Mark 15:19 - Chishemanituu Utayimuwin: Kaa Uskaach Testament

¹⁹ Ekw kaa utaamistikwaanehwaatwaau mistikw e aapachihtaatwaau. Chii shihkwaateuch kaye chii uchihchiihkunapayihuuch uhchishkuu e ihtaayich muyaam e chisteyimaatwaau e ihtitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᐁᒄ ᑳ ᐅᑖᒥᔅᑎᒀᓀᐦᐙᑣᐤ ᒥᔅᑎᒄ ᐁ ᐋᐸᒋᐦᑖᑣᐤ᙮ ᒌ ᔑᐦᒀᑌᐅᒡ ᑲᔦ ᒌ ᐅᒋᐦᒌᐦᑯᓇᐸᔨᐦᐆᒡ ᐅᐦᒋᔥᑰ ᐁ ᐃᐦᑖᔨᒡ ᒧᔮᒻ ᐁ ᒋᔅᑌᔨᒫᑣᐤ ᐁ ᐃᐦᑎᑣᐤ᙮

Mark 15:19 Iomraidhean Croise

Matthew 27:30

Chii sihkwaateuch maak. Ekw kaa utataamistikwaanehwaatwaau aniyuu mistikuyuu kaa tahkunamiyich.

Mark 10:34

Eukw uchii che maayeyimaatwaau kaye che sihkwaataatwaau, kaye che pasistehwaatwaau, ekw maak che nipahaatwaau. Nishtu chiishikaau maak chii utihchipayiyiche kaau che wanishkaat.”

Mark 14:65

Pasch maak chii shihkwaateuch kaye chii akunaahkwehweuch ekw kaa wautaamuhkwehwaatwaau e itaatwaau, “Awen kaa utaamuhuusk chititeyihten.” Mechim aniyuuh kaa maakunawesiyich kaa naanaakachihtaayich aniyuu waaskaahiikaniyuu chii utataamuhukuu aniyuu e ati chistuhtahiikut.

Mark 15:18

Ekw aayaahch kaa ihtuutawaatwaau muyaam e chisteyimaatwaau e ihtuutawaatwaau. Chii maayeyimeuch mwehch e maamihchimaatwaau e itaatwaau, “Eukw chiya Jewa iinuuch uchisheuchimaamuwaauh.”

Mark 15:20

Iskutak maak kaa chiishi maayeyimaatwaau ekw kaa manipitamuwaatwaau aniyuu kaa mihkwekaniyich akuhpiyuu kaa chichishkamiyich ekw wiya uchekwaanimiyuuh kaa pushchishkamutiyaatwaau. Ekw kaa wiiwiihtahaatwaau che nituu chistaaskuhwaatwaau aashiteyaahtikuhch.

Mark 9:12

Ekw kaa ishi nishkweushihiikutwaau, “Taapwe kiipaa Elijah niishtam kata takushin chechii ayeskuushtaat misiwe chekwaayuu. Chekwaan maak wehchi itashtech Chishemanituu umasinahiikanihch Iinuu Ukusisa mistahii che nanehkaateyimut kaye ekaa che uhchi aapateyimaakanuut.

Luke 22:63

Ekw maak anichii kaa maakunawesitwaau kaa naanaakachihaatwaau Jesus chii maayeyimeuch kaye chii utaamuhweuch.

Luke 23:11

Ekw maak Herod kaye ushimaakanshiimh chii wiyaahuuch Jesus e maayeyimaatwaau kaye aayaahch e ihtuutawaatwaau e pushchishkamutiyaatwaau akuhpiyuu e miywaashiyich. Ekw maak Herod kaau kaa chiiwetishihwaat Jesus, Pilate e ihtaayich.

Luke 23:36

Shimaakanishach kaye chii maayeyimeuch Jesus, ekw kaa naataatwaau peshuch kaa wii minihaatwaau e wiishikaakamiyich shuuminaapuuyuu.

Romans 11:4

Ekw maak kaa itikut Utipeyihchikeuh, Niishwaashwaa chishe mitaahtumitanuu nichii pahkaanihaauch anichii awenichii ekaa wiiskaat uhchi niipiskuupistawaatwaau aniyuuh manituuhkaan Baal kaa ishinihkaasuyich.

Philippians 2:10

Ekw maak misiwe awen che maamihchimaat Jesus kaa ishinihkaataakanuyich, misiwe awen kihchikiishikuhch kaye aschiihch ekw maak nitamihch aschiihch kaa ihtaat.

Hebrews 13:13

Ekw maak wiiwiitaau anita ihtaawinihch che nituwaapamuhkw Jesus kaye chiyaanuu chechii muushihtaauhkw taan kaa ishi maayeyimaakanuut.