣᕇ ᒪᒃᑕᓕᓐ ᒫᒃ ᒌ ᓂᑑ ᐐᐦᑕᒧᐌᐤ ᐊᓂᔫ ᐊᐌᔫ ᑳ ᒌ ᐙᐐᒉᐙᔨᒡ ᒌᓴᔅ᙮ ᒌ ᒫᒫᑌᐅᒧᔫ ᑲᔦ ᒌ ᑯᔑᑯᑌᐦᐁᔫ ᑳ ᐅᑎᐦᑖᑦ᙮

Mark 16:10 Iomraidhean Croise

Matthew 19:22

Iskutak maak piyehtahk an naapeu uyeyuu naashch taapwe chii macheyihtam wesh naashch chii miisitisiyuu.

Matthew 24:30

Ekw maak che nuukuniyich anite chiishikuhch shaash e pechi takushihk Iinuu Ukusisa. Misiwe e itiskaanesitwaau awenichii utah aschiihch kaa ihtaatwaau kata maatuch. Kata waapameuch maak Iinuu Ukusisa e pechi asiyich kaskawanishkuhch, tekash e nuukuniyich usuuhkaatisiiwin kaye uchisteyihtaakusuwin.

Matthew 9:15

Jesus maak chii iteu, “Muyaam e niipuunaanuuhch, namui macheyihtamuch anichii kaa wiishaamaakanuutwaau mekwaach anit e ihtaayich aniyuu uschinaapewaan. Ekun maak e ishinaakuhch utah mekwaach e ihtaayaan anichii chischinuhamuwaakanich e ihtaatwaau mikw maak iskutak utihchipayihche che pechi utinikuyaan anit e ihtaatwaau uhchi ekw maak yaakw che ihtitwaau meshikum ekaa miichisutwaau anichii chischinuhamuwaakanich.”

Mark 14:72

Sischikuuch maak miin chii uhchi chistuu naapepakahaahkwaan ekw Peter kaa uhchi chischisit kaa itikut Jesus, “Eshkw ekaa mechim niishwaau chistute naape pakahaahkwaan nishtwaau chika itwen ekaa chischeyimiyin.” Ekut anit kaa uhchi mista maatut Peter e chischisit uyuu.

Luke 24:17

Ekw kaa kakwechimikutwaau, “Chekwaan uu kaa ayimitutamekw mekwaach e pimuhteyekw.” Chii chipihchikaapuuch maak naashch e macheyihtamuunaakusitwaau.

John 16:6

Anuhchiish maak e chii wiihtamaatakuch ekw naashch e misimeyihtamekw.

John 20:18

Mary Magdalene kaa chistuhtet e naanituwaapamaat aniyuu chischinuhamuwaakan ekw kaa wiihtamuwaat e itaat, Utipeyihchikeu nichii waapamaau. Chii wiihtamuweu kaye aniyuu taan kaa itikut che itaat.