Mark 15:21 - Chishemanituu Utayimuwin: Kaa Uskaach Testament

²¹ Simon e ishinihkaasut naapeu Cyrenehch e uhchiit nihaau anit chii pechi pimuhteu, wiiwiitamihch anite aniyuu ihtaawiniyuu e uhtuhtet. Eukw uyuu kaa uhtaawiitwaau Alexander ekw maak Rufus. Eukw maak uyuu naapeu anichii shimaakanishach kaa aayihkamihaatwaau chechii pimuhtahaayich Jesus utaashiteyaahtikumiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᓵᐃᒪᓐ ᐁ ᐃᔑᓂᐦᑳᓱᑦ ᓈᐯᐤ ᓴᐃᕇᓂᐦᒡ ᐁ ᐅᐦᒌᑦ ᓂᐦᐋᐤ ᐊᓂᑦ ᒌ ᐯᒋ ᐱᒧᐦᑌᐤ, ᐐᐐᑕᒥᐦᒡ ᐊᓂᑌ ᐊᓂᔫ ᐃᐦᑖᐎᓂᔫ ᐁ ᐅᐦᑐᐦᑌᑦ᙮ ᐁᐅᑯᔫ ᑳ ᐅᐦᑖᐐᑣᐤ ᐋᓕᒃᓵᓐᑕᕐ ᐁᒄ ᒫᒃ ᕈᕙᔅ᙮ ᐁᐅᒄ ᒫᒃ ᐅᔫ ᓈᐯᐤ ᐊᓂᒌ ᔑᒫᑲᓂᔕᒡ ᑳ ᐋᔨᐦᑲᒥᐦᐋᑣᐤ ᒉᒌ ᐱᒧᐦᑕᐦᐋᔨᒡ ᒌᓴᔅ ᐅᑖᔑᑌᔮᐦᑎᑯᒥᔫ᙮

Mark 15:21 Iomraidhean Croise

Matthew 27:32

Mekwaach maak e ati wiiwiitwaau aniyuu ihtaawiniyuu, chii nachaheuch naapeuh Simon e ishinihkaasuyich Cyrene kaa ishinihkaateyich ihtaawiniyuu e uhchiyich. Eukw uyuu kaa aayihkamihaatwaau chechii wanikaatihwaayich Jesus utaashiteyaahtikumiyuuh.

Matthew 5:41

Awen maak siihchimiske chechii wiiushuut wiiwat peyakw tipahiikan, ekush niishu tipahiikan ishpish ituhtataau.

Mark 15:20

Iskutak maak kaa chiishi maayeyimaatwaau ekw kaa manipitamuwaatwaau aniyuu kaa mihkwekaniyich akuhpiyuu kaa chichishkamiyich ekw wiya uchekwaanimiyuuh kaa pushchishkamutiyaatwaau. Ekw kaa wiiwiihtahaatwaau che nituu chistaaskuhwaatwaau aashiteyaahtikuhch.

Luke 14:27

Awen ekaa pimuyaate utaashiteyaahtikum e pechi nuushuushkuut namui nika chii uchischinuhamuwaakanitutuwaau.

Luke 23:26

Mekwaach maak e ati pimuhtahaatwaau Jesus anite che chiistaaskuhwaakanuyich, chii nachishkaweuch naapeu Simon e ishinihkaasuyich, Cyrene ihtaawinihch e uhchiyich, mekwaach utenaahch e wii pechi ituhteyich. Chii maakuneuch maak kaa miyaatwaau aniyuu aashiteyaahtikw chechii wanikaatihwaayich, ekw kaa ati nuushuushkuwaayich Jesus.

John 19:17

Kaa chistuhtahaatwaau aniyuu Jesus e pimuhtahaayich utaashiteyaahtikumiyuu anite kaa ituhtahaatwaau “Chiipaistikwaan kaa ihtakuhch” kaa ishinihkaateyich. Uu maak “Chiipaistikwaan kaa takuhch” kaa ishinihkaatech, Hebrew e ishi ayiminaanuuhch “Golgotha” iinaanuu.

ᐊᐸᔅᑕᓚᒡ 11:20

Mikw maak pasch anichii kaa taapwehtahkwaau anite Cyprus, kaye maak Cyrene kaa uhchiitwaau chii ituhteuch anite Antiochihch ekw kaa wiihtamuwaatwaau aniyuu Greek iinuu miywaachimuwiniyuu Jesus e tipeyihchicheyich.

ᐊᐸᔅᑕᓚᒡ 13:1

Anit maak Antiochihch kaa ihtaatwaau umaamuuayimihaauch chii ihtaauch anit uchischiwehiichesuuch kaye kaa chiskutamaachetwaau. Eukw uchii, Barnabas ekw maak Simeon kaa wiipiset kaa ishinihkaataakanuut ekw maak Lucius, Cyrene kaa uhchiit, kaye Manaen an kaa asich nihtaauchinaakanuut Chisheuchimaau Herod kaa nihtaauchinaakanuyich ekw maak Saul.

ᐊᐸᔅᑕᓚᒡ 2:10

Phrygia, Pamphylia, Egypt, kaye Libya peshuch anite Cyrene kaa ihtakuhch ihtaawin. Kaye maak pasch utah e tashiihkw Rome kuuhchiinaanuu.

ᐊᐸᔅᑕᓚᒡ 6:9

Chii ihtaauch naapeuch ekaa uhchi naheyimaatwaau Stephen, anichii anite kaa chii ishi naachayimihaatwaau aniyuu Jewa ayimiheukamikuyuu kaa aapihkunaakanuutwaau naapeuch, kaa ishinihkaateyich. Nanaahkuu ihtaawinihch chii uhchiyuuch Cyrene ekw maak Alexandria kaa ishinihkaateyikwaauh. Kutakach maak anite Cilicia ekw maak Asia aschiihch chii uhchiyuuch. Eukun maak uyuuh naapeu kaa machipayikahtaakut Stephen.

Romans 16:13

Niwaachiyemaau Rufus, naashch taapwe chishtaachimaakanuu taan e ishi miyu atushkuwaat Utipeyihchikeu. Ukaawii kaye niwaachiyemaayuu. Mwehch tipiiwe nikaawii nititeyimaayuu.