Mark 16:1 - Chishemanituu Utayimuwin: Kaa Uskaach Testament

¹ Iskutak meyaaupayiniyich Jewa iinuuch utayimiheuchiishikaamuwaau anichii iskweuch Mary Magdalene, kaye Mary James ukaawii ekw maak Salome chii nituu utinamuch nanaahkuu e ishinaakuniyikwaauh e wiihchimaakusiyikwaau tuuminikanh chechii tuuminamuwaatwaau Jesus wiiyuuyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐃᔅᑯᑕᒃ ᒣᔮᐅᐸᔨᓂᔨᒡ ᒎᐗ ᐄᓅᒡ ᐅᑕᔨᒥᐦᐁᐅᒌᔑᑳᒧᐙᐤ ᐊᓂᒌ ᐃᔅᑴᐅᒡ ᒣᕇ ᒪᒃᑕᓕᓐ, ᑲᔦ ᒣᕇ ᒉᒥᔅ ᐅᑳᐐ ᐁᒄ ᒫᒃ ᓴᓨᒦ ᒌ ᓂᑑ ᐅᑎᓇᒧᒡ ᓇᓈᐦᑰ ᐁ ᐃᔑᓈᑯᓂᔨᒀᐤᐦ ᐁ ᐐᐦᒋᒫᑯᓯᔨᒀᐤ ᑑᒥᓂᑲᓐᐦ ᒉᒌ ᑑᒥᓇᒧᐙᑣᐤ ᒌᓴᔅ ᐐᔫᔫ᙮

Mark 16:1 Iomraidhean Croise

Mark 14:3

Bethanyihch mekwaach kaa ihtaat Jesus, anite Simon wiichiihch ekute kaa ihtaat. Uyuu naapeu Simon kaa umichiiwaaspinet chii ishinihkaataakanuuyuu. Miichisuunaahtikuhch chii apuuch e miichisutwaau kaa uhchi piihcheyich iskweu e pechi tahkunamiyich naashch e miywaashiyich puutayuu e asiniiyuuniyich. E mista shuuliyaauniyich tuuminikaniyuu e wiihchimaakusiyich chii piihchishtiniyuu anit. Chii mushtaakamiyuu maak uyuu tuuminikaniyuu, nard chii ishinihkaateyuu. Chii piikunam anit e ustikwaanuuniyich aniyuu puutaayuu ekw kaa kutapinahk aniyuu tuuminikaniyuu Jesus ustikwaaniihch.

Mark 14:8

Uu iskweu chii ihtuutam wiya taan kaa wii ihtit. Niyaakan chii tuuminam niyuuyuu e ayeskuwiihkahk che chiskashtaakanuyich.

Mark 15:40

Chii ihtaauch kaye iskweuch nete waahiyuushiish e uhchi kanawaapitwaau. Eukw uchii Mary Magdalene, kaye Mary, James kaa awaashiyuut ekw maak Joses ukaawaauh, ekw maak Salome.

Mark 15:42

Shaash chii utaakushiyuu kaa takushihk naapeu Joseph e ishinihkaasut. Arimathea chii ishinihkaateyuu anite kaa uhchiyit. Naashch chii chisteyimikuu wiich uchimaauh kaa maamuupiyich. Kaye maak wiya chii naanituwaapahtamuweu Chishemanituuh uchimaawiniyuu.

Mark 15:47

Mary Magdalene ekw maak Mary, Joses ukaawii ekut kaa ihtaatwaau, chii waapahtamuweuch taanit kaa pimishimaakanuyich Jesus.

Mark 16:2

Wiipach maak chiyechishepaayaayich niishtam aniyuu e chiishikaayich aniyuu miin che ati tuushteyich, iskutak piyechi nuukusiyich piisim, anite kaa waatakwaapiskahiikanuyich chii ituhteuch.

Mark 16:8

Ekw kaa wiiwiipahiitutwaau anichii iskweuch aniyuu kaa waatakwaapiskahiikanuyich e nanamipayitwaau kaye e sechisitwaau. Namui aweyuu uhchi ayimiheuch kaa ishpish chii kushtaachitwaau.

Luke 23:54

Eukw uu e chiishikaach kaa chii ayeskuwiihkaakanuuhch miyaaskaacheu makushewin kaye maak shaash chii peshunaakun che Jewa ayimiheuchiishikaach.

Luke 23:56

Ekw maak kaa chiiwetwaau kaa nituu ayeskuushtaatwaau aniyuu kaa wiihchimaakusiyikwaau mashkushuu kaye tuuminikan aniyuuh che aapachihtaatwaau e miyuhkahkwaau aniyuu miiyuuyuu. Aniyuu maak Jewa utayimiheuchiishikaamiyuu chii aasteyeskusiyuuch wesh ekun kaa ishi itashuwaataakanuutwaau Chishemanituu ukacheskwewinihch che ihtiwaakupanenich.

Luke 24:1

Niishtam maak e chiishikaayich aniyuu e tuushteyich naashch maak wiipach e chechishepaayaayich anichii iskweuch chii ituhtataauch anite kaa waatikwaapiskahiikanuyich aniyuu kaa ayeskuushtaatwaau e wiihchimaakusiyikwaau chekwaayuu chechii tuuminahkwaau aniyuu miiyuuyuu.

John 19:25

Jesus maak ukaawii peshuch chii niipuuyuu anit Jesus utaashiteyaahtikumiihch kaye ukaawii wiichishaaniskwemiyuu ekut kaa niipuyich ekw maak Mary, Clopas wiichiskweu ekw maak Mary Magdalene.

John 19:31

Anichii Jewa iinuuh kaa niikaanishkuwaatwaau namui uhchi nituweyimeuch aniyuuh e nishtiyich kaa chiistaaskuhwaakanuyich naapeu eshkw chechii itakuchiniyich waapaniyiche wesh eukw aniyuu che chisheayimiheu chiishikaayich, ekw kaa itaatwaau Pilate chechii itashuweyich chechii naatwaakaatehwaakanuyich aniyuuh naapeuh, ekw maak chechii niihtinikaanuyikwaau wiiyuwaauh chechii chiskashtaakanuyikwaauh.