Mark 15:6 - Chishemanituu Utayimuwin: Kaa Uskaach Testament

⁶ Ekun kaa chii ihtinaanuuhch maan tahtwaau wetihchipayihch anit kaa chii miichinaanuuhch miyaaskaacheu makushaan, Pilate chii pachishtineu peyakw aweyuu chipahutuukamikuhch e ihtaayich mikw taan aniyuuh netaweyimaayich aniyuuh iinuuh chechii pachishtinaakanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᑯᓐ ᑳ ᒌ ᐃᐦᑎᓈᓅᐦᒡ ᒫᓐ ᑕᐦᑣᐤ ᐌᑎᐦᒋᐸᔨᐦᒡ ᐊᓂᑦ ᑳ ᒌ ᒦᒋᓈᓅᐦᒡ ᒥᔮᔅᑳᒉᐤ ᒪᑯᔖᓐ, ᐹᐃᓚᑦ ᒌ ᐸᒋᔥᑎᓀᐤ ᐯᔭᒄ ᐊᐌᔫ ᒋᐸᐦᐅᑑᑲᒥᑯᐦᒡ ᐁ ᐃᐦᑖᔨᒡ ᒥᒄ ᑖᓐ ᐊᓂᔫᐦ ᓀᑕᐌᔨᒫᔨᒡ ᐊᓂᔫᐦ ᐄᓅᐦ ᒉᒌ ᐸᒋᔥᑎᓈᑲᓄᔨᒡ᙮

Mark 15:6 Iomraidhean Croise

Matthew 26:2

“Chichischeyihtenaawaau niishu chiishikaau ishpish ekw che chihchipayihch miyaaskaacheu makushewin. Ekut maak an mekwaach ispayihche che pachishtinaakanuut Iinuu Ukusisa chechii chiistaaskuhwaakanuut.”

Matthew 26:5

Chii iteuch maak, “Namui wii mekwaach uu makushaanuuhche chika chii maakunaanuu, wesh naanituu chika mista chishuwaasuuch iinuuch chika chii ishinaakun chihchiwe chechii machipayinaanuuhch.”

Mark 15:7

Anit maak an mekwaach, chipahutuukamikuhch chii ihtaau naapeu Barabbas e ishinihkaasut. Ekute kaa ihtaayich kaye aniyuu aweyuuh kaa wiichihiikut e machipayihkahtuwaat chisheuchimaau anit Jerusalemihch. Chii nipahechenich naapeu mekwaach uyuu kaa ihtitwaau.

John 18:16

Peter maak wiiwiitimiskwaahch anit chii ihtaau wiya. Ekw an kutak chischinuhamuwaakan an kaa miyu chischeyimikut aniyuu chisheayimiheuchimaau kaau chii wiiwiyuu, kaa ayimihaat aniyuu ishkwesha anit ishkwaahtemihch kaa ihtaayihch kaa kakwechimaat chechii piihcheyich Peter. Ekw kaa piihtakahaat aniyuu Peter.

John 19:16

Ekw Pilate kaa pachishtinaat Jesus anite aniyuu shimaakanisha e ihtaayich chechii chiistaaskuhwaatwaau aashiteyaahtikuhch. Ekw kaa chistuhtahaatwaau.

ᐊᐸᔅᑕᓚᒡ 24:27

Niishu pipunh maak ishpish ekw kutak aweyuu kaa miiskuchishkaakut an chisheuchimaau Felix. Porcius Festus chii ishinihkaasuyuuh aniyuu kaa miiskuchishkaakut. Ekw maak Felix mikw e wii nanihiiwehaat aniyuu Jewa iinuuh ekut anit chipahutuukamikuhch kaa nakataat aniyuuh Paul.

ᐊᐸᔅᑕᓚᒡ 25:9

Ekw Festus kaa itaat aniyuu Paul, “Chipaa miyeyihten aa kaau nete Jerusalemihch chechii ituhtahiikuyin. Ekute nete yaakwaau chipaa chii nituu chischeyimitin uu taan e ishi mamishimikuyin.” Uyuu maak kaa itwet an chisheuchimaau mikw e wii nanihiiwehaat aniyuu Jewa iinuuh ekun wehchii itwet aniyuu.